Dawqdaq 3:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq zaqyo-or! Ngaq nae maeqnaeq tsovnaeq-euq zanrdawq-anr maqngaer-aer, Nawq-euq nuima, ngaq-euq khaerdawq jeqhmq taq-awq.

Akha

¹ Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawqdaq 3:1 ပူးပေါင်းရင်းမြစ်များ

Jaceuq 119:11

Ngar, nawq-anr iqbax maqya mrbanqni, Ngaq-euq nuima-euq lafkhoer, nawq-euq dawq shardawv taq-euq ma.

Jaceuq 119:153

Ngar, nawq-euq zanrdawq-anr maqngaer-eu mirnae, Ngar shaqzanq ya daqluf-eu garkawv sharnoeq naeqlaf-awr, Ngaq-anr kakhof naeqlaf-awq.

Jaceuq 119:16

Ngar, nawq-euq dawq maqngaer. Ngar, nawq-euq zanrtaq khoftaq-anr laqkhaqcaer ma.

Jaceuq 119:176

Ngar, nawq-euq zanrdawq khofdawq-anr maqngaer-euq mirnae, Byov-ir-euq yawrzaq lof-aer garma canbanq taq-euq, Nawq-euq kuirlaf zaqkhav-anr povkhofle naeqlaf-awq.

Jaceuq 119:34

Ngar, nawq-euq zanrdawq-anr aqdir cantae-awr, Ngaq-euq nuima dawqtawvluf mrcaw nya’ni, Ngaq-anr ghovshaw nya-eu jeq bifnaeq laf-awq.

Jaceuq 119:61

Tsawrcawv-euq arcav, ngaq-anr lanrju lof-aer khmrpaf lar-eu khawf, Ngar, nawq-euq zanrdawq-anr maqngaer.

Jaceuq 119:93

Nawr, nawq-euq maeqdawq-anr ghoe-awr nae, Ngaq-anr daef-eu jeq bifnaeq laf-eu mirnae; Ngar, nawq-euq dawq-anr tiqjawr-iq maqngaer.

Jaceuq 91:16

Ngar, aqyawf-anr zirbaw zirza-eu guiqlanq nuikhanr tiqshir bif-awr, Ngaq-euq kakhof-eu jeq bimawr ma.”

Dawqdaq 1:8

Ngaq-euq zaqyo-or! Nawqda-euq maeqdawq tsovdawq-anr narhaq geuf-awr; Nawqma-euq zanrdawq-anr taqbyaer.

Dawqdaq 16:31

Tsaq-awr dawr-eu garma-anr povza-euq ngeur nar-aq, Uqduq tsaerkanr yawpyur-aq, Yawshaef khanqsaer-euq shuir uqkhov mae.

Dawqdaq 2:1

Ngaq-euq zaqyo-or! Nawr, ngaq-euq dawq hageuf-awr, Ngaq-euq khaerdawq nawq-euq lafkhoer jeqhmq taq-eu uqtaf,

Dawqdaq 23:26

Ngaq-euq zaqyo-or! Nawq-euq nuima, ngaq-anr bifnaeq laf-awr, Nawq-euq myavnuiv, ngaq-euq garma-anr hawtsov taq-awq.

Dawqdaq 31:5

Maqngeur nar-aq, aqyawfmaf dawryaef ngae, zanrdawq-anr ngaerjir-awr, Shaqzanq daqluf-eu deuq-anr khartaf-eu dawr-awr tsaq-eu jeq, yurpyawv jirnya-eu mae.

Dawqdaq 4:2

Aqjeq mirnae aernar-aq, Ngar, nawq-anr muiq-eu dawqmaeq dawqtsov bifnaeq nyar. Nawmaf, ngaq-euq zanrdawq-anr taq byaerdzae.

Dawqdaq 4:21

Dawq khoerdeuq nawq-euq myavnuiv-anr nae maqbi candzeur-aer, Dawq khoerdeuq, nawq-euq nuima-euq lafkhoer juiruiq taq-awq.

Dawqdaq 4:5

Heu-anr taqngaer! Zaqsiq tsawrganr povza-awr, ghovshaw nya-eu jeq khawf povza-awq! Ngaq-euq khaqmae-anr nae dovle-euq dawq-anr nae taq ghawrpyawr.

Dawqdaq 8:1

Zaqsiq tsawrganr kurluf-eu maqngeur-a lor? Ghovshaw nya-eu jeq tersar lavkhav-awr ngaeqluf-eu maqngeur-a laq?

Dawqdaq 9:1

Zaqsiq tsawrganr, aqyawf-euq nymr tsov-euq mae. Aqyawf, aqyawf-euq khawrzeur shif zeur pyaf-euq mae.