Dawqdaq 26:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nawr, yawqhar yawqha yawganr ma laer haw-eu tsawrhaq-anr mawrhaw-euq ma laq? Aqdzawq argan khawf, heughaq-anr navmaqtser noeqtmqkhar za-eu mae.

Akha

¹² Yawˬ ha maˬ bym gaˇ bym ma lehˇ noeˬ-eu tsawˇ haˬ-aˬ, aˬ dzawˬ aˇ gah naˆ maˬ tseˇ doeˇ-eu meh.

Dawqdaq 26:12 ပူးပေါင်းရင်းမြစ်များ

Dawqdaq 12:15

Aqdzawq argan deuq-aq, yawqha-euq hawkhaeq-anr nae, Yawqha-euq garma tsaq ma laer taef-aer noeq-eu mae. Aerkhawf, tsawrganr anr-eu tsawrhaq-aq, Aqcawq maeqbawq bif-eu gar narhaq-eu mae.

Dawqdaq 22:29

Nawr, yawqha-euq gar yawmuiq-aer mrmuiq nya-eu tsawrhaq tiq ghaq-anr mawrluf ma laq? Aqyawf, tsawrmyanr maqdov-eu tsawrhaq-euq maeqshi maqngeur-eu, Sanqpaq-euq maeqshi yayawf taef-a.

Dawqdaq 26:16

Nymrgawq yawdoer tsawrhaq-aq, Yawqha-euq myavnuiv nae haw ngae, Noeqdanr doe-awr aerkhof nya-eu, Tsawrhaq shif ghaq navmaqtser, ganrdzaeq le laer noeq-eu mae.

Dawqdaq 26:5

Aqdzawq argan-anr, aqyawf khardzawq khargan-eu lof-aer aerkhof naeq-awq. Maqngeur nar-aq, aqyawf-euq myavnuiv haw ngae, Yawqhar yawqha, yawganr le laer haw-eu mae.

Dawqdaq 28:11

Smrmuiqzaq-aq, yawqha-euq myavnuiv nae haw ngae, Yawqhar yawqha yawganr ma laer noeq-eu mae. Aerkhawf, ghovshaw nya-eu irshaqzaq-aq, Aqyawf-anr yawmuiq-aer hawdov nya-eu mae.

Dawqdaq 28:26

Yawqha-euq nuima-anr ghoe-eu tsawrhaq-aq, aqdzawq argan mae. Aerkhawf, yawganr ganr-aer daef-eu tsawrhaq-aq, yabuq-ir taef-a.

Dawqdaq 29:20

Nawr, dawq ardzaeq-aer ngaeqdov kawr-eu tsawrhaq-anr mawrhaw-euq ma laq? Aqdzawq argan-anr-aq, heughaq-anr navmaqtser noeqtmqkhar za-eu mae.

Dawqdaq 3:7

Yawqhar yawqha tsawrganr anr-eu ma laer taqnoeq. Ya’we Miqyaer-anr guv-awr, yawdoer jeq-anr garjaw jaw-awq.

Maꞈtehˬ 21:31

Zaqyo khoer nyiq ghaq-anr nae, aqda-euq nuima tsaqni mr-eu aqgeu ghaq nya?” Aqyawfmaf aerkhof-eu, “Aqyuif ghaq mir-a.” Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, jeq taf-eu tsawrhaq hawr-eu mawrdo anq-eu tsawrhaq deuq-aq, nawmaf-euq jeqhu nae Miqyaer uvlanr-eu jeq-euq lafkhoer urler luf-eu mae.

Luˇkaꞈ 18:11

Paqliqsaer khoerghaq gawqyawf yawf-awr, guiqlanq heulof-aer shar-eu mae, ‘Miqyaer-or! Ngar-aq, aqcawq-anr maqdur-eu mirnae, nawq-euq guiqlanq-anr jaceuq ma. Aqcawq-aq, khaeqdzaq khavdzaq-eu tsawrhaq, maqdawr-aer maqtsaq-eu tsawrhaq hawr-eu banq-awr joe-eu tsawrhaq mae. Khoeruqtaf, ngar-aq, jeq taf-eu teughaq-anr khawf maqdur.

Luˇkaꞈ 7:44

Khoernar-aq, Yeqsur, zaqmiq aqbur khoerghaq jawr-eu paw ciqpyawr-awr, Sirmoq-anr heulof-aer aernaeq-euq mae, “Nawr, zaqmiq aqbur heughaq-anr mawrluf ma laq? Ngar, nawq-euq irkanr urlar ngae, ngar, aqkuir dzuif-eu gharduq nawr ircuf maq ciqnaeq laf-aq. Aerkhawf, zaqmiq aqbur heughaq-euq myavbir, ngaq-euq aqkuir-anr bi dzavdav-awr, uqduq-euq tsaerkanr nae sivgui naeqlaf-euq mae.

Yoˇhaˬ 9:41

Yeqsur, aqyawf maf-anr aernaeq-eu, “Nawmaf myavbaefbaef lawnmr-aq, iqbax maqanr-a. Aerkhawf, nymq-mr, ‘Nga’maf mawrnya ma’ laer nawmaf aer-eu mirnae, nawmaf iqbax anr-a siq.”

Lormav 12:16

Tiqghaq tirghaq tsaqler dzoerler-eu nuima anr-awq. Huiqmawf manrmawf-eu nuima maqanr-aer, teq-awr nyir-eu tsawrhaq deuq naeq-aer khawf cawq cawq-awq. Yawqhar yawqha tsawrganr anr-eu ma laer taqnoeq. (Dd 3:7)

Panmaeq 3:17

Nawr aer-eu, ‘Ngar-aq, smrmuiq smrbaw ma. Pyurshuir myawqganq javganq-awr, tiqjeq-iq maqnym.’ Aerkhawf, nawr-aq, shaqdui zanq duidui-awr ghawqshaq gaqlar paq-aer ghae-eu, irshaq irkov pyeuf-awr, myavbaef baef-eu uqtaf, nermyawvni ghae-eu gar nawr maq siqnya-a.