Dawqdaq 1:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Tsawrganr anr-eu deuq narhaq ngae dzawlanq-eu jeq biza-awr, Ghovshaw nya-eu tsawrhaq maeqbawq biza-eu gharduq mae.

Akha

⁵ Dawˬ daˬ heu deuˬ-aˬ, nui gahˇ ahˇ-eu deuˬ-ahˇ bi gahˇ dzehˬ laˇ-awˇ, zaˬ siˬ tsawˇ gahˇ byah-eu tsawˇ haˬ deuˬ-ahˇ bi byah dzehˬ laˇ-eu miˇ neh,

Dawqdaq 1:5 ပူးပေါင်းရင်းမြစ်များ

Dawqdaq 12:1

Maeqdawq tsovdawq-anr gaq-eu tsawrhaq-aq, Siqnya-eu tsawrganr-anr gaq-eu mae. Aerkhawf, maeqpar-eu jeq-anr byae-eu tsawrhaq-aq, Yawlaf dawrga mae.

Dawqdaq 14:6

Aqjaf jaf-eu tsawrhaq-aq, zaqsiq tsawrganr pov khawf maq povmawr nya-a. Aerkhawf, ghovshaw nya-eu tsawrhaq-aq, Siqnya-eu tsawrganr za-eu yaw’awq mae.

Dawqdaq 18:15

Ghovshaw nya-eu tsawrhaq-euq nuima-aq, Siqnya-eu tsawrganr za-awr, Tsawrganr anr-eu tsawrhaq-euq naqbawr-aq, Siqnya-eu tsawrganr-anr pov-eu mae.

Dawqdaq 19:25

Aqjaf jaf-eu tsawrhaq-anr diq-awq, Maqdzaw-euq zaq yanrnyalar taef-a. Ghovshaw nya-eu tsawrhaq-anr maeqpar-awq, Aqyawf siqnya-eu tsawrganr-anr tserpav birpav nyalar taef-a.

Dawqdaq 21:11

Aqjaf jaf-eu tsawrhaq-anr khaeqnaeq ngae, Maqdzaw-euq zaq-anr bi ganrlar-eu mae. Aerkhawf, tsawrganr anr-eu tsawrhaq-anr maeqnaeq tsovnaeq ngae, Siqnya-eu tsawrganr za-eu mae.

Dawqdaq 8:33

Maeqdawq tsovdawq-anr maq hawdzeurni, Narhaq-awr tsawrganr anrlar-awq.

Dawqdaq 9:8

Aqjaf jaf-eu tsawrhaq-anr maeqpar-eu laer taqghae. Khoerlof-aer janr nar-aq, aqyawf, nawq-anr byae taef-a. Tsawrganr anr-eu tsawrhaq-anr dzawpar naeq-awq. Khoerlof-aer janr nar-aq, aqyawf, nawq-anr gaq taef-a.

Dawqdaq 9:9

Tsawrganr anr-eu tsawrhaq-anr maeqdawq tsovdawq bif nar-aq, Tsawrganr par anrdzaeq lar-eu mae. Tsaq-awr dawr-eu tsawrhaq-anr maeqnaeq nar-aq, Par siqnya dzaeqlar-eu mae.

1 Gawˇliˬtu 10:15

Ngar, nawmaf-anr tsawrganr anr-eu tsawrhaq mae laer sawx-awr heulof-aer aer-eu ma. Ngar aer-eu tsaq-eu nga laq, maqtsaq-eu nga laq laer, nawmaf yawqha yawqha dartsaev-awq.