Dawqdaq 1:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² “Maqdzaw-euq zaqdeuq-or! Aqmyan keuvni maqsiq maqnya-eu jeq-anr gaq-eu laer ghae-eu le? Aqjaf jaf-eu deuq khawf, aqmyan keuvni aqjaf jaf-eu gar laqkhaq caer-awr, Aqdzawq argan deuq khawf, aqmyan keuvni siqnya-eu tsawrganr-anr byae-eu laer ghae-eu le?

Akha

²² “Aˬ dzawˬ deuˬ-oˇ, aˇ myah keuˆ ni dzawˬ-eu gʼeh te. Aˇ gah deuˬ-oˇ, aˇ myah keuˆ ni gah-eu gʼeh te. Aˇ myah keuˆ ni zaˬ siˬ tsawˇ gahˇ-ahˇ ja bu-eu gʼeh te.

Dawqdaq 1:22 ပူးပေါင်းရင်းမြစ်များ

Jaceuq 1:1

Guiqlanq huiq-eu tsawrhaq-aq, Tsawrcawv nae maeqbawq bif-euq lof-aer maqcan-aer, Iqbaxzaq-euq garma-anr maqyawf-eu uqtaf, Aqjaf jaf-eu tsawrhaq-euq nuirduq-anr maqnuir-a.

Jaceuq 94:8

Tsawrhaqzaq-euq ghanrcae nuinoeq maqbaw-eu deuq-or! Ghovshaw lar-awq. Aqdzawq argan deuq-or! Nawmaf aqmyan ganrlar-eu laer ghae-eu le?

Dawqdaq 1:21

Aqyawf, tsawrhaq uiqler duq-anr gurgaq-awr, Aqyawf-euq dawq, meuq-euq lanrkhaeq-euq povka heulof-aer dzawrgaq luf-eu mae:

Dawqdaq 1:29

Aqjeq mirnae aernar-aq, Aqyawfmaf, siqnya-eu tsawrganr-anr byae-awr, Ya’we Miqyaer-anr guv-eu jeq-anr maq tsergeuf-a.

Dawqdaq 1:32

Aqjeq mirnae aernar-aq, Maqdzaw-euq zaq-aq, maq narhaq geuf-eu mirnae yashir-awr; Aqdzawq argan-aq, khar daefmawf-eu lof-aer daef-eu mirnae yacawv-ir taef-a.

Dawqdaq 1:4

Maqdzaw-euq zaq-anr bisiq bi nyalar-awr, Zaqguq deuq-anr siqnya-eu tsawrganr hawr-eu noeqdanr doe-eu jeq bif-eu gharduq mae.

Dawqdaq 1:7

Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Dawqdaq 14:6

Aqjaf jaf-eu tsawrhaq-aq, zaqsiq tsawrganr pov khawf maq povmawr nya-a. Aerkhawf, ghovshaw nya-eu tsawrhaq-aq, Siqnya-eu tsawrganr za-eu yaw’awq mae.

Dawqdaq 15:12

Aqjaf jaf-eu tsawrhaq-aq, maeqpar lar-eu gar maqgaq-a. Aqyawf, tsawrganr anr-eu tsawrhaq jawr-eu gar maqir-a.

Dawqdaq 19:29

Aqjaf jaf-eu tsawrhaq-anr, Yarkhaq dar-eu laer laeqhmq taq-awr, Aqdzawq argan deuq-euq narkhan, Diq-eu laer laeqhmq taq-euq mae.

Dawqdaq 21:11

Aqjaf jaf-eu tsawrhaq-anr khaeqnaeq ngae, Maqdzaw-euq zaq-anr bi ganrlar-eu mae. Aerkhawf, tsawrganr anr-eu tsawrhaq-anr maeqnaeq tsovnaeq ngae, Siqnya-eu tsawrganr za-eu mae.

Dawqdaq 21:24

Nuima huiq-awr janrghae-eu tsawrhaq-euq tsawrmyanr-aq, “Aqjaf jaf-eu ghaq” laer mae. Aqyawf, nuima huiq-eu lafkhoer, Janrghae-eu jeq mrdov laf-eu mae.

Dawqdaq 22:3

Noeqsiq noeqmawr nya-eu tsawrhaq-aq, Yawcawv jeq oe nga laer hawmawr-awr caevzaf-eu mae. Aerkhawf, maqdzaw-euq zaq-aq, Maeqhu paw can’ur ghae-awr, Khaeq-eu gar yadaq-eu mae.

Dawqdaq 3:34

Yawduq bawni, aqcawq-anr aqjaf jaf-eu tsawrhaq-anr aqyawf aqjaf jafnaeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.

Dawqdaq 5:12

Khoerngae, nawr heulof-aer aer taef-a: “Aqjeq mirnae, ngar maeqdawq tsovdawq-anr byae-awr, Ngaq-euq nuima maeqpar-eu gar hawdoer-euq nya!

Dawqdaq 6:9

Yawdoer doer-eu tsawrhaq-or! Nawr aqmyan keuvni yuf-eu laer ghae-eu le? Yufkhav taq-euq gar nae nawr aqmyan turlar-eu laer ghae-eu le?

Dawqdaq 7:7

Maqdzaw-euq zaqdeuq-euq ghanrcae hawghae-awr, Zaqguq baqmaf-euq ghanrcae haw ngae, Ngar, ghovshaw nya-eu jeq maqanr-eu zaqguq tiq ghaq-anr ya’mawr-euq ma.

Dawqdaq 8:5

Maqdzaw-euq zaqdeuq-or! Noeqdanr doenya lar-awq. Aqdzawq argan deuq-or! Nuima ghovshawnya lar-awq.

Maꞈtehˬ 17:17

Khoerngae, Yeqsur aer-eu, “Arma-er-e! Nuijan maqanr-aer, nanrpov-aer daef-eu heuzir-euq tsawrhaq deuq-or! Ngar, nawmaf naeq-aer aqmyan keuvni yajawr-awr ya’or-eu la siq? Aqyawf-anr, ngar jawr-eu gar sheuqlaf-awq.”

Maꞈtehˬ 23:37

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-eu beu.

Maꞈtehˬ 9:13

Nawmaf heudawq-euq dawqtsuif dzaw-ir-awq, ‘Ngar lawrnaeq-eu jeq-anr geufmawf-eu maqngeur, ghawqshaq gaq-eu jeq-anr geufmawf mir-a.’ (Hs 6:6) Ngar, tsaq-awr dawr-eu tsawrhaq-anr kur-eu laer oe-euq maqngeur, iqbaxzaq noeqpov noeqpar larni oe-euq ma.”

Luˇkaꞈ 19:42

“Yeqlursaqlaeq-or! Iqnan nae nawq-anr nuisar biof-eu jeq-anr nawr siqnya lawnmr-aq muiq-eu mae. Aerkhawf, nymq-mr-aq, nuisar biof-eu jeq khoer-anr nawq-euq myavnuiv-anr nae zaftaq-euq mae.

Yoˇhaˬ 3:20

Yawdoer jeq kharmr-eu tsawrhaq-aq, yawshaef-anr byae-awr, aqyawf mrluf-euq jeq maqya dovlarni yawshaef bya-eu gar maqlar-a.

2 Beˬtuˆluˆ 3:3

Yawbae jeq-aq heulof-aer siqnya-awq. Arsaq saq-eu arnan aryamq-anr, yawqha-euq nuikhanr maeqnan cantae-awr, yaeqbawq-aer aqjaf jaf-eu tsawrhaq dovlar taef-a.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.