Dawqdaq 1:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ngaq-euq maeqpar-eu dawq-euq baqda’nae pyawrlar-awq. Ngar, ngaq-euq saflar, nawmaf-euq khoertav aqdir shaevdav naeq-awr, Ngaq-euq dawq nawmaf-anr bi siqnya ma.

Akha

²³ Ngaˇ saˇ kiˇ kamˬ gaˇ naˇ haˬ sheˇ. Ngaˬ-euˬ nui gahˇ naw maꞈ-ahˇ shehˆ daˆ nehˬ-awˇ, ngaˬ-euˬ dawˬ naw maꞈ-ahˇ bi gaˬ le ma.

Dawqdaq 1:23 ပူးပေါင်းရင်းမြစ်များ

Jaceuq 145:1

Ngaq-euq Miqyaer-or! Ngar, nawq-anr ciqpoeq ciqgor ma; Ngar, nawq-euq tsawrmyanr-anr, mqmaq maqbyav yarzir, li-eu maqbawni jaceuq ma.

Dawqdaq 1:25

Nawmaf, ngaq-euq maeqbawq dawqtawv luf-anr byaerdzae-awr, Maeqpar-eu dawq-anr maq hageuf-eu mirnae,

Dawqdaq 1:30

Aqyawfmaf, ngaq-euq maeqbawq-anr tiqpawf-iq maqgeuf-aer, Maeqpar naeq-eu dawq yawqdawq navluf-anr hawdoer-eu mae.

Dawqdaq 10:17

Maeqdawq tsovdawq-anr cantae-eu tsawrhaq-aq, Daef-eu garma-anr canluf-eu mae. Aerkhawf, maeqpar-eu gar maq narhaq-eu tsawrhaq-aq, Garbanq banq-ir luf-eu mae.

Dawqdaq 12:1

Maeqdawq tsovdawq-anr gaq-eu tsawrhaq-aq, Siqnya-eu tsawrganr-anr gaq-eu mae. Aerkhawf, maeqpar-eu jeq-anr byae-eu tsawrhaq-aq, Yawlaf dawrga mae.

Dawqdaq 29:1

Maeqpar naeq-eu laer ghawqmya pov maeq-euq khawf, Kawqlanr mrghanr-eu tsawrhaq-aq, Maq lavsav nya-eu gar keuvni, Tiqpov taef-aer yakhaef-ir taef-a.

Dawqdaq 6:23

Aqjeq mirnae aernar-aq, zanrdawq khofdawq-aq, tsirkhmq pyeuf-awr, Zanrdawq-aq, yawshaef pyeuf-eu mae. Maeqpar naeqlaf-eu maeqdawq tsovdawq-aq, daef-eu jeq bif-eu garma mae.

Luˇkaꞈ 11:13

Nawmaf, tsawrdoer pyeuf-eu khawf, yawqha-euq zaq-anr lafsawq yawmuiq bifnaeq-eu siqnya-eu mae. Khoernav maqtser, mq-euq khoertav jawr-eu nawmaf-euq Aqda, aqyawf-anr shar-eu deuq-anr Yawshawr Saflar bifnaeq mawf-eu mae!”

Yoˇhaˬ 7:39

Yeqsur heulof-aer aer-eu-aq, aqyawf-anr jan-eu tsawrhaq deuq aqkar muiq-eu Saflar za-eu gar aermawf-eu mae. Aqjeq mirnae aqkar za-eu laer aernar-aq, Yeqsur yawshaef khanqsaer maqza-euq siq mirnae, aqyawf maf-anr Yawshawr Saflar maq bifdan-aq siq.

Gʼaˬkʼehˇ 26:20

Khoernar-aq, ngar, Daqmaqsaer-anr maeqdanq bae-awr, Yeqlursaqlaeq-anr jawr-eu deuq, Yurdav mirkhanq doeni jawr-eu deuq hawr-eu, aqcawq tsawrjeuq tsawrca-anr noeqpov noeqpar-awr, Miqyaer jawr-eu paw pyawrlar-eu uqtaf, nawmaf noeqpov noeqpar-euq gar geux-eu gardeuq mrmr-aer daef-awq laer maeqnaeq-ir-euq ma.

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.