Dawqdaq 5:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerngae, nawr heulof-aer aer taef-a: “Aqjeq mirnae, ngar maeqdawq tsovdawq-anr byae-awr, Ngaq-euq nuima maeqpar-eu gar hawdoer-euq nya!

Akha

¹² Kʼoeˇ ngeh nawˇ heu loꞈ-ehˇ ehˇ tehꞈ-a. “Aˬ jeˬ miˇ neh ngaˇ zahˇ sahˇ kʼoꞈ-ahˇ bye-awˇ, mehˬ nehˬ tsoˆ nehˬ laꞈ-euˬ dawˬ-ahˇ maˬ naˇ haˬ ni dehꞈ-euˬ nga.

Dawqdaq 5:12 ပူးပေါင်းရင်းမြစ်များ

Jaceuq 50:17

Nawmaf, ngaq-euq maeqdawq tsovdawq-anr byae-eu mawrlar-awr, Nawmaf, ngaq-euq dawq narkhan paw biqdzae yaf-euq maqngeur laq?

Jaceuq 73:22

Ngar-aq, tiqjeq-iq maq siqnya-eu dawrga lof-aer pyeuf-ir-awr; Nawq-euq maeqshi, jeqzaq tiq mawr lof-aer pyeuf-ir-euq mir-a.

Dawqdaq 1:22

“Maqdzaw-euq zaqdeuq-or! Aqmyan keuvni maqsiq maqnya-eu jeq-anr gaq-eu laer ghae-eu le? Aqjaf jaf-eu deuq khawf, aqmyan keuvni aqjaf jaf-eu gar laqkhaq caer-awr, Aqdzawq argan deuq khawf, aqmyan keuvni siqnya-eu tsawrganr-anr byae-eu laer ghae-eu le?

Dawqdaq 1:25

Nawmaf, ngaq-euq maeqbawq dawqtawv luf-anr byaerdzae-awr, Maeqpar-eu dawq-anr maq hageuf-eu mirnae,

Dawqdaq 1:7

Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Dawqdaq 10:17

Maeqdawq tsovdawq-anr cantae-eu tsawrhaq-aq, Daef-eu garma-anr canluf-eu mae. Aerkhawf, maeqpar-eu gar maq narhaq-eu tsawrhaq-aq, Garbanq banq-ir luf-eu mae.

Dawqdaq 12:1

Maeqdawq tsovdawq-anr gaq-eu tsawrhaq-aq, Siqnya-eu tsawrganr-anr gaq-eu mae. Aerkhawf, maeqpar-eu jeq-anr byae-eu tsawrhaq-aq, Yawlaf dawrga mae.

Dawqdaq 13:18

Maeqpar tsovpar-eu gar maq hageuf-eu tsawrhaq-anr, Irshaq shaq-eu jeq hawr-eu daqga-eu jeq keuvle taef-a. Aerkhawf, maeqpar-eu gar narhaq-eu tsawrhaq-aq, Taqhuiq-eu jeq za taef-a.

Dawqdaq 15:5

Aqdzawq argan-aq, yawqha-euq aqda maeqpar tsovpar lar-eu gar hawdoer-eu mae. Aerkhawf, maeqpar naeq-eu gar narhaq-eu ghaq-aq, Noeqsiq noeqmawr nya-eu tsawrhaq mae.

Dawqdaq 5:11

Nawq-euq daefzir arsaq saqlar-awr, Nawq-euq shiqshaq hawr-eu nawq-euq mawrdo byovjir ngae, Nawr tsawrngoer ya’ngoer taef-a.

Dawqdaq 6:23

Aqjeq mirnae aernar-aq, zanrdawq khofdawq-aq, tsirkhmq pyeuf-awr, Zanrdawq-aq, yawshaef pyeuf-eu mae. Maeqpar naeqlaf-eu maeqdawq tsovdawq-aq, daef-eu jeq bif-eu garma mae.

Dawqdaq 8:36

Aerkhawf, ngaq-anr iqbax mr-eu tsawrhaq-aq, Yawqha-euq nuima saflar-anr yawqha mrbanq-euq mae. Ngaq-anr kharbyae-eu tsawrhaq-aq, shir-eu jeq-anr gaq-eu mae.”