Dawqdaq 15:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ya’we Miqyaer, tsawrcawv nae lawr-euq jeq-anr nuidav dav-eu mae. Aerkhawf, dawrcoeni ghae-eu tsawrhaq-euq guiqlanq shardawq-anr, aqyawf nuima tsaq-eu mae.

Akha

⁸ Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawqdaq 15:8 ပူးပေါင်းရင်းမြစ်များ

Jaceuq 141:2

Ngaq-euq guiqlanq shardawq, nawq-euq maeqshi dofdamq-euq jeq lof-aer bipyeuf-awr; Ngaq-euq aqlaf bafdir-eu-aq, uqcif uqtaw paw lawr-eu jeq lof-aer bi pyeufnaeq laf-awq.

Jaceuq 17:1

Ya’we Miqyaer-or! Dawr-awr tsaq-eu jeq shar-eu gar narhaq naeqlaf-awq. Ngar shar-eu dawq-anr narhaq naeqlaf. Jaqmyawf maershuir maqanr-eu ngaq-euq maeqluq-euq guiqlanq shardawq-anr, nawq-euq naqbawr ciqkhmr naeqlaf-awq!

Dawqdaq 10:24

Tsawrcawv deuq-euq khoertav, Yawqha guv-eu jeq keuvle-eu mae. Aerkhawf, tsaq-awr dawr-eu deuq-aq, Yawqha geufmawf-eu jeq za taef-a.

Dawqdaq 15:29

Ya’we Miqyaer, tsawrcawv deuq-anr nae garmanr kaq-eu gar jawr-eu khawf, Tsaq-awr dawr-eu tsawrhaq-euq guiqlanq shardawq-anr narhaq luf-eu mae.

Dawqdaq 15:7

Tsawrganr-euq maeqluq-aq, siqnya-eu tsawrganr khawq-eu khawf, Aqdzawq argan-euq nuima-aq, khoerlof-aer maqghae-a.

Dawqdaq 21:27

Tsawrcawv nae lawr-euq jeq-aq, Nuidav davlar paq-aer ghae-eu jeq pyeuf-awr, Nuima doer-eu lafkhoer dirdaq-aer yurlaf-euq jeq ngeurdzaeq, Arnavni byaelar paq-aer ghae-eu nga.

Dawqdaq 21:3

Ya’we Miqyaer-aq, lawr-eu jeq-anr navmaqtser, Tsaq-awr dawr-eu jeq hawr-eu dawr-awr tsaq-eu jeq mr-eu gar nuikhanr shirdzaeq-eu mae.

Dawqdaq 28:9

Yawqha-euq naqbawr zanrdawq-anr maq narhaqni, Yawqpawyawq ciqpyawr-eu tsawrhaq-aq, Aqyawf-euq guiqlanq shardawq khawf, Nuidav davlar paq-aer ghae-eu mae.

Yoˇhaˬ 4:24

Miqyaer-aq, Saflar mae. Khoermirnae, aqyawf-anr uqduq khartanq-eu tsawrhaq, saflar-euq lafkhoer hawr-eu yawtsaq yawdawr-euq lafkhoer uqduq yatanq-eu mae.”