Dawqdaq 6:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yawdoer doer-eu tsawrhaq-or! Arho jawr-eu gar ir-awr, Arho-euq garma-euq garkawv sharnoeq sharsawx-awr tsawrganr anrlar-awq.

Akha

⁶ Yaw doeˇ doeˇ-eu tsawˇ haˬ deuˬ-oˇ, aˇ ho jawˇ gaˇ iˇ-awˬ. Aˇ ho kʼoeˇ deuˬ mˇ gaˇ dzaw geuꞈ-awˬ.

Dawqdaq 6:6 ပူးပေါင်းရင်းမြစ်များ

Dawqdaq 1:17

Arjir hawluf ngae bawghaf khmr-eu-aq, tiqjeq-iq gardanr maq tsoeqler-a.

Dawqdaq 10:26

Yawcaer jeq, seuq-anr seuqkmq bi kmqlar-awr, Uqkhoeq, myavnuiv-anr bi pirlar-eu lof-aer, Nymrgawq yawdoer tsawrhaq khawf, Yawqha-anr khaer-eu ghaq-anr khoerlof-aer bi pyeufler-eu mae.

Dawqdaq 10:4

Nymrgawq yawdoer aqlaf tsof-eu tsawrhaq-aq, irshaq yashaq-ir-awr, Yawbym tsawrhaq-euq aqlaf-aq, smrmuiq bi muiqlar-eu mae.

Dawqdaq 13:4

Nymrgawq yawdoer tsawrhaq-euq nuima saflar-aq, Geufmawf-eu khawf tiqjeq-iq maqza-ar. Aerkhawf, yawbym tiq ghaq-euq nuima saflar-aq, Tiqbyan tiqlof nuikhanr yashir taef-a.

Dawqdaq 15:19

Nymrgawq yawdoer-euq garma-anr aqgan bawduv-euq yarkmr lof-aer daefbyan taq-euq mae. Aerkhawf, dawrcoeni ghae-eu tsawrhaq-euq cankawv-aq, sarlaevni ghae-eu garjawq jawqma pyeuf-eu mae.

Dawqdaq 18:9

Yawqha ya’mr-eu jeq maq mrnanr-eu tsawrhaq-aq, Lavcawv-eu tsawrhaq naeq-aer maernmr pyeuf-eu mae.

Dawqdaq 19:15

Yawdoer doer-eu tsawrhaq-aq, yufdaev-eu maqbaw-aer, Nymrgawq gawq-eu tsawrhaq-aq, ya’maef taef-a.

Dawqdaq 19:24

Nymrgawq yawdoer tsawrhaq-aq, Yawqha-euq aqlaf, hawqghawv-anr cawqanr-euq gar nae, Yawqha-euq khaqmae-anr dawvluv-eu aqlaf maq cawqkhof nanr-a.

Dawqdaq 20:4

Nymrgawq yawdoer-aq, tsaeqyamq-anr maqtsaeq-aer, Yaeqyamq-anr tiqjeq-iq dzaq-eu maqjav-aer, Sharshar-aer yashaq-eu mae.

Dawqdaq 21:25

Nymrgawq yawdoer tsawrhaq-aq, Yawqha geufmawf-eu jeq nae yabi saef taef-a. Aqjeq mirnae aernar-aq, Aqyawf, yawqha-euq aqlaf nae, Tiqjox-aer ghaenae-iq maq mrmawf-a.

Dawqdaq 22:13

Nymrgawq yawdoer tsawrhaq aer-eu, “Lafnyir paw arlaqjaqshir jawr-a! Ngar, garma-anr dov-ir nar-aq, Yabi kawfsaefdzaq mae.”

Dawqdaq 23:19

Ngaq-euq zaqyo-or! Narhaq-awr ganrlar-awq. Nawq-euq nuima-anr, tsaq-eu garma kanr-anr sheuqmaeq naeq-awq.

Dawqdaq 30:24

Mirtsaq-euq khoertav mawrdo yawnyir khawf, Tsawrganr yawkhav-aer anr-eu armawr oeq jeq jawr-eu mae;

Dawqdaq 30:25

Arho-aq, ghaq maqkhav-eu armawr pyeuf-eu khawf, Jawrla yamq-anr dzaqdzaq dawrdawr povuiq taq-eu mae.

Dawqdaq 6:9

Yawdoer doer-eu tsawrhaq-or! Nawr aqmyan keuvni yuf-eu laer ghae-eu le? Yufkhav taq-euq gar nae nawr aqmyan turlar-eu laer ghae-eu le?

Maꞈtehˬ 25:26

“Khoerngae, Yawsanr ghaq, aqyawf-anr heulof-aer aerkhof naeq-euq mae, ‘Zawr cawv-awr yawdoer doer-eu kuirlaf zaqkhav-or! Ngaq nae maqka-euq gar, ngar yaeqdzaq-awr, ngaq nae maqsaeq-euq gar, ngar tawvuiq-eu mae laer, nawr siqnya-eu jeq mar-iq,

Maꞈtehˬ 6:26

Nawmaf, khoertav paw zawluf-eu arjir-anr hawsher-eq. Arjir-aq, caer maqka, caer maqyaeq, caerjir-anr caer maq pi’anr taq-a. Aerkhawf, mq-euq khoertav jawr-eu nawmaf-euq Aqda, arjir khoerdeuq-anr bidzaq bi dawrluf-eu mae. Nawmaf, arjir khoerdeuq navmaqtser poeqdzaeq-eu maqngeur lor?

Lormav 12:11

Saflar-euq lafkhoer shaqdaef shaqnar anr-awr, nymrgawq yawdoer maqanrni, Sanqpaq Miqyaer-euq gar mr-awq.

HeˬByehˇ 6:12

Khoermirnae, nymrgawq yawdoer tsawrhaq maqya pyeufni, jan-awr or-eu lafkhoer, Miqyaer nae sarjax dzaqtaq-euq jeq-anr za-euq tsawrhaq deuq-anr mrcaw-awq.