Dawqdaq 15:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqdzawq argan-aq, yawqha-euq aqda maeqpar tsovpar lar-eu gar hawdoer-eu mae. Aerkhawf, maeqpar naeq-eu gar narhaq-eu ghaq-aq, Noeqsiq noeqmawr nya-eu tsawrhaq mae.

Akha

⁵ Da dawˬ maˬ naˇ zaˬ yo tsawˇ kʼawˇ. Da dawˬ naˇ-eu zaˬ yo tsawˇ gahˇ lahˬ-mˇ jeˇ.

Dawqdaq 15:5 ပူးပေါင်းရင်းမြစ်များ

Jaceuq 141:5

Tsaq-awr dawr-eu tsawrhaq nae ngaq-anr bidiq-awq; Khoer-aq, ghawqshaq gaq-eu jeq pyeuf taef-a. Aqyawf nae ngaq-anr bidaeq-awq; Khoer-aq, zawr muiq-eu tsir lof-aer pyeuf-awr; Ngaq-euq uqduq maq hageuf-aer taqbi ghae naeqlaf. Aqjeq mirnae aernar-aq, Ngar guiqlanq sharshar-aer tsawrcawv deuq-euq gardeuq-anr deuvluf-eu ma.

Dawqdaq 1:23

Ngaq-euq maeqpar-eu dawq-euq baqda’nae pyawrlar-awq. Ngar, ngaq-euq saflar, nawmaf-euq khoertav aqdir shaevdav naeq-awr, Ngaq-euq dawq nawmaf-anr bi siqnya ma.

Dawqdaq 1:7

Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Dawqdaq 10:1

Heu-aq, Sorlaqmoq-euq dawqdaq deuq mae. Tsawrganr anr-eu zaqyo-aq, aqda-anr laqkhaq bicaer-awr, Aqdzawq argan gan-eu zaqyo-aq, aqma-euq nuima lavcawv-eu mae.

Dawqdaq 13:1

Zaqyo yawganr-aq, yawqha-euq aqda-euq maeqdawq-anr narhaq-eu mae. Aerkhawf, aqjaf jaf-eu tsawrhaq-aq, maeqpar-eu gar maq narhaq-a.

Dawqdaq 13:18

Maeqpar tsovpar-eu gar maq hageuf-eu tsawrhaq-anr, Irshaq shaq-eu jeq hawr-eu daqga-eu jeq keuvle taef-a. Aerkhawf, maeqpar-eu gar narhaq-eu tsawrhaq-aq, Taqhuiq-eu jeq za taef-a.

Dawqdaq 15:4

Lavsav nya-eu maeqlar-aq, daef-eu jeq bif-eu arbawr mae. Aerkhawf, maeqlar-euq lafkhoer anr-eu birpyawv-aer ghae-eu jeq, Saflar-anr lavcawv-eu mae.

Dawqdaq 15:6

Tsaq-awr dawr-eu tsawrhaq-euq nymr-euq lafkhoer, Pyurshuir myawqganq ghawqmya’ni jav-eu mae. Aerkhawf, tsawrcawv-euq zakhaeq-anr shaq-eu jeq keuvle taef-a.

Dawqdaq 19:20

Maeqbawq-anr narhaq-awr, Maeqdawq tsovdawq-anr hageuf-awq. Khoerlof-aer nar-aq, aqkar tiqnan nawr tsawrganr anrlar taef-a.

Dawqdaq 25:12

Narhaq geuf-eu naqbawr-euq gharduq, Tsawrganr maeqpar naeq-eu jeq-aq, Muiq-eu shuir nae janr-euq myawqgur, Hawr-eu shuir nae janr-euq naqbawr-anr geuf-eu naqyov-anr dur-eu mae.

Dawqdaq 6:23

Aqjeq mirnae aernar-aq, zanrdawq khofdawq-aq, tsirkhmq pyeuf-awr, Zanrdawq-aq, yawshaef pyeuf-eu mae. Maeqpar naeqlaf-eu maeqdawq tsovdawq-aq, daef-eu jeq bif-eu garma mae.

Tiˇtuˆ 1:13

Heulof-aer aertaq-euq dawq heudawq-aq tsaq mae. Khoermirnae, aqyawfmaf jan-eu jeq byanlar ziflarni, nawr, aqyawf maf-anr yawkhav-aer maeqnaeq tsovnaeq-awq.

Tiˇtuˆ 2:15

Garkawv heudeuq, nawr yawmuiq-aer maeqnaeq-awq. Aryaq dawqtawvluf anr-eu lafkhoer ngaeq-awr, ghaq bif-eu uqtaf, yawlaeq toeqmaeq naeq-awq. Tsawrhaq tiqghaq nae-iq, nawq-anr taqbi hawdoer.