Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Dawqdaq 21:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

4 Nuima huiq-awr janrghae-eu myavnuiv, Hawr-eu tsawrcawv-euq tsirkhmq-aq, iqbax mae.

အခန်းကိုကြည့်ပါ။ ကော်ပီ

Akha

4 Haiˬ-eu deuˬ-euˬ nui ma yaw huiˬ yaw mahˇ, iˬ baˇ huiˬ dui dui meh.

အခန်းကိုကြည့်ပါ။ ကော်ပီ




Dawqdaq 21:4
20 ပူးပေါင်းရင်းမြစ်များ  

Tsawrcawv-aq, nuima huiq-eu lafkhoer Miqyaer-anr maqpov-a. Aqyawf maf-euq nuinoeq dawqtawv luf-euq lafkhoer, Miqyaer-anr maq noeqkeuv-a.


Ngar, dawqpae jawr-eu tsawrhaq-anr, Jabu jadoer-awr, dawqsav savkhoeq-eu aqgeu ghaq-anr maqkaq, lavcawv ma. Ngar, janrghae-eu myavhaw haw-awr, Nuima huiq-eu tsawrhaq-anr maqdaq maq ornaeq.


Ya’we Miqyaer-or! Ngaq-euq nuima maqhuiq-aer, Ngaq-euq myavnuiv khawf, janrghae-eu jeq maqanr; Ngar, ardzaeq-aer huiq-eu garkawv maq sharnoeq-aer, Yawqha-anr maqgeux-eu jeq maq sharsawx-aq.


Ya’we Miqyaer, tsawrcawv nae lawr-euq jeq-anr nuidav dav-eu mae. Aerkhawf, dawrcoeni ghae-eu tsawrhaq-euq guiqlanq shardawq-anr, aqyawf nuima tsaq-eu mae.


Tsawrcawv nae lawr-euq jeq-aq, Nuidav davlar paq-aer ghae-eu jeq pyeuf-awr, Nuima doer-eu lafkhoer dirdaq-aer yurlaf-euq jeq ngeurdzaeq, Arnavni byaelar paq-aer ghae-eu nga.


Tsawrdoer deuq-aq, Maeqhu paw daefdav lef-eu gharduq yawduq maqbaw-a, Tsawrcawv deuq-euq tsirkhmq-aq, yabi bawmiv taef-a.


Yawqhar yawqha, maqgar duidui ma laer noeq-awr, Janrghae-eu myavnuiv tsof-eu tsawrhaq tsawrtsuif jawr-eu mae.


Ya’we Miqyaer byae-eu kof jeq jav-awr, Aqyawf nuidav dav-eu shif jeq jav-eu mae.


Janrghae-eu myavnuiv, jaqmyawf myawf-eu maeqlar, Hawr-eu tiqjeq-iq maqbanq-eu tsawrhaq-euq shiq lavdov-eu aqlaf,


Ya’we Miqyaer-anr guv-eu jeq-aq, yawdoer jeq-anr byae-eu mae. Nuima huiq-eu, janrghae-eu, yawdoer-euq garma hawr-eu, Dawq yurpyawv-eu khaqmae-anr ngar byae-eu ma.


Myavnuiv-aq, mawrdo-euq tsirkhmq mae. Khoermirnae, nawq-euq myavnuiv yawmuiq nar-aq, mawrdo dolan-aer yawshaef bya taef-a. Nawq-euq myavnuiv maqmuiq nar-aq, mawrdo dolan-aer zanrtsuini ghae-eu jeq byan taef-a.


Ngar, nawmaf-anr aernaeq nyar, Paqliqsaer khoerghaq navmaqtser, jeq taf-eu khoerghaq tsaq-awr dawr-eu tsawrhaq pyeuflar-awr, irkanr ghof-ir-euq mae. Aqjeq mirnae aernar-aq, yawqhar yawqha taqhuiq-eu tsawrhaq yawqghaq navluf, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, yabi taqhuiq taef-a.”


Tsawrhaq tiq ghaq, jan-eu povpov lavlav-aer ghae-eu lafkhoer dzaq nar-aq, yarkhaq dar-eu gar yadaq taef-a. Aqjeq mirnae aernar-aq, aqyawf-aq, jan-eu lafkhoer dzaq-euq maqngeur-a. Maqjan-eu lafkhoer kharmr-eu yawqjeq navluf iqbax mae.


Khoerlof-aer durni, nawmaf zaqguq deuq khawf, aqyuif aqtsu deuq-euq lafov yawmuiq-aer jawr-awq. Nawmaf yawqghaq navluf paerkhanq dm-eu lof-aer nuinanq nuiyu dmdav-awr, tiqghaq tirghaq-euq lafov yawmuiq-aer jawr-awq. Aqjeq mirnae aernar-aq, “Miqyaer, nuima huiq-eu tsawrhaq-anr lavtsoeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.” (Dd 3:34)


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ