2 Tiˆmoˇseˬ 4:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.

Akha

⁸ Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

2 Tiˆmoˇseˬ 4:8 ပူးပေါင်းရင်းမြစ်များ

Jaceuq 31:19

Or-oq, nawq-anr guv-eu deuq-euq khoertav bi keuvle-awr, Nawq nae tsawrhaq-euq zaqdeuq-euq maeqshi, Nawq-anr ghoe-eu deuq-euq gharduq laeqhmq taq-euq yawmuiq jeq arnavni huiq-eu nga.

Jaceuq 7:11

Miqyaer-aq, yarkhaq dawrcoeni dar-awr; Miqyaer, nan-anr nae tsawrcawv-anr nuima paer-eu mae.

Dawqdaq 4:9

Aqyawf, nawq-euq uqduq-anr hawmuiq-eu uqdzanq bidzanq naeqlaf-awr, Yawshaef khanqsaer-euq uqdzanq a’naeqlaf taef-a.”

Maꞈtehˬ 24:36

“Tiqghaq-iq arnan hawr-eu aryamq khoer-anr maq siqnya-a. Mq-euq khoertav jawr-eu mqtav ghaqkhaer deuq khawf maq siqnya-a. NgaqDa taef-aer siqnya-eu mae.

Maꞈtehˬ 7:22

Khoerngae nan, tsawrhaq ghawqmya’ni, ngaq-anr heulof-aer aerlar taef-a, ‘Sanqpaq-or! Sanqpaq-or! Nga’maf, nawq-euq tsawrmyanr-anr ghoe-awr Miqyaer gharduq ngaeqdan-awr, nawq-euq tsawrmyanr-anr ghoe-awr naef-anr taedov-euq uqtaf, nawq-euq tsawrmyanr-anr ghoe-awr zanqler paq-aer ghae-eu ghawqmya jeq mr-euq maqngeur-a lor?’

Luˇkaꞈ 10:12

Ngar, nawmaf-anr aernaeq nyar, arnan khoernan-anr, Sordoq navmaqtser meuq khoermeuq yadaq taef-a.

Lormav 2:5

Nawr nuima ghanr-awr nuima maq noeqpov maq noeqpar-eu mirnae, Miqyaer nuima paer-eu arnan khoernan-euq gharduq aqyawf nuima paer-eu jeq-anr nawr povuiq luf-eu mae. Khoernan keuvle ngae, Miqyaer tsaq-awr dawr-eu lafkhoer byacaevni yarkhaq dar-eu gar ya’mawr taef-a.

Lormav 8:23

Khar baetaq-euq deuq taef-aer maqngeur-aer, muiq-eu Saflar-euq arsiq siqbae baele-euq aqdui khawf, aqdir aqyawf-euq zaq pyeuflar-awr, aqdui-euq mawrdo heu kakhof-eu jeq za-eu gar nuima keuv-awr lofluf ngae, yawqha-euq nuima-euq lafkhoer yawqha manrluf-eu ma.

1 Gawˇliˬtu 2:9

Aerkhawf, Yaerbof aer-eu, “Myavnuiv maq mawrhaw-aer, naqbawr maq gaqhaw-euq uqtaf, tsawrhaq-euq nuima maq noeqkeuv coer-eu jeq, Miqyaer nae aqyawf-anr gaq-eu tsawrhaq-euq gharduq laeqhmq taq-euq mae.” (Isy 64:5)

1 Gawˇliˬtu 3:13

yawqghaq navluf, yawqha nae mrtaq-euq lof-aer dovlar taef-a. Aqjeq mirnae aernar-aq, khoerngae nan aqgeu ghaq aqjeq zmq-awr tsov-euq nga laer byacaevni dovlar taef-a. Tsawrhaq yawqghaq navluf nae mr-awr shar-euq jeq-anr miqdzaq nae panmaeq naeqlaf taef-a.

1 Gawˇliˬtu 9:25

Caevcae cae-eu tsawrhaq yawqghaq navluf, cawv-ir nya-eu ghaqler-euq uqdzanq za’ni, aqyawfmaf yawqdzer dzaq-anr navluf yawqha-euq nuima-anr ghaqler-eu lafkhoer, laejae-awr caevdzaw-eu mae. Aerkhawf, aqdui-aq, maqcawv-ir nya-eu ghaqler-euq uqdzanq za’ni laejae luf-eu ma.

2 Gawˇliˬtu 5:2

Maeqtsoeq dmdav-eu lof-aer mq-euq khoertav jav-eu nymr khoer-anr dmdav mawf-eu mirnae, aqdui saeqghawv heu-euq lafkhoer jawrluf ngae manrluf-eu ma.

Piˇliˇpiˆ 3:11

Aqjox-aer ghae-awr nae law-awr khawf, ngar shir-euq gar nae ya ghofdaef lar-eu gar noeqtmq-eu ma.

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

1 Teˇsaˬloˇni 1:10

Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.

1 Teˇsaˬloˇni 5:4

Aqyuif aqnyir deuq-or! Nawmaf yawzanr-euq lafkhoer jawr-eu maqngeur-eu mirnae, arnan khoernan smrkhoeq tanrjoe lof-aer oe ngae, nawmaf zanqlerduq maqjav-a.

2 Teˇsaˬloˇni 2:8

Lavtsoeq-eu ghaq dov-ir ghaq-euq nar-aq, Zanrdawq-anr leur-eu ghaq dovlar taef-a. Aerkhawf, Sanqpaq Yeqsur zafkale ngae, aqyawf-anr lavcawv-awr, Yeqsur-euq khaqmae-anr nae dovle-euq saf nae aqyawf-anr puivbyovjir taef-a.

1 Tiˆmoˇseˬ 6:19

Heulof-aer janr-eu-aq, aqyawfmaf mqmaq maqbyav yarzir daef-eu jeq-anr nyaefza’ni, aqkar karzir-euq gharduq muiq-eu dawqpaeq pyeuf-eu, pyurshuir myawqganq povuiq taq-eu jeq pyeuf-eu mae.

2 Tiˆmoˇseˬ 1:10

Aerkhawf, nymq-mr-aq, aqdui-euq Kakhof-eu ghaq Yeqsur Kali dovle-euq mirnae, aqdui guiqlanq yawdzanr khoer-anr byacaevni ya’mawr-euq ma. Aqyawf guiqlanq dawq-anr ghoe-awr shir-eu jeq-anr lavbyov-awr, daef-eu jeq hawr-eu maq shirnya-eu jeq yurlef-awr byacaevni bimawr naeqlaf-euq mae.

2 Tiˆmoˇseˬ 1:12

Khoer baqda’nae, ngar khaeq-awr khav-eu heudeuq-anr ya daqluf-eu ma. Aerkhawf, ngar maq shafdawr. Aqjeq mirnae aernar-aq, ngar, aqsur ghaq-anr janluf-eu le laer ngar siqnya ma. Ngar, aqyawf-anr khar a’naeq-euq deuq, Arnan khoernan-anr keuvni, aqyawf hawlanr-awr hawpir mae laer ngar janduq taq-euq ma.

2 Tiˆmoˇseˬ 1:18

Arnan khoernan keuvle ngae, aqyawf, Sanqpaq Yeqsur-euq ghawqshaq gaq-eu jeq za’ni, Sanqpaq Yeqsur, aqyawf-anr ghawqshaq gaqnaeq luf-ur. Ngar, Erpersu-anr jawr ngae, aqyawf, ngaq-euq gharduq kuirlaf zaqkhav arnavni geufnaeq-euq gar nawr yawmuiq-aer siqnya-eu mae.

2 Tiˆmoˇseˬ 2:5

Nirgha caecae-eu tiq ghaq nirgha caecae ngae, zanr jav-eu lof-aer maq nirgha nar-aq, ghaqler-euq uqdzanq maq za’nya-a.

2 Tiˆmoˇseˬ 4:1

Miqyaer hawr-eu Sanqpaq Yeqsur Kali-euq maeqshi, ngar, nawq-anr dawq bif-eu ma. Yeqsur dovle ngae, aqyawf uvlanr-eu lafkhoer daefluf-eu tsawrhaq hawr-eu shirdzeur-euq tsawrhaq-anr yarkhaqdar taef-a.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

HeˬByehˇ 12:11

Maeqpar naeqlaf-eu aqgeu jeq maqkaq, ya daqluf ngae narlar-eu mirnae, laqkhaq maq caernya-a. Aerkhawf, arsaq saqlar ngae, khoerlof-aer ya mrdzaw-euq tsawrhaq-euq gharduq, tsaq-awr dawr-eu nuisar of-eu arsiq siqle-eu mae.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

Yaˬkoˆ 1:12

Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.

1 Beˬtuˆluˆ 1:4

Khoermirnae, Miqyaer nae nawmaf-euq gharduq maqcawv-ir nya-aer, maqjawf-ir nya-eu uqtaf, maqpeuq-ir nya-eu jeqbir, mq-euq khoertav jeqhmq taq-euq mae.

1 Beˬtuˆluˆ 5:4

Yawr bo-eu uqdzan ghaq dovle ngae, nawmaf-aq, maqnyoeq maqkov-ir nya-eu shuir uqkhov za taef-a.

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

Panmaeq 2:10

Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.

Panmaeq 22:20

Garkawv heudeuq sarkir kamq-eu ghaq aer-eu, “Ngar aqdir yawkawr-aer oe ma.” Aqmeq. Sanqpaq Yeqsur-or! Nawr aer-eu lof-aer oe-awq.

Panmaeq 4:10

aqyuif aqtsu khoer 24 ghaq khawf, nuirmanq-anr nuirluf-eu mqmaq maqbyav yarzir daef-eu khoerghaq-anr, awbyav-awr uqduq tanq-eu mae. Nuirmanq-euq maeqshi aqyawf maf-euq shuir uqkhov dzaetaq-awr heulof-aer aer-eu mae,

Panmaeq 4:4

Nuirmanq khoer-euq tiqjawq, nuirmanq 24 manq jav-awr, nuirmanq khoerdeuq-anr maeqtsoeq yawpyur dm-awr, shuir uqkhov khovluf-eu aqyuif aqtsu 24 ghaq nuirluf-eu mae.