2 Yoˇhaˬ 1:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqdui-euq lafkhoer anrluf-eu yawtsaq yawdawr jeq-euq baqda’nae, nawmaf-anr gaq-eu ma. Yawtsaq yawdawr jeq khoer-aq, mqmaq maqbyav yarzir aqdui-euq lafkhoer anr taef-a.

Akha

² Aˬ jeˬ miˇ neh ehˇ naˇ, yaw tsaˬ yaw dawˇ jeˬ aˬ dui-euˬ laꞈ kʼoeˇ ahˇ-awˇ, mˬ maˬ maˬ byaˆ zaˇ ziˇ aˬ dui jawˇ gaˇ jaˆ tehꞈ-a.

2 Yoˇhaˬ 1:2 ပူးပေါင်းရင်းမြစ်များ

Yoˇhaˬ 14:16

Ngar, Aqda-anr shar-awr, aqmyanluf nawmaf naeq-aer bijawr-eu gharduq, aqyawf, nawmaf-anr Cawba-eu ghaq, tiq ghaq bifnaeqlaf taef-a.

Yoˇhaˬ 15:7

Nawmaf, ngaq-euq lafkhoer jawr-awr, ngaq-euq dawq khawf nawmaf-euq lafkhoer anr-eu nar-aq, nawmaf geufmawf-eu lof-aer shar-awq, nawmaf-euq gharduq bi pyeuflar taef-a.

1 Gawˇliˬtu 9:23

Ngar khawf, aqcawq lof-aer guiqlanq dawq-anr taf-eu guiqlanq za’ni, guiqlanq dawq-euq gharduq heudeuq dawqtawvluf mrluf-eu ma.

2 Gawˇliˬtu 4:5

Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

Gawˇlawˇsehˇ 3:16

Kali-euq dawq nawmaf-euq lafkhoer tiqbyan tiqlof bi sanrlar-awq. Zaqsiq tsawrganr tiqbyanni anr-eu lafkhoer, jaceuq-eu dawq, jaceuq-eu cardawq hawr-eu saflar paw-euq cardawq-anr ghoeghoe-aer, tiqghaq tirghaq maeqnaeq tsovnaeq-awr ghaq bif-awq. Nawmaf-euq nuima-euq lafkhoer anr-eu guiqlanq yawdzanr nae Sanqpaq Miqyaer-anr carcar-aer jaceuq-awq.

2 Tiˆmoˇseˬ 1:5

Nawr shawrjaevni jan-eu gar ngar noeqdov lar-euq mir-a. Nawr jan-eu heu-aq, yawbae nawqpiq Lawriv hawr-eu nawqma Urnir-euq lafkhoer anr-awr, nymq-mr nawq-euq lafkhoer khawf anr-eu gar ngar yawduq baw-eu ma.

2 Beˬtuˆluˆ 1:12

Khoermirnae, nawmaf khoerdeuq-anr siqnya-awr, nawmaf nae zataq-euq yawtsaq yawdawr-euq lafkhoer jawrzif luf-eu khawf, garkawv heudeuq, ngar maqbyaerni yawqjawr navluf nawmaf-anr aernoeq naeq-eu ma.

1 Yoˇhaˬ 1:8

Aqdui iqbax maqanr laer aernar-aq, yawqhar yawqha jaqmyawf myawf-awr, yawtsaq yawdawr jeq aqdui-euq lafkhoer maqanr-a.

1 Yoˇhaˬ 2:14

Aqda deuq-or! Nawmaf ardanqbae ngae nae daefluf-eu ghaq-anr siqnya-euq mirnae, ngar, nawmaf-anr sanqbof bofanr lef-euq ma. Zaqguq deuq-or! Nawmaf ghaq khav-eu mirnae, ngar, nawmaf-anr sanqbof bofanr lef-euq ma. Miqyaer-euq dawq aqmyanluf nawmaf-euq lafkhoer anr-awr, nawmaf yawcawv ghaq-anr ghaqler-euq mae.

1 Yoˇhaˬ 2:17

Mirtsaq hawr-eu mirtsaq-anr taf-eu nuikhanr deuq byov-ir luf-eu mae. Aerkhawf, Miqyaer nuima tsaqni mr-eu tsawrhaq-aq, mqmaq maqbyav yarzir yadaef taef-a.