Dawqdaq 21:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsawrhaqzaq-euq garma dawqtawvluf, Yawqha-euq myavnuiv-euq gharduq yawtsaq mae. Aerkhawf, Ya’we Miqyaer-aq, nuima-anr savhaw-eu mae.

Akha

² Yawˬ ha neh noeˬ-euˬ tsaˬ ma lehˇ duˇ kʼawꞈ, nui noeˬ-ahˇ Sahˬpaˬ Miˬyehˇ yaˇ kʼaˬ daˇ gaˇ taˬ ngehˇ.

Dawqdaq 21:2 ပူးပေါင်းရင်းမြစ်များ

Jaceuq 36:2

Aqyawf, yawqha-euq myavkhae, yawqhar yawqha japoeq taq-euq mirnae, Tiqjawr-iq yawqha-euq yawlaeq yawca hawdov-awr byae-eu jeq maqanr-a.

Dawqdaq 12:15

Aqdzawq argan deuq-aq, yawqha-euq hawkhaeq-anr nae, Yawqha-euq garma tsaq ma laer taef-aer noeq-eu mae. Aerkhawf, tsawrganr anr-eu tsawrhaq-aq, Aqcawq maeqbawq bif-eu gar narhaq-eu mae.

Dawqdaq 16:2

Tsawrhaqzaq-euq garma dawqtawvluf, Yawqha-euq myavnuiv haw ngae yawshawr mae. Aerkhawf, Ya’we Miqyaer-aq, nuima-anr savhaw-eu mae.

Dawqdaq 16:25

Tsawrhaqzaq-euq gharduq tsaq-eu gar dur-eu garma tiq kanr jav-eu mae. Aerkhawf, arsaqsaq ngae, shir-eu gar saqler-eu garma mae.

Dawqdaq 17:3

Pyur shawr-eu oeqlanq nae pyur shawr-awr, Shuir shawr-eu miqdzaq tsawqbym nae shuir shawr-eu lof-aer, Ya’we Miqyaer, tsawrhaqzaq-euq nuima-anr tsermr-eu mae.

Dawqdaq 20:6

Tsawrhaq myaqni-aq, yawqha yawmuiq ma laer taef-aer aer-eu mae. Aerkhawf, sarjax zif-eu tsawrhaq-anr aqsur ghaq povmawr nya-eu?

Dawqdaq 24:12

Nawr heulof-aer aernar-aq, “Hawsher-eq, nga’maf garkawv heu-anr maq siqnya-aq.” Nuima-anr savhaw-eu ghaq, garkawv heu-anr maq ghovshaw nya-a laq? Nawq-euq nuima saflar-anr hawpir-eu ghaq, garkawv heu-anr maq siqnya-a lor? Aqyawf, tsawrhaqzaq nae kharmr-euq lof-aer geuxni, maq janrkhof naeq-ar laq?

Dawqdaq 30:12

Yawqha-euq yawjawf maqbi tsiqshawr-euq khawf, Yawqhar yawqha, yawshawr ma laer noeq-eu tsawrhaq tsawrtsuif jawr-eu mae.

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Gaˬlaˬtiˆ 6:3

Tsawrhaq tiqghaqnav tiqjeq-iq gardanr maqtsoeq-eu gar nae, yawqhar yawqha gardanrtsoeq ma laer noeq nar-aq, yawqhar yawqha jaqmyawf myawf-eu mae.

Yaˬkoˆ 1:22

Khoeruqtaf, nawmaf, naqbawr nae narhaq-eu tsawrhaq taef-aer maqpyeufni, Yaerdawq-anr mrcaw-eu tsawrhaq pyeuf-awq. Naqbawr nae narhaq-eu tsawrhaq taef-aer pyeuf nar-aq, yawqhar yawqha jaqmyawf myawf-eu tsawrhaq mae.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.