Dawqdaq 20:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Iqdaeq iqcae-anr maqbi keuvlerni, Lavnaq nya-eu tsawrhaq-aq, taqhuiq-eu jeq za taef-a. Aerkhawf, aqdzawq argan aqgeu ghaq maqkaq, Caedanqbae nya-eu mae.

Akha

³ Iˬ dehˬ yahˇ-eu suˇ gahˇ. Iˬ ceh poˆ-euˬ suˇ dzawˬ.

Dawqdaq 20:3 ပူးပေါင်းရင်းမြစ်များ

Dawqdaq 14:17

Nuima paer-eu yawkawr tsawrhaq-aq, yawdzawq yawgan jeq mrdov laf-awr, Yawdoer jeq tov-eu tsawrhaq-anr-aq, aqcawq byae-eu mae.

Dawqdaq 14:29

Zawr-aer ghovshaw nya-eu tsawrhaq-aq, Nuima paerlar-eu maqkawr-a. Aerkhawf, nuima suq-eu tsawrhaq-aq, Yawdzawq yawgan-anr taqhuiq-eu mae.

Dawqdaq 16:32

Nuima paer-eu maqkawr-eu tsawrhaq-aq, Ghaq khav-eu navmaqtser muiqdzaeq-awr, Meuq tiq meuq deuvdzaq-eu navmaqtser, Yawqha-euq nuima-anr uvlanr nya-eu-aq, muiqdzaeq-eu mae.

Dawqdaq 17:14

Iqdaeq iqcae ardanq bae-eu-aq, irtsanr tanqpav-eu gar dur-eu mirnae, Dawqpyaer pyaer-eu ardanq maqbae lar-euq minav-aer lavnaq-eu tsaq mae.

Dawqdaq 18:6

Aqdzawq argan-euq maeqluq-aq, Iqdaeq iqcae bi dovlar-awr, Aqyawf-euq khaqmae-aq, Darcuir nae bidiq-eu laer kur-eu mae.

Dawqdaq 19:11

Noeqdanr doe-eu tsawrhaq-aq, Nuima paerlar-eu maqkawr-aer, Aqcawq-euq yawbanq yawlaeq hawdzeur nya-eu khoer-aq, Aqyawf-euq khanqsaer mae.

Dawqdaq 21:24

Nuima huiq-awr janrghae-eu tsawrhaq-euq tsawrmyanr-aq, “Aqjaf jaf-eu ghaq” laer mae. Aqyawf, nuima huiq-eu lafkhoer, Janrghae-eu jeq mrdov laf-eu mae.

Dawqdaq 26:17

Yawqha-anr tiqjeq-iq maqtaf-eu gar, Aqcawq tsawrpyaer pyaer-eu gar urler-eu tsawrhaq-aq, Aqkuiq-euq naqpaf-anr tsuvtaeq-ir-eu gar dur-eu mae.

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

Yaˬkoˆ 3:14

Nawmaf-euq nuima-euq lafkhoer, guvlar paq-aer ghae-eu myavnav nav-eu jeq hawr-eu yawqha-euq gharduq taef-aer sharnoeq-eu jeq anr nar-aq, zaqsiq tsawrganr anr ma laer khanqsaer jaev-awr, jaqmyawf myawf-eu lafkhoer, yawtsaq yawdawr jeq-anr taq lavtsoeq.

Yaˬkoˆ 4:1

Nawmaf-euq lafkhoer guirdeuv deuv-eu hawr-eu caedzaq-eu jeq aqgeugar nae dovlar-euq la? Nawmaf lurgha caergha-eu gar geufmawf-eu baqda’nae, nawmaf-euq arsaer deuq deuvcae cae-eu jeq dovlar luf-eu maqngeur-a lor?