Dawqdaq 16:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Bawqtov-aq, tsawrhaq-euq nuima-anr of-eu khawf, Maeqlar-anr aerkhof-eu jeq-aq, Ya’we Miqyaer-anr nae oe-eu mae.

Akha

¹ Nui noeˬ tsawˇ haˬ-ahˇ oꞈ kʼawꞈ, dawˬ tmˇ Sahˬpaˬ Miˬyehˇ-ahˇ oꞈ-mˇ jeˇ.

Dawqdaq 16:1 ပူးပေါင်းရင်းမြစ်များ

Jaceuq 10:17

Ya’we Miqyaer-or! Nawr, yawshaqzaq geufmawf-eu jeq-anr yagaq-euq mae. Nawr, aqyawf maf-euq nuima laeqhmq-awr, nawq-euq naqbawr ciqkhmr-awr narhaq naeq-eu mae.

Jaceuq 119:36

Yawqjeq yawq-anr maerjuir juir-eu maqngeur-eu, Nawq-euq dawqdzawr-anr za’mawf-eu nuima bi anrlar naeqlaf-awq.

Dawqdaq 15:33

Ya’we Miqyaer-anr guv-eu jeq-aq, Zaqsiq tsawrganr za-eu maeqdawq tsovdawq pyeuf-awr, Nuinanq nuiyu-euq maeqnan, Taqhuiq taqmanr-eu jeq caw-eu mae.

Dawqdaq 16:9

Tsawrhaqzaq-euq nuima-aq, Yawqha-euq garma-euq gharduq, bawqtov tov-eu mae. Aerkhawf, Ya’we Miqyaer-aq, Aqyawf-euq kuirtof ciqtsaq naeq-eu ghaq pyeuf-eu mae.

Dawqdaq 19:21

Tsawrhaqzaq-euq nuima-euq lafkhoer. Bawqtov ghawqmya’ni anr-eu law-awr khawf, Ya’we Miqyaer-euq maeqbawq taef-aer zifnya-eu mae.

Dawqdaq 20:24

Tsawrhaqzaq kuirtof kharciq-eu, Ya’we Miqyaer navni jav-eu mae. Khoerlof-aer ngeur nar-aq, Tsawrhaqzaq, yawha-euq garma ghovshaw nya-eu aqsur ghaq jawr-eu la?

Dawqdaq 21:1

Sanqpaq-euq nuima-aq, Ya’we Miqyaer-euq aqlaf-euq lafkhoer, Yoerluf-eu ircuf lawrgawv-anr dur-awr, Ya’we Miqyaer khar yurpyawr mawf-eu paw ir-eu mae.

2 Gawˇliˬtu 8:16

Ngar, nawmaf-euq gharduq nuima keuv-eu lof-aer, Tirtuv khawf nawmaf-euq gharduq nuima keuvni, Miqyaer janrnaeq laf-euq mirnae, Miqyaer-euq guiqlanq-anr jaceuq ma.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.