Dawqdaq 18:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqdzawq argan-euq maeqluq-aq, Iqdaeq iqcae bi dovlar-awr, Aqyawf-euq khaqmae-aq, Darcuir nae bidiq-eu laer kur-eu mae.

Akha

⁶ Aˬ dzawˬ-euˬ mehˬ luˬ iˬ dehˬ iˬ ceh mehˬ kʼehˬ pyeuꞈ-awˇ, aˇ gah-euˬ kʼaˬ meh daˇ cuiˇ shaˇ diˬ-eu meh.

Dawqdaq 18:6 ပူးပေါင်းရင်းမြစ်များ

Dawqdaq 12:16

Aqdzawq argan-euq nuipaer-aq, Tiqpov taef-aer siqlar-eu mae. Aerkhawf, noeqdanr doe-eu tsawrhaq-aq, Daqga paq-aer ghae-eu jeq-anr daeqkaq-eu mae.

Dawqdaq 13:10

Nuima huiq-eu jeq-aq, iqdaeq iqcae taef-aer bi dovlar-eu mae. Aerkhawf, maeqbawq bif-eu gar hageuf-eu tsawrhaq-aq, Zaqsiq tsawrganr za-eu mae.

Dawqdaq 14:16

Tsawrganr anr-eu tsawrhaq-aq, guv-eu siqnya-awr yawdoer jeq-anr jawdzeur-eu mae. Aerkhawf, aqdzawq argan-aq, yawqhar yawqha yawduq baw-awr maqyanr-a.

Dawqdaq 14:3

Aqdzawq argan-euq khaqmae-euq lafkhoer, Nuima huiq-eu darcuir anrluf-eu mae. Aerkhawf, tsawrganr anr-eu tsawrhaq-euq maeqluq-aq, Aqyawf maf-anr hawpirnaeq taef-a.

Dawqdaq 17:14

Iqdaeq iqcae ardanq bae-eu-aq, irtsanr tanqpav-eu gar dur-eu mirnae, Dawqpyaer pyaer-eu ardanq maqbae lar-euq minav-aer lavnaq-eu tsaq mae.

Dawqdaq 19:19

Nuima yawkhav-aer paercoer-eu tsawrhaq-aq, Khaeq-awr khav-eu gar yadaq taef-a. Nawr, aqyawf-anr cawba le laer nar-aq, Tiqpov sair tiqpov ya cawba naeq-eu mae.

Dawqdaq 19:29

Aqjaf jaf-eu tsawrhaq-anr, Yarkhaq dar-eu laer laeqhmq taq-awr, Aqdzawq argan deuq-euq narkhan, Diq-eu laer laeqhmq taq-euq mae.

Dawqdaq 20:3

Iqdaeq iqcae-anr maqbi keuvlerni, Lavnaq nya-eu tsawrhaq-aq, taqhuiq-eu jeq za taef-a. Aerkhawf, aqdzawq argan aqgeu ghaq maqkaq, Caedanqbae nya-eu mae.

Dawqdaq 22:10

Aqjaf jaf-eu tsawrhaq-anr taedzae-awq. Khoernar-aq, caedzaq-eu jeq naqler-awr, Tsawrpyaer pyaer-awr hawdoer-eu jeq khawf byov-ir taef-a.

Dawqdaq 25:24

Caecawq shar-eu, zaqmiq aqbur naeq-aer irkanr-euq lafkhoer jawr-eu navmaqtser, Nymrmq-euq lafcoer-anr davjawr ler-eu ghaqdzaeq-eu mae.

Dawqdaq 27:3

Khaqlo-aq, zawr kan-awr kharshuif khawf yawkan mae. Aerkhawf, aqdzawq argan-euq nuima paer-eu jeq-aq, Heu nyiq jeq-euq navmaqtser kan-eu mae.

Dawqdaq 29:9

Tsawrganr anr-eu tsawrhaq, aqdzawq argan naeq-aer jadzaq ngae, cofngaerni maqghae-a. Aqjeq mirnae aernar-aq, aqdzawq argan-aq, maquir nar-aq, nuima paer-eu mae.