Dawqdaq 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Akha

⁷ Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 1:7 ပူးပေါင်းရင်းမြစ်များ

Jaceuq 111:10

Ya’we Miqyaer-anr guv-eu jeq-aq, zaqsiq tsawrganr-euq ardanq baeduq mae. Aqyawf-euq zanrdawq khofdawq-anr khar mrcaw-eu tsawrhaq deuq-aq, Yawmuiq-aer ghovshaw nya-eu tsawrhaq mae. Aqyawf-anr jaceuq-eu jeq mqmaq maqbyav yarzir gmq taef-a.

Dawqdaq 1:22

“Maqdzaw-euq zaqdeuq-or! Aqmyan keuvni maqsiq maqnya-eu jeq-anr gaq-eu laer ghae-eu le? Aqjaf jaf-eu deuq khawf, aqmyan keuvni aqjaf jaf-eu gar laqkhaq caer-awr, Aqdzawq argan deuq khawf, aqmyan keuvni siqnya-eu tsawrganr-anr byae-eu laer ghae-eu le?

Dawqdaq 15:32

Maeqdawq tsovdawq-anr hawdzeur-eu aqgeu ghaq maqkaq, Yawqhar yawqha hawdoer-eu jeq pyeuf-eu mae. Aerkhawf, maeqpar-eu gar narhaq-eu tsawrhaq-aq, Ghovshaw-eu jeq za-eu mae.

Dawqdaq 15:33

Ya’we Miqyaer-anr guv-eu jeq-aq, Zaqsiq tsawrganr za-eu maeqdawq tsovdawq pyeuf-awr, Nuinanq nuiyu-euq maeqnan, Taqhuiq taqmanr-eu jeq caw-eu mae.

Dawqdaq 15:5

Aqdzawq argan-aq, yawqha-euq aqda maeqpar tsovpar lar-eu gar hawdoer-eu mae. Aerkhawf, maeqpar naeq-eu gar narhaq-eu ghaq-aq, Noeqsiq noeqmawr nya-eu tsawrhaq mae.

Dawqdaq 18:2

Aqdzawq argan-aq, ghovshaw nya-eu jeq-anr laqkhaq maqcaer-a. Aerkhawf, yawqha-euq nuima bimawr-eu gar taef-aer laqkhaq caer-eu mae.

Dawqdaq 2:5

Arsaq saqlar ngae, nawr, Ya’we Miqyaer-anr guv-eu jeq-anr ghovshawnya lar-awr, Miqyaer-euq siqnya-eu tsawrganr-anr povmawr taef-a.

Dawqdaq 23:9

Aqdzawq argan gaqnya-eu gar, dawq taqngaeq. Aqjeq mirnae aernar-aq, Aqyawf, nawq-euq dawq-euq zaqsiq tsawrganr-anr hawdoer nya-eu mae.

Dawqdaq 9:10

Ya’we Miqyaer-anr guv-eu jeq-aq, Zaqsiq tsawrganr-euq ardanq baeduq mae. Yawshawr ghaq-anr siqnya-eu tsawrganr anr-eu-aq, Ghovshaw nya-eu jeq pyeuf-eu mae.

Lormav 1:28

Aqyawfmaf dirdaq-aer Miqyaer-anr maq siqnya mawf-eu lof-aer, maq noeqsiq maq noeqmawr nya-eu nuima bi anrlar-awr, maqtsaq-eu jeq mrni, Miqyaer, aqyawf maf-anr pyaeqnaeq-euq mae.