Dawqdaq 15:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tsaq-awr dawr-eu tsawrhaq-euq nymr-euq lafkhoer, Pyurshuir myawqganq ghawqmya’ni jav-eu mae. Aerkhawf, tsawrcawv-euq zakhaeq-anr shaq-eu jeq keuvle taef-a.

Akha

⁶ Tsawˇ muiˬ nymˇ jiˇ pyuˇ shuiˇ duˬ gahˬ maˬ byoˆ, tsawˇ doeˇ myawˬ gahˬ yaw sahˇ laˆ shaˬ mˇ jeˇ

Dawqdaq 15:6 ပူးပေါင်းရင်းမြစ်များ

Jaceuq 112:3

Aqyawf-euq nymr-euq lafkhoer pyurshuir myawqganq javlar-awr smrmuiq smrbaw bawlar-awr; Aqyawf-euq tsaq-awr dawr-eu jeq mqmaq maqbyav yarzir zif taef-a.

Jaceuq 37:16

Tsaq-awr dawr-eu tsawrhaq uicuiv taef-aer jav-eu khoer-aq, Tsawrcawv deuq pyurshuir ghawqmya’ni jav-eu navmaqtser muiqdzaeq-eu mae.

Dawqdaq 10:22

Ya’we Miqyaer-euq guiqlanq-euq baqda’nae smrmuiq muiqlar ngae, Aqyawf, nuima cawv paq-aer ghae-eu jeq maq lanqnaeq-a.

Dawqdaq 13:22

Tsawrmuiq-aq, yawqha-euq oeqpaq oeqma deuq-anr jeqbir taqyaf nya-eu mae. Aerkhawf, iqbaxzaq-euq pyurshuir myawqganq-aq, Tsaq-awr dawr-eu tsawrhaq-euq gharduq, jeqhmq taq-euq mae.

Dawqdaq 15:16

Pyurshuir myawqganq ghawqmya’ni jav-awr, shaq-eu jeq cantae-eu navmaqtser, Ya’we Miqyaer-anr guv-awr uicuiv taef-aer jav-eu-aq, muiqdzaeq-eu mae.

Dawqdaq 15:5

Aqdzawq argan-aq, yawqha-euq aqda maeqpar tsovpar lar-eu gar hawdoer-eu mae. Aerkhawf, maeqpar naeq-eu gar narhaq-eu ghaq-aq, Noeqsiq noeqmawr nya-eu tsawrhaq mae.

Dawqdaq 15:7

Tsawrganr-euq maeqluq-aq, siqnya-eu tsawrganr khawq-eu khawf, Aqdzawq argan-euq nuima-aq, khoerlof-aer maqghae-a.

Dawqdaq 16:8

Maqtsaq maqdawr-eu lafkhoer pyurshuir ghawqmya’ni za-eu navmaqtser, Tsaq-awr dawr-eu lafkhoer, pyurshuir uicuiv taef-aer za-eu-aq, muiqdzaeq-eu mae.

Dawqdaq 21:20

Tsawrganr anr-eu tsawrhaq-euq jawrduq-anr, Yaler paq-aer ghae-eu myawqganq hawr-eu tsir jav-eu mae. Aerkhawf, aqdzawq argan-aq, dzaqbyov jir-eu mae.

Dawqdaq 3:33

Ya’we Miqyaer, tsawrcawv deuq-euq nymrjir-anr yaqkhaer yaq-awr, Tsaq-awr dawr-eu tsawrhaq deuq-euq jawrduq-anr guiqlanq bif-eu mae.

Dawqdaq 8:21

Ngar, ngaq-anr gaq-eu deuq-anr smrmuiq muiq-eu jeqbir biof-awr, Ngar, aqyawf maf-euq myawqganq taqduq bi byanlar ma.

HeˬByehˇ 11:26

Kali-euq gharduq yaeqbawq-aer janrlar-eu gar yadaq-eu jeq-aq, Irjirtuv-euq pyurshuir myawqganq navmaqtser poeqdzaeq-eu ngar-a laer aqyawf noeqjir-eu mae. Aqjeq mirnae aernar-aq, aqyawf-aq, aqkar za-eu mrpoeq lafsawq-anr hawtsov taq-euq mae.