Dawqdaq 17:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Pyur shawr-eu oeqlanq nae pyur shawr-awr, Shuir shawr-eu miqdzaq tsawqbym nae shuir shawr-eu lof-aer, Ya’we Miqyaer, tsawrhaqzaq-euq nuima-anr tsermr-eu mae.

Akha

³ Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh.

Dawqdaq 17:3 ပူးပေါင်းရင်းမြစ်များ

Jaceuq 139:23

Miqyaer-or! Ngaq-anr pyaevtser-awr, ngaq-euq nuima siqnya-awq; Ngaq-anr tsermr-awr, ngaq-euq nuinoeq-anr khawf siqnya-awq.

Jaceuq 26:2

Ya’we Miqyaer-or! Ngaq-anr tsermr haw-awr, ngaq-anr pyaevtser duq-awq. Ngaq-euq nuinoeq hawr-eu ngaq-euq nuima-anr povtser duq-awq.

Jaceuq 66:10

Aqjeq mirnae aernar-aq, Miqyaer-or! Nawr, nga’maf-anr tsermr haw-euq mae; Pyur-anr lavshawr-eu lof-aer, nawr, nga’maf-anr lavshawr naeqlaf-euq mae.

Dawqdaq 15:11

Shir-eu mirkhanq hawr-eu cawv-ir-eu mirkhanq khawf, Ya’we Miqyaer-euq maeqshi byacaevni javluf-eu-aq, Tsawrhaqzaq-euq nuima ngeurdzaeq aqjox-aer javzaf nya-eu?

Dawqdaq 16:2

Tsawrhaqzaq-euq garma dawqtawvluf, Yawqha-euq myavnuiv haw ngae yawshawr mae. Aerkhawf, Ya’we Miqyaer-aq, nuima-anr savhaw-eu mae.

Dawqdaq 17:2

Tsawrganr anr-eu kuirlaf zaqkhav-aq, Daqga-eu jeq mr-eu zaqyo-anr ya uvlanr-awr, Maernmr deuq naeq-aer jeqbir of-eu mae.

Dawqdaq 21:2

Tsawrhaqzaq-euq garma dawqtawvluf, Yawqha-euq myavnuiv-euq gharduq yawtsaq mae. Aerkhawf, Ya’we Miqyaer-aq, nuima-anr savhaw-eu mae.

Dawqdaq 27:21

Pyur shawr-eu oeqlanq nae pyur shawr-awr, Shuir shawr-eu miqdzaq tsawqbym nae, shuir shawr-eu lof-aer, Tsawrhaq-anr khawf, japoeq-eu dawq nae tsermr nya-eu mae.

1 Beˬtuˆluˆ 1:7

Miqdzaq nae tsermr haw-euq khawf, cawv-ir nya-eu shuir navmaqtser poeq-eu, nawmaf-euq jan-eu jeq yawmar ngar-a laer, Yeqsur Kali-anr byacaevni ya’mawr ngae nan, nawmaf-anr jaceuq naeqlaf-awr, yawshaef khanqsaer bifnaeq laf-eu uqtaf, taqhuiq taqmanr naeqlaf taef-a.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.