Dawqdaq 22:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nuijer jer-eu myavnuiv-aq, guiqlanq huiq-eu mae. Aqjeq mirnae aernar-aq, Aqyawf, irshaqzaq-anr aqyawf-euq kaqmur bifnaeq-eu mae.

Akha

⁹ Tsawˇ tsiˇ maˬ tsiˇ ni shaˬ zaˬ zahˬ zaˬ-ahˇ bi dzaˬ bi dawˇ-awˬ. Nawˇ guiˬ lahˬ za tehꞈ-a.

Dawqdaq 22:9 ပူးပေါင်းရင်းမြစ်များ

Jaceuq 112:9

Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Dawqdaq 11:17

Ghawqshaq gaqnya-eu tsawrhaq-aq, Yawqha-euq nuima saflar-anr muiq-eu jeq mr-eu mae. Aerkhawf, ghawqshaq maq gaqnya-eu tsawrhaq-aq, Yawqha-euq shiqshaq-anr coeq-eu jeq mr-eu mae.

Dawqdaq 11:25

Nuima jerloni bifdov ghae-eu tsawrhaq-aq, bawle zale-awr, Aqcawq-anr ircuf shaeqnaeq-eu tsawrhaq-aq, Aqcawq, aqyawf-anr ircuf shaeqnaeq taef-a.

Dawqdaq 11:27

Nuima keuv-awr yawmuiq jeq-anr pov-eu tsawrhaq-aq, Miqyaer ghoer mr-eu jeq povmawr taef-a. Aerkhawf, yawdoer jeq-anr pov-eu tsawrhaq-anr, shaqzanq keuvle taef-a.

Dawqdaq 14:21

Yawqha-euq dawqpae jawr-eu tsawrhaq-anr, Hawdoer-eu tsawrhaq-aq, iqbax mr-euq mae. Aerkhawf, irshaqzaq-anr ghawqshaq gaq-eu tsawrhaq-aq, guiqlanqhuiq taef-a.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Dawqdaq 21:13

Irshaqzaq-euq gurdawq-anr naqbawr daeqkaq-eu tsawrhaq-aq, Aqyawf gur ngae, aqcawq-anr maq gaqler-ar.

Dawqdaq 28:24

Yawqha-euq aqda aqma-euq myawq khoeq-awr, “Heu-aq, yawbanq yawlaeq maqngeur-a” laer aer-eu tsawrhaq-aq, Lavcawv-eu tsawrhaq-euq cawq-anr dur-eu mae.

Dawqdaq 28:27

Irshaqzaq-anr bif-eu tsawrhaq-aq, nym-eu maqbaw-ar. Aerkhawf, yawqha-euq myavnuiv awzaf-eu tsawrhaq-aq, Yaqkhaer yaq-eu dawq, ghawqmya’ni yadaq taef-a.

Dawqdaq 31:20

Aqyawf, irshaqzaq-anr aqlaf cawqdov naeq-awr, Aqyawf-euq aqlaf, shaqzaq zanqzaq-anr cawqja naeq-eu mae.

Maꞈtehˬ 20:15

Ngaq-euq pyur ngar janrmawf-eu lof-aer maqjanr nya-ar lor? Ngar yawmuiq mirnae, nawr myavnav nav-eu le laq?’

Maˬkuˆ 7:22

smrkhoeq khoeq-eu, aqcawq-euq myawq-anr maerjuir juir-eu, yawcawv jeq mr-eu, jaqmyawf myawf-eu, jawflafni daef-eu, myavnav nav-eu, yaeqbawq saerlu-aer aer-eu, nuima huiq-eu, aqdzawq argan gan-eu,

Luˇkaꞈ 14:13

Nawr hawqbyawr lawr ngae, irshaqzaq, arsaer cawv-ir-euq tsawrhaq, kuircawv deuq hawr-eu myavbaef deuq-anr kur-awq.

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

HeˬByehˇ 13:16

Aerkhawf, yawmuiq jeq mr-awr aqcawq-anr birnaeq pav naeq-eu jeq-anr taqngaer. Aqjeq mirnae aernar-aq, khoerlof-aer lawrnaeq-eu jeq-anr-aq, Miqyaer nuima tsaq-eu mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

1 Beˬtuˆluˆ 4:9

Nawmaf tiqghaq tirghaq dawqghof maqdovni, daqyan-anr yawmuiq-aer ha-awq.