Dawqdaq 4:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

Akha

¹⁸ Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Dawqdaq 4:18 ပူးပေါင်းရင်းမြစ်များ

Jaceuq 84:7

Aqyawfmaf maeqhu paw ngaeq-aer leghae nar-aq, Ghaq ngaeq-aer anrdzaeq lar-awr; Aqyawf ghaq aqyawf, Ziroq-euq lafkhoer Miqyaer-euq maeqshi ya lekeuv-euq mae.

Jaceuq 97:11

Tsaq-awr dawr-eu tsawrhaq-euq khoertav yawshaef saeqdav naeq-awr, Nuima-euq lafkhoer dawrcoeni ghae-eu tsawrhaq-euq khoertav, Laqkhaq caer-eu jeq saeqdavnaeq taef-a.

Dawqdaq 13:9

Tsaq-awr dawr-eu tsawrhaq-euq yawshaef-aq, laqkhaq bi caerlar-eu mae. Aerkhawf, tsawrcawv-euq tsirkhmq-aq ya’miv-ir taef-a.

Dawqdaq 15:24

Daef-eu jeq bif-eu cankawv-aq, tsawrganr anr-eu tsawrhaq-anr laftav paw sheuqdav lef-eu mae. Khoer-aq, aqyawf-anr lafov paw jav-eu shir-eu mirkhanq-anr sheuqjaw-eu gharduq mae.

Dawqdaq 2:20

Khoermirnae, nawr, tsawrmuiq-euq garma-anr can-awr, Tsaq-awr dawr-eu tsawrhaq-euq cankawv-anr can’ghae-awq.

Dawqdaq 2:9

Khoernar-aq, tsaq-awr dawr-eu jeq, dawrcoeni dar-eu jeq, didaeqni janr-eu jeq, Hawr-eu muiq-eu cankawv yawqkanr navluf-anr nawr ghovshaw nyalar taef-a.

Maꞈtehˬ 5:14

“Nawmaf-aq, mirtsaq-euq yawshaef mae. Gawqjawq-euq uqdu jav-eu meuq-anr maq daeqkaqzaf nya-a.

Maꞈtehˬ 5:16

Khoerlof-aer durni, nawmaf-euq yawshaef khawf aqcawq-euq maeqshi bibya-awq. Khoerlof-aer mr nar-aq, aqcawq, nawmaf mr-eu yawmuiq jeq-anr ya’mawr ngae, mq-euq khoertav jawr-eu nawmaf-euq Aqda-anr jaceuq taef-a.

Maꞈtehˬ 5:45

Khoerlof-aer mr nar-aq, nawmaf-aq, mq-euq khoertav jawr-eu Aqda-euq zaqdeuq pyeuf-eu mae. Aqjeq mirnae aernar-aq, aqyawf-aq, tsawrmuiq-euq gharduq khawf tsawrdoer-euq gharduq khawf nanrma bi dovlar-awr, tsaq-awr dawr-eu tsawrhaq-euq khoertav khawf, maqtsaq maqdawr-eu tsawrhaq-euq khoertav khawf uqyaer bi yaerle-eu mae.

Yoˇhaˬ 8:12

Yeqsur, aqyawf maf-anr tiq pov par aernaeq-eu, “Ngar-aq, mirtsaq-euq yawshaef ma. Ngaq-euq maeqnan cantae-eu tsawrhaq-aq, yawzanr-euq lafkhoer maqpar can-aer, daef-eu jeq bif-eu yawshaef za taef-a.”

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

Piˇliˇpiˆ 2:15

Khoerlof-aer mr nar-aq, nawmaf iqbax taqkhar maqza-aer, aqcawq-anr maqcoeq maqciv-eu tsawrhaq pyeuf taef-a. Khoeruqtaf, nuighof anr-awr, nanrpov-aer daefluf-eu heuzir-euq tsawrhaq hawr-eu mirtsaqzaq-euq ghanrcae, nawmaf-aq, yawlaeq maqanr-eu yawshaef lof-aer bya’naeq luf-eu Miqyaer-euq zaq pyeuf taef-a.

2 Beˬtuˆluˆ 1:19

Khoermirnae, aqdui yawduq baw-eu, Miqyaer gharduq ngaeqdan-eu dawq jav-eu ma. Nawmaf dawq khoer-anr narhaqgeuf nar-aq yawmuiq mae. Khoer-aq, nawmaf-euq nuima-euq lafkhoer, uqbya byalar-awr, shawqmuir dovlar ngae keuvni, yawzanr-euq lafkhoer byaluf-eu yawshaef-anr nawmaf ghoe-eu lof-aer dur-eu mae.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

Panmaeq 21:23

Meuq heumeuq-euq lafkhoer, nanrma hawr-eu bala-euq yawshaef maqpar mawf-a. Aqjeq mirnae aernar-aq, Miqyaer-euq yawshaef khanqsaer meuq heumeuq-anr tsaeqbya-awr, Yawrzaq-aq, meuq heumeuq-euq tsirkhmq pyeuf-eu mae.

Panmaeq 22:5

Heugar-aq, uqcif cif-ir-eu maqpar baw-aer, aqyawfmaf, tsirkhmq hawr-eu nanrma-euq yawshaef maqpar mawf-eu mae. Aqjeq mirnae aernar-aq, Sanqpaq Miqyaer, aqyawf maf-anr yawshaef tsaeqbya’naeq taef-a. Aqyawfmaf, li-eu maqbawni ya uvlanr taef-a.