2 Tiˆmoˇseˬ 4:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

Akha

² Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.

2 Tiˆmoˇseˬ 4:2 ပူးပေါင်းရင်းမြစ်များ

Jaceuq 40:9

Ya’we Miqyaer-or! Nawr siqnya-eu lof-aer, Haeq, ngar, ngaq-euq maeqluq-anr maq lavnaqni, Tsawrhaq ghawqmya’ni uiqler taq-awr jawr-eu gar, Ngar, tsaq-awr dawr-eu garkawv dawqmaeq maeqnaeq-euq ma.

Luˇkaꞈ 7:23

Ngaq-euq baqda’nae sanqtif maqtif-eu tsawrhaq-aq, guiqlanqhuiq taef-a.”

Luˇkaꞈ 7:4

Aqyawfmaf, Yeqsur jawr-eu gar lekeuv ngae, Yeqsur, tsawrhaq heughaq-anr heulof-aer janrnaeq-eu-aq, geux mae laer aqyawf-anr yawkhav-aer sharshar-aer aernaeq-euq mae.

Luˇkaꞈ 9:60

Khoerngae, Yeqsur aer-eu, “Shir-euq tsawrhaq-anr-aq, shir-euq tsawrhaq nae bi bafpanq-awq. Aerkhawf, nawr-aq, ir-awr Miqyaer uvlanr-eu garkawv maeqnaeq-ir-awq.”

Gʼaˬkʼehˇ 13:5

Aqyawfnyaf, Saqlaqmir meuq-anr irkeuv ngae, Yurdav tsawrhaq-euq zanrdawq khawqnymr-euq lafkhoer, Miqyaer-euq dawq maeqnaeq-euq mae. Aqyawfnyaf, Yorhaq-anr-aq, cawba-eu ghaq bigeuf-euq mae.

Gʼaˬkʼehˇ 16:13

Landaw jawrnan ngae nan, nga’maf meuq-euq lafnyir paw irdov-awr, guiqlanq shar-eu tsawrhaq aqmyanluf guiqlanq shar-ir-eu lawrbaq lawrdzer-anr irkeuv-euq ma. Nga’maf nuir-awr khoergar uiqlar taq-euq zaqmiq aqbur deuq-anr dzoer-awr dawq ngaeqcawq-euq ma.

Gʼaˬkʼehˇ 20:7

Tiqjaw-euq lafkhoer yawbae ngae nan, nga’maf kaqmur ngawqpyaeq-eu laer uiqler-euq ma. Pawrluv nishawq ngae nan dov-ir-eu laer ghae-eu mirnae, saerghanr caelar ngae keuvni dawqmaeq maeq-euq mae.

Gʼaˬkʼehˇ 28:16

Khoernar-aq, nga’maf, Lormav meuq-anr lekeuv ngae, yardzoeq guirhuq ghaq, aqyawf nae paftaq-euq tsawrhaq deuq, lofpir-eu guirzaq aqyuif ghaq-anr a’naeq-euq mae. Aerkhawf, Pawrluv-anr-aq, aqyawf-anr lof-eu guirzaq tiq ghaq bihaw-awr aqyawxyawf bijawr-euq mae.

Lormav 10:15

Dawqmaeq maeq-eu tsawrhaq maq khaerghae-euq nar-aq, dawqmaeq aqjox-aer maeqnya-eu? Yaerbof-euq lafkhoer boftaq-euq lof-aer, “Nuisar of-eu guiqlanqdawq maeq-eu tsawrhaq deuq-euq aqkuir arnavni hawmuiq-eu nga. Aqyawfmaf, yawmuiq jeq-euq laqkhaq caer-eu guiqlanqdawq pi-awr canluf-eu mae.” (Isy 52:7)

Lormav 12:12

Noeqtmq-eu lafkhoer laqkhaq caer-awr, shaqzanq yadaq ngae or-eu uqtaf, aqmyanluf nuima keuvkeuv-aer guiqlanq shar-awq.

Gaˬlaˬtiˆ 6:6

Guiqlanqdawq dzaw-eu tsawrhaq-aq, yawqha-anr maeqnaeq laf-euq ghaq-anr yawmuiq yawqjeq navluf birnaeq-eu tsaq mae.

Gawˇlawˇsehˇ 1:25

Miqyaer-euq dawq byanlarni, hawpir-eu ghaq pyeufni Miqyaer, ngaq-anr tserdov-awr, nawmaf-euq gharduq, kuirlaf zaqkhav bi geufnaeq laf-euq mae.

Gawˇlawˇsehˇ 4:3

Nga’maf, Kali-euq garkawv zaftaq-euq jeq ngaeqnaeq nya’ni, Miqyaer, nga’maf-anr dawq khoer-euq gharduq larghov pannaeq lafni guiqlanq shar-awq. Khoermirnae, ngar shmrcav daqluf-eu ma.

1 Teˇsaˬloˇni 1:6

Nawmaf shaq-awr zanq-eu jeq-anr yadaq duidui-euq khawf Yawshawr Saflar nae bif-euq laqkhaq caer-eu jeq tiqbyanni anr-eu lafkhoer nawmaf guiqlanq dawq-anr hageuf-euq khoer-aq, nawmaf, nga’maf-anr hawr-eu Sanqpaq Yeqsur-anr hawgeuf dzawgeuf-eu jeq pyeuf-eu mae.

1 Teˇsaˬloˇni 5:14

Aqyuif aqnyir deuq-or! Nga’maf, nawmaf-anr ghaq heulof-aer parbif-eu ma. Yawdoer tsawrhaq-anr maeqbawq bif-awq. Nuima ghaq baq-eu tsawrhaq-anr ghaq bif-awq. Ghaqbyaev byaev-eu tsawrhaq-anr cawba-awq. Tsawrhaq dawqtawv luf-euq khoertav nuima ghawqmanrni taq-awq.

1 Teˇsaˬloˇni 5:20

Miqyaer gharduq ngaeqdan-eu tsawrhaq-euq dawq-anr yaeqbawq saerlu-aer taqghae.

1 Tiˆmoˇseˬ 4:13

Ngar oekeuv ngae keuvni, Yaerbof guimaeq-eu, ghaq bif-eu hawr-eu dawqmaeq dawqtsov tsov-eu, heudeuq-anr dawqpaeq taq-awr mrmr-aer jawr-awq.

1 Tiˆmoˇseˬ 5:20

Iqbax mrluf-eu deuq-anr tsawrhaq dawqtawv luf-euq maeqshi daeqdaeq-aer maeqnaeq-awq. Khoerlof-aer janr nar-aq, nuideuq khawf guv-eu nuima anrlar taef-a.

2 Tiˆmoˇseˬ 2:21

Tsawrhaq tiq ghaq maqtsaq maqdawr-eu khoerdeuq-anr yawqhar yawqha tsiqshawr nar-aq, yawsanr ghaq zmqnya-eu lavshawr-euq, poeq-awr lawq-eu keuka pyeuflar-awr, yawmuiq yawqjeq navluf mr-eu gharduq laeqhmqdan taq-eu jeq pyeuf-eu mae.

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

2 Tiˆmoˇseˬ 3:10

Aerkhawf, nawr-aq, ngaq-euq dawqmaeq dawqtsov, mr-awr shar-eu, noeqtmq-eu, jan-eu, nuinoeq ghawqmanrni noeq-eu, gaq-eu, or-eu nuima anr-eu, heudeuq-anr yawmuiq-aer cantae-euq mae.

Tiˇtuˆ 1:13

Heulof-aer aertaq-euq dawq heudawq-aq tsaq mae. Khoermirnae, aqyawfmaf jan-eu jeq byanlar ziflarni, nawr, aqyawf maf-anr yawkhav-aer maeqnaeq tsovnaeq-awq.

Tiˇtuˆ 2:15

Garkawv heudeuq, nawr yawmuiq-aer maeqnaeq-awq. Aryaq dawqtawvluf anr-eu lafkhoer ngaeq-awr, ghaq bif-eu uqtaf, yawlaeq toeqmaeq naeq-awq. Tsawrhaq tiqghaq nae-iq, nawq-anr taqbi hawdoer.

HeˬByehˇ 13:22

Aqyuif aqnyir deuq-or! Ngar, nawmaf-anr sanqbof heumyav dawq bofanr laf-awr, maeqbawq bif-eu dawq-anr or-awr narhaq geuf-awq laer ngar, nawmaf-anr shar-eu ma.

Panmaeq 3:19

Ngar gaq-eu tsawrhaq yawqghaq navluf-anr, ngar maeqpar dzawpar naeq-eu ma. Khoermirnae, nawr nuima keuv-awr noeqpov noeqpar mr-awq.