Dawqdaq 10:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Byae-eu jeq-aq, iqdaeq iqcae bi dovlar-eu mae. Aerkhawf, gaq-eu jeq-aq, yawbanq yawlaeq dawqtawv luf-anr daeqkaq-eu mae.

Akha

¹² Bye-eu jeˬ iˬ dehˬ iˬ ceh bi doˆ laˇ-awˇ, gʼoeˇ-eu gaˬ-eu jeˬ yaw lehˬ dawˬ tawˆ luꞈ-ahˇ dehˬ kaˬ nya-eu meh.

Dawqdaq 10:12 ပူးပေါင်းရင်းမြစ်များ

Dawqdaq 15:18

Nuima zawr suq-eu tsawrhaq-aq, iqdaeq iqcae lavdov-eu mae. Aerkhawf, nuima paer-eu maqkawr-eu tsawrhaq-aq, caedzaq-eu jeq lavbyov-eu mae.

Dawqdaq 16:27

Gardanr maqtsoeq-eu tsawrhaq-aq, Yawdoer jeq duqdov laf-awr, Aqyawf-euq maeqluq-euq khoertav, Miqdzaq puivluf-eu gar dur-eu mae.

Dawqdaq 17:9

Yawbanq yawlaeq-anr daeqkaq-eu tsawrhaq-aq, Gaq-eu jeq pov-eu mae. Aerkhawf, gardzaq ngaeqpov-eu tsawrhaq-aq, Cawqdeuq lavghawq-eu mae.

Dawqdaq 28:25

Nuima huiq-eu tsawrhaq-aq, Iqdaeq iqcae lavdov-eu mae. Aerkhawf, Ya’we Miqyaer-anr ghoe-eu tsawrhaq-aq, bawle zale taef-a.

Dawqdaq 29:22

Nuima paer-eu tsawrhaq-aq, iqdaeq iqcae lavdov-awr, Nuima dav-eu tsawrhaq-euq yawbanq yawlaeq-aq, myaq duidui-eu mae.

Dawqdaq 30:33

Aqjeq mirnae aernar-aq, Mawrner aqcoer-anr kawv nar-aq, aqcoer ymrler-awr, Narmaer-anr yeuf nar-aq, narmaer shiq dovle-eu lof-aer, Nuima lavpaer nar-aq, iqdaeq iqcae dovlar-eu mae.

Yaˬkoˆ 4:1

Nawmaf-euq lafkhoer guirdeuv deuv-eu hawr-eu caedzaq-eu jeq aqgeugar nae dovlar-euq la? Nawmaf lurgha caergha-eu gar geufmawf-eu baqda’nae, nawmaf-euq arsaer deuq deuvcae cae-eu jeq dovlar luf-eu maqngeur-a lor?

Yaˬkoˆ 5:20

iqbaxzaq laeq-ir-euq gar nae sheuqkhof laf-eu khoer-aq, iqbaxzaq-euq saflar shir-eu jeq-anr nae bibuq-ir-awr, iqbax ghawqmya jeq-anr daeqkaq-eu mae laer sheuqkhof-eu khoerghaq siqnya paq-aer ghae-eu mae.

1 Beˬtuˆluˆ 4:8

Dawqtawv luf-euq khoertav huiqdzaeq-eu jeq-aq, aqdir gaq-eu jeq nae tiqghaq tirghaq gaq-awq. Aqjeq mirnae aernar-aq, “Gaq-eu jeq-aq, zawr myaq-eu iqbax-anr daeqkaq-eu mae.” (Dd 10:12)