Dawqdaq 3:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aqjeq mirnae aernar-aq, Kharngeur-eu jeq yurpyawv-eu tsawrhaq-anr, Ya’we Miqyaer nuidav dav-awr; Dawrcoeni ghae-eu tsawrhaq-anr, aqyawf maeqbawq bif-eu mae.

Akha

³² Yawˬ haiˬ jeˬ mˇ-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, Yaw tsaˬ yaw dawˇ tsawˇ haˬ-ahˇ aˬ yawꞈ jah coeˇ-eu meh.

Dawqdaq 3:32 ပူးပေါင်းရင်းမြစ်များ

Jaceuq 18:26

Nuima shawr-eu tsawrhaq-anr, nawq-euq nuima shawr-eu gar bimawr-awr; Nuighof baw-eu tsawrhaq-anr, nawq-euq yawghof jeq bimawr-eu mae.

Jaceuq 25:14

Ya’we Miqyaer nae zaftaq-euq jeq-aq, aqyawf-anr guv-eu tsawrhaq deuq naeq-aer jav-awr; Aqyawf, aqyawf maf-anr aqyawf-euq dawqma sarjax bimawr-eu mae.

Dawqdaq 11:20

Nuima birpyawv-aer ghae-eu tsawrhaq deuq-anr, Ya’we Miqyaer nuidav dav-eu mae. Aerkhawf, Miqyaer, aerkhar maqza-eu tsawrhaq, Yawqha-euq garma-anr can-eu gar, nuikhanr shir-eu mae.

Dawqdaq 14:10

Nuima-aq, yawqha-euq khaqjawfni ghae-eu nuijav siqnya-awr, Yawqha laqkhaqcaer ngae, maqsiq maqsux-eu tsawrhaq, Laqkhaq maqbi cawcaer lar-a.

Dawqdaq 17:15

Tsawrcawv deuq-anr mrshawr naeq-awr, Tsaq-awr dawr-eu deuq-anr darnaeq-eu, Heu nyiq jeqluf mr-eu tsawrhaq-anr, Ya’we Miqyaer nuidav dav-eu mae.

Dawqdaq 8:13

Ya’we Miqyaer-anr guv-eu jeq-aq, yawdoer jeq-anr byae-eu mae. Nuima huiq-eu, janrghae-eu, yawdoer-euq garma hawr-eu, Dawq yurpyawv-eu khaqmae-anr ngar byae-eu ma.

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

Maꞈtehˬ 13:11

Yeqsur heulof-aer aerkhof naeq-euq mae, “Aqjeq mirnae aernar-aq, mqtav mirkhanq-euq garkawv zaftaq-euq deuq nawmaf-anr taef-aer bi siqnya-awr, aqyawf maf-anr maqbi siqnya-aq.

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Yoˇhaˬ 15:15

Aqkar nar-aq, ngar, nawmaf-anr zaqkhav laer maqpar kur ma. Aqjeq mirnae aernar-aq, zaqkhav-aq, yawsanr aqjeq mrluf-eu la laer maq siqnya-a. Aerkhawf, ngar, nawmaf-anr cawq laer kur ma. Aqjeq mirnae aernar-aq, ngar, ngaqDa-anr nae kharya gaq-euq yawqjeq navluf nawmaf-anr aernaeq-eu ma.

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Panmaeq 2:17

“Naqbawr tsof-awr gaqnya-eu tsawrhaq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq-anr, zaftaq-euq maqnav bidzaq-awr, khaqlo lopyur tiq siq bif ma. Khaqlo khoersiq-euq khoertav tsawrmyanr yawshuif boftaq-euq mae. Khaqlo khoersiq za-euq aqyawfghaq maqngeur nar-aq, tsawrmyanr khoermyanr-anr nuighaq tiqghaq-iq maq siqnya-a.” ’