Dawqdaq 3:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ghawqshaq gaq-eu jeq hawr-eu yawtsaq yawdawr jeq, nawq-anr taqbi byaerdzae, Zanrdawq khoer nawq-euq kawqlanr-anr dan-awr, Nawq-euq nuima-euq terbyaf-anr bofmyanq taq-awq.

Akha

³ Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Dawqdaq 3:3 ပူးပေါင်းရင်းမြစ်များ

Jaceuq 119:11

Ngar, nawq-anr iqbax maqya mrbanqni, Ngaq-euq nuima-euq lafkhoer, nawq-euq dawq shardawv taq-euq ma.

Jaceuq 25:10

Aqyawf-euq dawqma sarjax hawr-eu aqyawf-euq dawqdzawr-anr cantae-eu tsawrhaq-euq gharduq-aq, Ya’we Miqyaer-euq cankawv dawqtawvluf, yawtsaq yawdawr hawr-eu ghawqshaq gaq-eu jeq pyeuf-eu mae.

Jaceuq 85:10

Ghawqshaq gaq-eu jeq hawr-eu yawtsaq yawdawr jeq tanqdzoer-awr, Tsaq-awr dawr-eu jeq hawr-eu nuisar of-eu jeq maeqsaw saw-euq mae.

Dawqdaq 1:9

Aqjeq mirnae aernar-aq, Dawq heudeuq-aq, nawq-euq uqduq-anr hawmuiq-eu uqdzanq hawr-eu, Nawq-euq kawqlanr-anr dan-eu lanrdan lof-aer dur-eu mae.

Dawqdaq 14:22

Yawdoer jeq tov-eu tsawrhaq garbanq banq-ir-euq maqngeur nga laq? Aerkhawf, yawmuiq jeq tov-eu tsawrhaq-aq, Ghawqshaq gaq-eu jeq hawr-eu, Yawtsaq yawdawr jeq ya’mawr taef-a.

Dawqdaq 16:6

Ghawqshaq gaq-eu jeq hawr-eu yawtsaq yawdawr jeq-euq baqda’nae, Yawbanq yawlaeq-euq gharduq lawrdan-awr, Tsawrhaq tiq ghaq, Ya’we Miqyaer-anr guv-eu jeq-euq baqda’nae, Yawcawv jeq-anr garjaw jawnya-eu mae.

Dawqdaq 20:28

Ghawqshaq gaq-eu jeq hawr-eu, Yawtsaq yawdawr jeq, sanqpaq-anr hawpir-awr, Ghawqshaq gaq-eu jeq-euq baqda’nae, Aqyawf-euq nuirmanq zifnya-eu mae.

Dawqdaq 6:21

Dawq khoerdeuq aqmyanluf, Nawq-euq nuima-anr paftawf-awr, Nawq-euq kawqlanr-anr dan-awq.

Dawqdaq 7:3

Dawq khoerdeuq, nawq-euq lafnoer-anr paftawf taq-awr, Nawq-euq nuima-euq terbyaf-anr bofmyanq taq-awq.

Maꞈtehˬ 23:23

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, arjirpafdaw, jaqgulumyanq hawr-eu yasawr, heudeuq tserbymr tiqbymr damq-eu mae. Aerkhawf, zanrdawq-euq lafkhoer nae huiqdzaeq-eu jeq pyeuf-eu, dawr-awr tsaq-eu jeq, ghawqshaq gaq-eu jeq hawr-eu jan-eu jeq, heudeuq-anr nawmaf maqmr-a. Nawmaf heudeuq mr paq-aer ghae-eu uqtaf, nuideuq-anr khawf byaerdzae paq-aer maqghae-a.

2 Gawˇliˬtu 3:3

Nawmaf-aq, Kali nae nga’maf-anr ghoe-awr boftaq-euq sanqbof ngar-a laer byacaevni javluf-eu mae. Sanquir nae boftaq-euq sanqbof maqngeur-a, daefluf-eu Miqyaer-euq Saflar nae boftaq-euq mae. Khaqlo terbyaf-anr boftaq-euq khawf maqngeur-a, shiqshaq-euq terbyaf pyeuf-eu nuima-euq lafkhoer boftaq-euq sanqbof mae.

Eˇpeˇsu 5:9

(Aqjeq mirnae aernar-aq, muiq-eu Saflar-euq arsiq-aq, tsaq-awr dawr-eu jeq, yawtsaq yawdawr jeq hawr-eu yawmuiq jeq dawqtawv luf-euq lafkhoer anr-eu mae).

HeˬByehˇ 10:16

“Sanqpaq Miqyaer aer-eu, khoerngae yamq dzeur-euq nar-aq, Ngar, aqyawf maf-anr dawqma sarjax heulof-aer bifnaeq ma. Ngar, ngaq-euq zanrdawq aqyawf maf-euq nuima-anr dawvanr naeq-awr, Aqyawf maf-euq nuinoeq-euq lafkhoer bofanrnaeq ma.