Dawqdaq 3:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawr kharmr kharshar-eu jeq, aqyawf-anr bi siqnya-awq. Aqyawf, nawq-euq garma toeqmaeq naeqlaf taef-a.

Akha

⁶ Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ-ahˇ noeˬ keuˆ-awˬ. Nawˬ-ahˇ yaw tsaˬ yaw dawˇ gaˇ ma mehˬ laꞈ tehꞈ-a.

Dawqdaq 3:6 ပူးပေါင်းရင်းမြစ်များ

Jaceuq 32:8

Miqyaer aer-eu, “Ngar, nawr ya’ir-eu garma, nawq-anr maeqnaeq-awr bi ganrlar ma. Ngar, nawq-anr, ngaq-euq myavnuiv nae sheuqghaenaeq ma.

Dawqdaq 11:5

Iqbax taqkhar maqza-eu tsawrhaq-euq tsaq-awr dawr-eu jeq, Aqyawf-anr garma dawrcoeni bican-eu gharduq, toeqmaeqnaeq taef-a. Aerkhawf, tsawrcawv-aq, yawqha-euq yawcawv-euq baqda’nae yacoq-ir taef-a.

Dawqdaq 16:3

Nawr mr-eu gardeuq Ya’we Miqyaer-anr a’naeq-awq, Nawq-euq arpyar pyeufler taef-a.

Dawqdaq 16:9

Tsawrhaqzaq-euq nuima-aq, Yawqha-euq garma-euq gharduq, bawqtov tov-eu mae. Aerkhawf, Ya’we Miqyaer-aq, Aqyawf-euq kuirtof ciqtsaq naeq-eu ghaq pyeuf-eu mae.

Dawqdaq 23:17

Nawq-euq nuima iqbaxzaq-anr myavnav taqbi nav. Aerkhawf, nawq-euq tiqzir, Ya’we Miqyaer-anr guv-eu jeq-anr nuima keuv-awq.

1 Gawˇliˬtu 10:31

Khoermirnae, nawmaf dzaq-awr dawr-eu maqaer, aqjeq mr-eu maqkaq, yawqjeq navluf-euq lafkhoer Miqyaer-euq yawshaef khanqsaer dovlarni mr-awq.

2 Gawˇliˬtu 8:16

Ngar, nawmaf-euq gharduq nuima keuv-eu lof-aer, Tirtuv khawf nawmaf-euq gharduq nuima keuvni, Miqyaer janrnaeq laf-euq mirnae, Miqyaer-euq guiqlanq-anr jaceuq ma.

Piˇliˇpiˆ 4:6

Tiqjeq-anr-iq khanq taqlanr. Aerkhawf, yawqjeq navluf-euq lafkhoer guiqlanq sharshar-aer, tanqshar-awr jaceuq-eu lafkhoer, nawmaf sharmawf-eu jeq Miqyaer-anr dzawrnaeq-awq.

Gawˇlawˇsehˇ 3:17

Nawmaf dawqngaeq dawqtmr mr-eu hawr-eu, mr-awr shar-eu yawqjeq navluf, Sanqpaq Yeqsur-euq tsawrmyanr-euq uqmov mr-awq. Aqyawf-anr ghoe-awr Aqda Miqyaer-euq guiqlanq-anr jaceuq-awq.

Gawˇlawˇsehˇ 3:23

Nawmaf kharmr kharshar-eu aqgeu jeq maqkaq, tsawrhaq-anr mrnaeq-eu maqngeur-eu, Sanqpaq Miqyaer-anr mrnaeq-eu lof-aer nuima keuv-awr mr-awq.

Yaˬkoˆ 1:5

Nawmaf-euq lafkhoer tiqghaqnav zaqsiq tsawrganr teqluf nar-aq, Miqyaer-anr shar-eu tsaq mae. Miqyaer, aqyawf-anr bif taef-a. Aqjeq mirnae aernar-aq, Miqyaer-aq, aqyawf-anr kharshar-eu tsawrhaq-anr maqdaeq-aer ghawqmya’ni bif-eu mae.