2 Tiˆmoˇseˬ 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer hawr-eu Sanqpaq Yeqsur Kali-euq maeqshi, ngar, nawq-anr dawq bif-eu ma. Yeqsur dovle ngae, aqyawf uvlanr-eu lafkhoer daefluf-eu tsawrhaq hawr-eu shirdzeur-euq tsawrhaq-anr yarkhaqdar taef-a.

Akha

¹ Miˬyehˇ-euˬ mehˬ shi hawˇ-eu, dehꞈ luꞈ-eu tsawˇ haˬ hawˇ-eu shiˇ dzeuˇ-euˬ tsawˇ haˬ deuˬ-ahˇ yaˇ kʼaˬ daˇ nehˬ-eu Sahˬpaˬ geuꞈ-awˇ uˆ lahˇ le-eu lehˇ gʼeh-eu Yeˬsuˇ Ka li-euˬ mehˬ shi, ngaˇ nawˬ-ahˇ heu loꞈ-ehˇ dawˬ biꞈ-eu ma.

2 Tiˆmoˇseˬ 4:1 ပူးပေါင်းရင်းမြစ်များ

Jaceuq 50:6

Mqdeuq, aqyawf-euq tsaq-awr dawr-eu jeq dawqdzawr bimr-awq; Aqjeq mirnae aernar-aq, Miqyaer-aq, yarkhaq dar-eu ghaq mae.

Jaceuq 96:13

Aqjeq mirnae aernar-aq, aqyawf oeluf-eu mae. Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer yarkhaq dar-awr; Tsawrhaqzaq-anr aqyawf-euq yawtsaq yawdawr nae dar taef-a.

Jaceuq 98:9

Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer dar-awr, Tsawrhaqzaq-anr tiqkawv dini dar taef-a.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Luˇkaꞈ 19:12

Khoermirnae, Yeqsur heulof-aer aernaeq-euq mae, “Tsawrhuiq tsawrma tiq ghaq garmanr kaq-eu mirkhanq-anr ir-awr, mirkhanq-anr uvlanr-eu dzoeqdzaq hageuf laq-ir-euq mae.

Luˇkaꞈ 19:15

“Aqyawf, mirkhanq teq-eu dzoeqdzaq za-awr ghoflar ngae, pyur biftaq yaf-euq kuirlaf zaqkhav khoerdeuq, aqyawf ghaq aqyawf armyavni gafjeuq taq-euq nga laer yasiqni, dawq bif-awr bi kurlaf-euq mae.

Luˇkaꞈ 23:42

Khoernar-aq, aqyawf, Yeqsur-anr aernaeq-eu, “Sanqpaq Yeqsur-or! Nawr uvlanr-eu jeq keuvle ngae, ngaq-anr taqngaer naeqlaf de-eq.”

Gʼaˬkʼehˇ 10:42

Aqcawq-anr dawqmaeq maeq-awr, daefluf-eu tsawrhaq-anr khawf, shir-euq tsawrhaq-anr khawf, yarkhaq dar-eu ghaq geufni, Miqyaer, Yeqsur-anr tserdov taq-euq mae laer, sarkir bikamq-eu gharduq, aqyawf, nga’maf-anr dawq bifyaf-euq mae.

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

Lormav 2:16

Ngar guiqlanqdawq maeq-eu lof-aer, Miqyaer, Yeqsur Kali-anr ghoe-awr tsawrhaqzaq nae zaftaq-euq jeq-anr yarkhaqdar ngae nan, heulof-aer pyeuflar taef-a.

Gawˇlawˇsehˇ 3:4

Aqdui-euq daef-eu jeq pyeuf-eu Kali dovle ngae, nawmaf khawf aqyawf naeq-aer tiqkawv lof-aer yawshaef khanqsaer-euq lafkhoer dovle taef-a.

2 Teˇsaˬloˇni 2:8

Lavtsoeq-eu ghaq dov-ir ghaq-euq nar-aq, Zanrdawq-anr leur-eu ghaq dovlar taef-a. Aerkhawf, Sanqpaq Yeqsur zafkale ngae, aqyawf-anr lavcawv-awr, Yeqsur-euq khaqmae-anr nae dovle-euq saf nae aqyawf-anr puivbyovjir taef-a.

1 Tiˆmoˇseˬ 5:21

Nawr khoerdeuq mr ngae, noeqdoer hawdoer-awr, myavpyawq huiqnyir tser-eu jeq maqanrni yawmuiq-aer mr-awq laer Miqyaer, Yeqsur Kali hawr-eu tserdov taq-euq mqtav ghaqkhaer-euq maeqshi, ngar, nawq-anr dawq bif-eu ma.

2 Tiˆmoˇseˬ 1:10

Aerkhawf, nymq-mr-aq, aqdui-euq Kakhof-eu ghaq Yeqsur Kali dovle-euq mirnae, aqdui guiqlanq yawdzanr khoer-anr byacaevni ya’mawr-euq ma. Aqyawf guiqlanq dawq-anr ghoe-awr shir-eu jeq-anr lavbyov-awr, daef-eu jeq hawr-eu maq shirnya-eu jeq yurlef-awr byacaevni bimawr naeqlaf-euq mae.

2 Tiˆmoˇseˬ 2:14

Garkawv heudeuq nawr, tsawrhaq yawqghaq navluf-anr ja’noeq naeq-awq. Dawqdeuq-euq garkawv tsawrpyaer taqpyaer laer, Miqyaer-euq maeqshi nawr, aqyawf maf-anr yawkhav khav-aer maeqnaeq-awq. Khoerlof-aer pyaer-eu-aq, yawmuiq tiqjeq-iq maq dovlar-eu uqtaf, yagaq-euq tsawrhaq deuq-anr bicawv-ir-eu taef mae.

2 Tiˆmoˇseˬ 4:18

Sanqpaq Yeqsur, ngaq-anr yawdoer yawqjeq navluf-anr nae bibuq-ir naeqlaf-awr, ngar, aqyawf-euq mqtav mirkhanq-anr ya urler ngae keuvni, ngaq-anr sheuqkeuv naeqlaf taef-a. Li-eu maqbawni yawshaef khanqsaer dawqtawvluf, aqyawf-anr damqnaeq kar-eur. Aqmeq.

2 Tiˆmoˇseˬ 4:8

Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

1 Beˬtuˆluˆ 1:7

Miqdzaq nae tsermr haw-euq khawf, cawv-ir nya-eu shuir navmaqtser poeq-eu, nawmaf-euq jan-eu jeq yawmar ngar-a laer, Yeqsur Kali-anr byacaevni ya’mawr ngae nan, nawmaf-anr jaceuq naeqlaf-awr, yawshaef khanqsaer bifnaeq laf-eu uqtaf, taqhuiq taqmanr naeqlaf taef-a.

1 Beˬtuˆluˆ 4:5

Daefluf-eu tsawrhaq-anr hawr-eu shir-euq tsawrhaq-anr yarkhaq dar-eu laer laeqhmq taq-euq Sanqpaq Miqyaer-euq maeqshi, aqyawfmaf yawqha nae kharmr kharshar-euq garkawv deuq ya dzawrnaeq taef-a.

1 Beˬtuˆluˆ 5:4

Yawr bo-eu uqdzan ghaq dovle ngae, nawmaf-aq, maqnyoeq maqkov-ir nya-eu shuir uqkhov za taef-a.

2 Beˬtuˆluˆ 1:11

Khoeruqtaf, aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq, mqmaq maqbyav yarzir uvlanr-eu mirkhanq-euq lafkhoer, nawmaf urler nya’ni tiqbyan tiqlof laeqhmqtaq taef-a.

2 Beˬtuˆluˆ 1:17

Byan duidui-eu yawshaef khanqsaer-euq lafkhoer nae, ngaeqdov lef-euq tersar aer-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.” Khoerngae, aqyawf, Aqda Miqyaer-euq taqhuiq taqmanr-eu jeq hawr-eu yawshaef khanqsaer-anr za-euq mae.

1 Yoˇhaˬ 2:28

Ngar gaq-eu zaqdeuq-or! Nawmaf, Kali-euq lafkhoer jawr-awq. Aqyawf-euq lafkhoer jawr nar-aq, aqyawf dovle ngae, aqdui nuima zifdanni ghae-awr, aqyawf oe ngae, aqyawf-euq maeqshi maqya shafdawr-ar.

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.