Dawqdaq 16:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ya’we Miqyaer, tsawrhaq tiq ghaq-euq garma-anr nuikhanrshir nar-aq, Aqyawf-anr muir-eu deuq khawf, Aqyawf-anr tsaqler dzoerlerni janrnaeq-eu mae.

Akha

⁷ Nawˬ-euˬ dehꞈ jeˬ dehꞈ kʼawˆ Sahˬpaˬ Miˬyehˇ nui kʼahˇ shiˇ naˇ, muiˇ-eu deuˬ nawˬ-ahˇ gʼoeˇ laˇ ni aˬ yawꞈ jahˇ meh.

Dawqdaq 16:7 ပူးပေါင်းရင်းမြစ်များ

Jaceuq 69:31

Heulof-aer janr-eu-aq, uqcoer hawr-eu kuirsaeq tsof-eu mawrner mawrgaw lawrnaeq-eu navmaqtser, Ya’we Miqyaer nuikhanr shirdzaeq-eu mae.

Dawqdaq 16:8

Maqtsaq maqdawr-eu lafkhoer pyurshuir ghawqmya’ni za-eu navmaqtser, Tsaq-awr dawr-eu lafkhoer, pyurshuir uicuiv taef-aer za-eu-aq, muiqdzaeq-eu mae.

Dawqdaq 3:17

Zaqsiq tsawrganr-euq garma-aq, ghawqshaq gaq-eu garma pyeuf-awr, Aqyawf-euq cankawv dawqtawvluf nuisar of-eu mae.

Lormav 8:31

Heu-euq garkawv aqdui aqjox-aer aer nmr-mq? Miqyaer, aqdui jawr-eu paw pyawq nar-aq, aqdui-anr aqsur ghaq lavtsoeqlar nya-eu?

Piˇliˇpiˆ 4:18

Nymq-mr ngar yawqjeq navluf javlof-eu uqtaf, ardzaeq jav-eu nya siq. Nawmaf nae Irbaqpawqdir-anr khaer-awr bi shaha le-euq lafsawq khoerdeuq-euq baqda’nae, ngar tiqbyanni javluf-eu ma. Lafsawq khoerdeuq-aq, Miqyaer nuikhanr shir-awr hageuf-eu, saw duidui-eu lawrnaeq-eu jeq pyeuf-eu mae.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

Gawˇlawˇsehˇ 3:20

Zaqdeuq-or! Yawqjeq navluf-euq lafkhoer, aqma aqda-euq aerdawq narhaq geuf-awq. Aqjeq mirnae aernar-aq, nawmaf khoerlof-aer narhaq-eu gar Sanqpaq Miqyaer nuima tsaq-eu mae.

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

1 Beˬtuˆluˆ 3:13

Nawmaf yawmuiq jeq-euq maeqnan cantae nar-aq, nawmaf-anr aqsur ghaq lavtanq lavnarlar la?

1 Yoˇhaˬ 3:22

Aqdui, aqyawf nae biftaq-euq dawqdeuq-anr narhaq geuf-awr, aqyawf nuima tsaq-eu lof-aer mr nar-aq, aqdui kharshar-eu yawqjeq navluf za-eu mae.