Dawqdaq 23:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Smrmuiq muiqlarni taef-aer mr-eu ardzaeq-aer taq laejae. Yawqha ghovshaw nya-eu jeq-euq baqda’nae, Naq paq-aer ghae ngae naq-awq.

Akha

⁴ Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Dawqdaq 23:4 ပူးပေါင်းရင်းမြစ်များ

HeˬByehˇ 13:5

Nawmaf, yawdaef daef-eu lafkhoer, pyurshuir-anr maerjuir taqjuir. Yawqha kharjav-eu jeq-anr nuikhanr shir-awq. Aqjeq mirnae aernar-aq, Miqyaer aer-eu, “Ngar, nawq-anr tiqjawr-iq maqghawq maqghaer-ir. Tiqjawr-iq maq byaerdzae.” (Dm 31:6,8)

Dawqdaq 28:20

Sarjax zif-eu tsawrhaq-aq, Guiqlanq tiqbyan tiqlof za taef-a. Aerkhawf, yawkawr-aer smrmuiq muiqlar mawf-eu tsawrhaq-aq, Maqbi dar-aer maqdzeur-ir nya-ar.

Maꞈtehˬ 6:19

“Mirtsaq-euq khoertav yawqha-euq gharduq pyurshuir myawqganq taq povuiqtaq. Mirtsaq-euq khoertav povuiqtaq nar-aq, shmrkaw kawler nya-awr, boeq dzaqnya-eu uqtaf, smrkhoeq khawf daepavanr laf-awr khoeqlar nya-eu mae.

Dawqdaq 3:5

Nawq-euq nuima dawqtawvluf, Ya’we Miqyaer-anr ghoe-awq. Yawqha ghovshaw nya-eu jeq-anr dawqpaeq taqtaq.

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Lormav 12:16

Tiqghaq tirghaq tsaqler dzoerler-eu nuima anr-awq. Huiqmawf manrmawf-eu nuima maqanr-aer, teq-awr nyir-eu tsawrhaq deuq naeq-aer khawf cawq cawq-awq. Yawqhar yawqha tsawrganr anr-eu ma laer taqnoeq. (Dd 3:7)

Dawqdaq 15:27

Maerjuir juir-awr maqtsaq maqdawr-eu lafkhoer zalarni mr-eu tsawrhaq-aq, Yawqha-euq nymrjir lavshaq-eu mae. Aerkhawf, lafnmf nmf-eu gar byae-eu tsawrhaq-aq, yadaef-eu mae.

Dawqdaq 26:12

Nawr, yawqhar yawqha yawganr ma laer haw-eu tsawrhaq-anr mawrhaw-euq ma laq? Aqdzawq argan khawf, heughaq-anr navmaqtser noeqtmqkhar za-eu mae.

Dawqdaq 3:7

Yawqhar yawqha tsawrganr anr-eu ma laer taqnoeq. Ya’we Miqyaer-anr guv-awr, yawdoer jeq-anr garjaw jaw-awq.

Lormav 11:25

Aqyuif aqnyir deuq-or! Nawmaf yawqhar yawqha zaqsiq tsawrganr anr ma laer maqya noeqni, ngar, nawmaf-anr zaftaq-euq garkawv heu-anr maq siqnya-aer maqbi ghaemawf nya. Aqcawq tsawrjeuq tsawrca maq urbyan lar-euq khoerkeuvni, Irsaqleqlav tsawrhaq tiqpavnav deuq myavbaefbaef taef-a.

Maˬkuˆ 4:19

mirtsaq-euq khoertav jawr ngae khanqlanr-eu jeq, pyurshuir myawqganq-euq jaqmyawf maershuir hawr-eu kharngeur-eu jeq-anr maerjuir juir-eu jeq nae, Yaerdawq khoer-anr uvtaeq taq-euq mirnae, arsiq maq siqle nya-eu gar aer-eu mae.

Dawqdaq 27:24

Aqjeq mirnae aernar-aq, Pyurshuir myawqganq-aq, aqmyanluf maqgmq-aer, Shuir uqkhov khawf, tiqzir sair tiqzir maq zifnya-a.