2 Tiˆmoˇseˬ 3:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae yamq-anr tsawrhaqzaq heulof-aer pyeuflar taef-a. Yawqha-euq gharduq taef-aer sharnoeq-eu, pyurshuir-anr maerjuir juir-eu, janrghae-eu, nuima huiq-eu, yaeqbawq saerlu-aer ngaeq-eu, aqma aqda-euq dawq maq narhaq-eu, guiqlanq-anr maq noeqmawr-eu, maqshawr-eu,

Akha

² Tsawˇ haˬ zaˬ deuˬ-aˬ, yawˬ ha gʼaˇ duˬ tehꞈ-ehˇ shaˇ noe-eu, pyuˇ-ahˇ mehˇ juiˇ juiˇ-eu, kʼahˬ sehˇ jehˆ-eu, nui ma huiˬ-eu mahˇ-eu, aˬ cawˬ-ahˇ yehˬ bawˬ sehˇ lu-ehˇ ehˇ-eu, aˬ da aˬ ma-euˬ ehˇ dawˬ maˬ naˇ haˬ-eu, guiˬ lahˬ-ahˇ maˬ siˬ nya-eu, uˬ duˬ tahˬ-eu zahˇ sahˇ kʼoꞈ-ahˇ maˬ taˬ huiˬ-eu,

2 Tiˆmoˇseˬ 3:2 ပူးပေါင်းရင်းမြစ်များ

Jaceuq 10:3

Tsawrcawv-aq, yawqha-euq nuima nuikhanr jav-eu jeq-anr khanqsaer jaev-awr; Yawlof maqbaw-eu tsawrhaq-anr jaceuq-eu uqtaf, Ya’we Miqyaer-anr yaeqbawq-aer aer-eu mae.

Jaceuq 49:6

Aqyawf maf-aq, yawqha-euq pyurshuir myawqganq-anr ghoe-awr, yawqha smrmuiq zawr-aer muiq-eu gar khanqsaer jaev-eu mae.

Jaceuq 52:1

Baoq huiq-eu tsawrhaq-or! Nawr aqjeq ghae-eu yawdoer jeq-anr khanqsaer jaev-eu le? Miqyaer-euq yawmuiq-aq, li-eu maqbawni zif-eu mae.

Dawqdaq 6:17

Janrghae-eu myavnuiv, jaqmyawf myawf-eu maeqlar, Hawr-eu tiqjeq-iq maqbanq-eu tsawrhaq-euq shiq lavdov-eu aqlaf,

Maꞈtehˬ 15:6

aqyawf, yawqha-euq aqma aqda-anr bosav-eu laer maqya ghae-ar’ laer nawmaf aeraer-aer zanroer tawq-eu mirnae, Miqyaer-euq zanrdawq khofdawq-anr lavcawv-eu mae.

Luˇkaꞈ 12:15

Khoerngae, Yeqsur, aqyawf maf-anr par aernaeq-eu, “Nawmaf maerjuir maqjuirni, yawqhar yawqha yawmuiq-aer yanr-awq. Aqjeq mirnae aernar-aq, pyurshuir myawqganq ghawqmya’ni jav-eu mirnae, tsawrhaq yawdaef daefnya-eu maqngeur-a.”

Luˇkaꞈ 16:14

Paqliqsaer deuq-aq, pyurshuir-anr maerjuir juir-eu tsawrhaq mirnae, aqyawfmaf khoerdeuq dawqtawv luf-anr yagaq ngae, Yeqsur-anr aqjaf jafjaf-aer uir-eu mae.

Luˇkaꞈ 6:35

Nawmaf-aq, nawmaf-anr muir-eu deuq-anr gaq-awr, yawmuiq jeq janrnaeq-awq. Bifkhof laf-eu gar maq noeqtmqni aqcawq-anr ngaqnaeq-awq. Khoerlof-aer janr nar-aq, nawmaf-euq mrpoeq lafsawq ghawqmya’ni jav-awr, nawmaf, Gor duidui-eu ghaq-euq zaqyo pyeuflar taef-a. Aqjeq mirnae aernar-aq, aqyawf-aq, guiqlanq-anr maq noeqmawr nya-eu tsawrhaq hawr-eu tsawrdoer deuq-anr khawf ghawqshaq gaqnaeq-eu mae.

Gʼaˬkʼehˇ 5:36

Arhu Turdav laer kur-eu tiq ghaq dovlar-awr, aqyawxyawf yawhuiq yawmanr tiq ghaq ma laer aer-eu mae. Oeqyar ghaq aerghaqni aqyawf-euq maeqnan cantae-euq mae. Aerkhawf, aqyawf-anr lavsaef ghaq ngae, aqyawf-anr nuijan taq-euq tsawrhaq dawqtawvluf caevbyav jir-awr, yawqngaef pyeuf-ir-euq mae.

Lormav 11:18

bi deuvdzae-euq uqpyaq khoerdeuq-euq khoertav huiqmawf manrmawf-eu nuima maqya anr-a. Huiqmawf manrmawf-eu nuima anr nar-aq, duqcir, nawq-anr ghoe-awr daef-eu maqngeur-a. Nawr, duqcir-anr ghoe-awr daefluf-eu mae laer siqnya paq-aer ghae-eu mae.

2 Gawˇliˬtu 5:15

Daefluf-eu tsawrhaq deuq yawqha-euq gharduq maqpar daef-aer, aqyawf maf-euq gharduq shirdan-awr ghofdaef lar-euq ghaq-euq gharduq daefni, tsawrhaq dawqtawv luf-euq gharduq aqyawf shirdan-euq mae.

Piˇliˇpiˆ 2:21

Tiqghaq-iq Yeqsur Kali-euq gharduq maq sharnoeq-aer, yawqghaq navluf yawqha-euq gharduq taef-aer povluf-eu mae.

Gawˇlawˇsehˇ 3:5

Khoermirnae, nawmaf-euq lafkhoer anr-eu mirtsaq-anr taf-eu heudeuq-anr lavsaef-awq: banq-awr muv-eu, maqshawr-eu jeq, nuikhanr, yawdoer jeq mrmawf-eu hawr-eu, tanqpanq aqma mawrkawr-anr uqduq tanq-eu jeq pyeuf-eu maerjuir juir-eu jeq.

2 Teˇsaˬloˇni 2:4

Aqyawf-aq, tsawrhaqzaq uqduq tanq-eu yawqjeq navluf-anr hawr-eu miqyaer laer kharkur-eu deuq-anr lavtsoeq-awr, khoerdeuq dawqtawv luf-euq khoertav yawqhar yawqha taqhuiq taef-a. Khoeruqtaf, aqyawf, Miqyaer-euq uqduq tanqnymr nymrma-euq lafkhoer Miqyaer lof-aer nuir-awr, “Ngar-aq, Miqyaer ma” laer aer taef-a.

1 Tiˆmoˇseˬ 1:20

Tsawrhaq khoerdeuq-euq lafkhoer, Huqmiqnaer hawr-eu Aqleqsaqdur khawf keuq-eu mae. Miqyaer-anr yaeqbawq saerlu-aer maqya aer-a laer aqyawfnyaf dzawgeufni, ngar, aqyawf nyaf-anr naef Saqdaq-euq aqlaf-euq lafkhoer a’naeq-euq ma.

1 Tiˆmoˇseˬ 1:9

Aqjeq mirnae aernar-aq, zanrdawq-aq, tsaq-awr dawr-eu tsawrhaq-euq gharduq bijav-euq maqngeur-a. Zanrdawq-anr leur-eu deuq, maq narhaq geuf-eu tsawrhaq, Miqyaer-anr yawzeu maqbaw-eu tsawrhaq, iqbaxzaq deuq, maqshawr-eu tsawrhaq, lavjawf-eu tsawrhaq, aqma aqda-anr saef-eu tsawrhaq, aqcawq-anr saef-eu tsawrhaq,

1 Tiˆmoˇseˬ 3:3

Khoeruqtaf, jirbaq maq dawryaef-eu, iqdaeq iqcae maqmr-eu, kharngeur-eu jeq-anr maerjuir maqjuir-eu, nuima nanqyuni ghae-awr, aqcawq-anr tsawrpyaer maqpyaer-eu uqtaf, pyur-anr maerjuir maqjuir-eu tsawrhaq yapyeuf-eu mae.

1 Tiˆmoˇseˬ 6:10

Pyur-anr maerjuir juir-eu jeq-aq, yawdoer dawqtawv luf-euq dawqpaeq duqpur mae. Tsawrhaq tiqpavnav deuq, pyur-anr maerjuir juir-eu mirnae, Kali-anr jan-eu jeq-anr byaerdzae-awr, yawqha-euq nuima-anr micaer nae tsawv-euq lof-aer noeqshaq noeqzanq-eu ghawqmya jeq-anr yadaq-eu mae.

1 Tiˆmoˇseˬ 6:4

aqyawf-aq, nuima huiq-awr, tiqjeq-iq maq siqnya-eu khawf, dawqdeuq-euq garkawv tsawrpyaer pyaer-awr, jadzaq mawf-eu nuima anr-eu taef mae. Khoermirnae, myavnav nav-eu, caedzaq-eu, jabu jadoer-eu, aqcawq-euq garkawv yawdoer jeq sharnoeq-eu, heudeuq bi dovlar-eu mae.

2 Tiˆmoˇseˬ 3:4

yawqha-euq cawq-anr anqdzaq-eu, kharnoeq khar lovlar-eu jeq mr-eu, nuima huiq-eu, Miqyaer-anr maqgaq-aer lurgha caergha-eu jeq-anr gaq-eu tsawrhaq pyeuflar taef-a.

Yaˬkoˆ 2:8

“Yawqha-euq mawrdo-anr gaq-eu lof-aer, yawqha-euq dawqpae jawr-eu tsawrhaq-anr gaq-awq,” (Lb 19:18) laer Yaerbof-euq lafkhoer boftaq-euq Sanqpaq-euq zanrdawq uqdzan dawq-anr nawmaf mrbyan nar-aq, muiq duidui mae.

Yaˬkoˆ 4:16

Aerkhawf, nymq-mr nawmaf nuima huiq-awr, khanqsaer jaevluf-eu mae. Khanqsaer jaev-eu dawqtawvluf yawdoer mae.

Yaˬkoˆ 4:6

Aerkhawf, Miqyaer-aq, guiqlanq yawdzanr ghawqmya’ni bifnaeq laf-eu mae. “Miqyaer, nuima huiq-eu tsawrhaq-anr lavtsoeq-awr, nuima nanqyuni anr-eu tsawrhaq-anr guiqlanq yawdzanr bif-eu mae,” (Dd 3:34) laer Yaerbof-euq lafkhoer aertaq-euq mae.

1 Beˬtuˆluˆ 5:5

Khoerlof-aer durni, nawmaf zaqguq deuq khawf, aqyuif aqtsu deuq-euq lafov yawmuiq-aer jawr-awq. Nawmaf yawqghaq navluf paerkhanq dm-eu lof-aer nuinanq nuiyu dmdav-awr, tiqghaq tirghaq-euq lafov yawmuiq-aer jawr-awq. Aqjeq mirnae aernar-aq, “Miqyaer, nuima huiq-eu tsawrhaq-anr lavtsoeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.” (Dd 3:34)

2 Beˬtuˆluˆ 2:10

Aqcawq-anr navmaqtser, aryaq-euq uqmov maq jawrmawf-aer, jawflafni ghae-eu shiqshaq-euq nuikhanr-euq maeqnan cantae-eu tsawrhaq-anr khaeqnaeq khavnaeq taef-a. Tsawrhaq heudeuq-aq, nuima huiq-awr yawqha-euq nuikhanr taef-aer geuf-eu mae. Aqyawfmaf, khanqsaer jav-eu deuq-anr khawf maqguvni dawqdoer ngaeq-eu mae.

2 Beˬtuˆluˆ 2:12

Aerkhawf, tsawrhaq heudeuq-aq, nyaef-awr bi lavcawv-eu gharduq daefle-euq, maq sharnoeq nya-eu bawrtsanq-euq jeqzaq yawghae-anr dur-awr, yawqha maq ghovshaw nya-eu jeq-anr dawqdoer ngaeq-eu mae. Aqyawf maf-aq, yawqha-euq yawdoer yawcawv-euq baqda’nae yacawv-ir jir taef-a.

2 Beˬtuˆluˆ 2:18

Aqyawfmaf gardanr maqtsoeq-aer jasae-eu dawq ngaeq-awr, yawbanq-euq lafkhoer daef-euq gar nae caevdzeur-euq deuq-anr, jawflafni ghae-eu jeq hawr-eu shiqshaq-euq nuikhanr deuq nae murtawv luf-eu mae.

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.

Yuˇdaˆ 1:16

Tsawrhaq heudeuq-aq, dawqghof dovcoer-awr, aqgeu jeq-anr khawf aerkhar za-eu uqtaf, yawqha kharnoeq kharlov-eu lof-aer daef-eu tsawrhaq mae. Aqyawfmaf dawqma ngaeq-awr jasae-eu lafkhoer khanqsaer jaev-awr, yawqha-anr muiqni aqcawq-anr jaceuq-eu tsawrhaq mae.

Panmaeq 13:1

Khoernar-aq, ngar, iqmalavshav-euq kharshuif-anr nawqtaeq-awr yawfluf ngae, iqmalavshav-anr nae jeqzaq tiq mawr dovlar-eu gar ya’mawr-euq ma. Jeqzaq khoermawr-aq, uqcoer tser coer tsof-awr, uqduq shif siq tsof-eu mae. Uqcoer tser coer luf shuir uqkhov tiq coer-anr tiq siq khov-awr, uqduq shif siq-anr-aq, Miqyaer-anr yaeqbawq saerlu-aer aer-eu armyanr boftaq-euq mae.

Panmaeq 16:11

Aqyawfmaf shaqciq ciq-awr nardui gawr duidui-eu mirnae, mq-euq khoertav jawr-eu Miqyaer-anr yaeqbawq saerlu-aer aer-eu mae. Aqyawfmaf nae mr-awr shar-euq jeq-anr noeqpov noeqpar maqmr-a.

Panmaeq 16:21

Uqyaer arsiq ghawqloeni mq-anr nae gale-awr, tsawrhaqzaq-anr gadae le-euq mae. Uqyaer arsiq khoer tiq siq 50 kivlokan aerghaqni kan-eu mae. Uqyaer arsiq bi gale-awr, khaeqnaeq khavnaeq-euq mirnae, aqyawfmaf, Miqyaer-anr yaeqbawq saerlu-aer aer-eu mae. Aqjeq mirnae aernar-aq, khaeq-awr khav-eu khoer-aq, huiqdui kan duidui-eu mae.

Panmaeq 16:9

Tsawrhaqzaq lanr duidui-eu mirnae, khaeq-awr khav-eu khoerdeuq-euq khoertav baoq jav-eu Miqyaer-euq tsawrmyanr-anr yaeqbawq saerlu-aer aer-eu mae. Aqyawfmaf noeqpov noeqpar maqmr-eu uqtaf, Miqyaer-anr maq ciqhuiq maq ciqmanr-a.