Dawqdaq 22:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Birpyawv-aer ghae-eu tsawrhaq-euq garma-anr, Aqgan hawr-eu lanrju jav-awr, Yawqha-euq nuima saflar-anr, lofpir nya-eu tsawrhaq-aq, Khoerlof-aer ghae-eu garma-anr, yanrpawrnya taef-a.

Akha

⁵ Yawˬ ha-euˬ saꞈ laˇ-ahˇ yawˬ ha gaˬ naˇ, gaˇ pehˇ kahˇ li jaˆ-eu haiˬ-eu deuˬ-ahˇ kʼmˇ taˬ-euˬ lahˇ ju-ahˇ yahˇ-awˬ.

Dawqdaq 22:5 ပူးပေါင်းရင်းမြစ်များ

Jaceuq 11:6

Aqyawf, tsawrcawv-euq khoertav miqdzaq miqdziv hawr-eu, Miqdzaq dof-eu miqdzar dzarshuir tanqdav lef-awr, Puivdzaqlar paq-aer lanr-eu jaqlaer bi bawlef taef-a. Heudeuq-aq, aqyawf maf-anr of-eu shaqbymr-euq khmqmaq pyeuf taef-a.

Jaceuq 91:1

Gor duidui-eu ghaq nae zaftaq-euq jawrduq-anr jawr-eu tsawrhaq-aq, Baoq zawr huiq-eu Miqyaer-euq narshmr-euq uqmov yajawr taef-a.

Dawqdaq 13:15

Yawmuiq-aer ghovshaw nya-eu baqda’nae, ghoer mr-eu jeq za-eu mae. Aerkhawf, sarjax maqzif-eu tsawrhaq-euq garma-aq yawshaq mae.

Dawqdaq 13:3

Yawqha-euq khaqmae-anr lofpir nya-eu tsawrhaq-aq, Yawqha-euq daefzir-anr bosav nya-eu mae. Aerkhawf, yawqha-euq maeqluq ghawqloeni mrnga taq-euq tsawrhaq-aq, yacawv-ir-eu mae.

Dawqdaq 15:19

Nymrgawq yawdoer-euq garma-anr aqgan bawduv-euq yarkmr lof-aer daefbyan taq-euq mae. Aerkhawf, dawrcoeni ghae-eu tsawrhaq-euq cankawv-aq, sarlaevni ghae-eu garjawq jawqma pyeuf-eu mae.

Dawqdaq 16:17

Dawrcoeni ghae-eu tsawrhaq-euq garjawq jawqma-aq, Yawcawv jeq-anr garjaw jaw-eu mae. Yawqha-euq garma-anr lofpir-eu tsawrhaq-aq, Yawqha-euq daefzir-anr hawpir-eu jeq pyeuf-eu mae.

Dawqdaq 19:16

Zanrdawq khofdawq-anr daefcaw-eu tsawrhaq-aq, Yawqha-euq daefzir-anr hawpirnya taef-a. Aerkhawf, yawqha-euq garma-anr hawdoer-eu tsawrhaq-aq, yashir taef-a.

Dawqdaq 22:4

Nuinanq nuiyu anr-awr, Ya’we Miqyaer-anr guv-eu-aq, Daef-eu jeq hawr-eu khanqsaer za-awr, smrmuiq muiqlar-eu mae.

Dawqdaq 29:6

Tsawrdoer-aq, yawqha-euq yawbanq yawlaeq-euq baqda’nae, Lanrju-anr pafler taef-a. Aerkhawf, tsaq-awr dawr-eu tsawrhaq-aq, Carcar-aer laqkhaq yacaer taef-a.

Dawqdaq 4:19

Tsawrcawv-euq garma-aq, yawzanr-anr dur-awr, Aqyawfmaf aqjeq-anr paevtov-euq nya laer khawf maq siqnya-a.

1 Yoˇhaˬ 5:18

Miqyaer-euq zaq tiqghaq-iq iqbax mrmr-aer maqdaef-a laer aqdui siqnya ma. Miqyaer-anr nae daefle-euq tsawrhaq-aq, yawqhar yawqha yawmuiq-aer bosav-eu mirnae, yawcawv ghaq, aqyawf-anr maq toeqciv nya-a.