2 Tiˆmoˇseˬ 2:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Guiqlanqdawq heu baqda’nae, yawdoer jeq mr-euq tsawrhaq tiq ghaq-anr shmrcav nae paf-eu lof-aer, ngaq-anr paf-awr, ngar shaq-awr zanq-eu jeq-anr ya daqluf-eu ma. Aerkhawf, Miqyaer-euq dawq-anr shmrcav nae maq paftawf nya-a.

Akha

⁹ Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.

2 Tiˆmoˇseˬ 2:9 ပူးပေါင်းရင်းမြစ်များ

Luˇkaꞈ 23:32

Khoerngae, Yeqsur naeq-aer tiqkawv lof-aer bisaef-eu laer yawbanq jeq mr-euq nyiq ghaq-anr khawf sheuqdov ghaeluf-eu mae.

Gʼaˬkʼehˇ 21:33

Khoerngae, tanrdzoeq guirhuq dawqpae oe-awr, Pawrluv-anr nyaef-awr, shmrcav nyiq cav nae paf-awq laer dawq bif-euq mae. Aqyawf aqsur ghaq pyeuf-awr, aqjeq janrluf-eu la laer tanryar dzoeqda narhaq-euq mae.

Gʼaˬkʼehˇ 28:31

Aqyawf nuima khaqduqni anr-eu lafkhoer, Miqyaer uvlanr-eu garkawv dawqmaeq maeq-awr, Sanqpaq Yeqsur Kali-euq garkawv maeqnaeq tsovnaeq-euq mae. Aqyawf khoerlof-aer maeq-eu gar tiqghaq-iq maq lavtsoeq-a.

Gʼaˬkʼehˇ 9:16

Ngaq-euq tsawrmyanr baqda’nae, aqyawf shaqzanq ghawqmya jeq yadaq-a laer ngar, aqyawf-anr bimawr ma.”

Eˇpeˇsu 3:1

Ngar-aq, aqcawq tsawrjeuq tsawrca pyeuf-eu nawmaf-euq gharduq, Yeqsur Kali-euq baqda’nae, kuv-anr bi nyaefur taq-euq Pawrluv ma.

Piˇliˇpiˆ 1:17

Yawqdeuq yawq-aq, ngaq-anr guiqlanq dawq-euq gharduq bi japir-eu laer khaertaq-euq mae laer aqyawfmaf siqnya-eu mirnae, gaq-eu lafkhoer dawqmaeq maeq-eu mae.

Piˇliˇpiˆ 1:7

Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

Gawˇlawˇsehˇ 4:18

Ngar Pawrluv, ngaq-euq aqlaf nae sanqbof bof-awr dawqcawq puq-eu ma. Ngar shmrcav daqluf-eu gar taqngaer de-eq. Miqyaer-euq guiqlanq yawdzanr nawmaf-euq khoertav jav luf-ur. Aqmeq.

Gawˇlawˇsehˇ 4:3

Nga’maf, Kali-euq garkawv zaftaq-euq jeq ngaeqnaeq nya’ni, Miqyaer, nga’maf-anr dawq khoer-euq gharduq larghov pannaeq lafni guiqlanq shar-awq. Khoermirnae, ngar shmrcav daqluf-eu ma.

1 Teˇsaˬloˇni 1:8

Aqjeq mirnae aernar-aq, nawmaf-euq baqda’nae, Sanqpaq Yeqsur-euq garkawv Maqgeqdawrniv hawr-eu Aqgaqyar mirkhanq-anr gaqdoe-ir-euq uqtaf, nawmaf, Miqyaer-anr jan-eu garkawv yawqgar navluf gaqdoe-ir luf-eu mirnae, nga’maf tiqjeq-iq aerkhar maqza nya.

2 Teˇsaˬloˇni 3:1

Aqyuif aqnyir deuq-or! Arsaq saq-eu dawq-aq heulof-aer ma. Sanqpaq Miqyaer-euq dawq, nawmaf-euq ghanrcae yawkawr-aer gaqdoe le-awr, nawmaf ciqpoeq-eu lof-aer, yawqgar navluf khoerlof-aer pyeuflarni, nga’maf-euq gharduq guiqlanq sharcaw naeqlaf-awq.

2 Tiˆmoˇseˬ 1:12

Khoer baqda’nae, ngar khaeq-awr khav-eu heudeuq-anr ya daqluf-eu ma. Aerkhawf, ngar maq shafdawr. Aqjeq mirnae aernar-aq, ngar, aqsur ghaq-anr janluf-eu le laer ngar siqnya ma. Ngar, aqyawf-anr khar a’naeq-euq deuq, Arnan khoernan-anr keuvni, aqyawf hawlanr-awr hawpir mae laer ngar janduq taq-euq ma.

2 Tiˆmoˇseˬ 1:16

Sanqpaq Yeqsur, Awqneqsiqpawq-euq nymrjir-anr ghawqshaq gaqnaeq luf-ur. Aqjeq mirnae aernar-aq, aqyawf, ngaq-anr ghawqmya pov nuima sarlarni janrnaeq laf-euq mae. Ngaq-anr shmrcav paftaq-euq gar aqyawf maq shafdawr-a.

2 Tiˆmoˇseˬ 1:8

Khoermirnae, aqdui-euq Sanqpaq Miqyaer-euq garkawv sarkir kamq-eu taq shafdawr, aqyawf-euq gharduq kuv-anr urluf-eu ngar baqda’nae khawf taq shafdawr. Aerkhawf, Miqyaer-euq baoq-anr ghoe-eu lafkhoer, guiqlanq dawq-eu gharduq ngaq naeq-aer tiqkawv lof-aer shaqzanq daq-awq.

2 Tiˆmoˇseˬ 2:3

Yeqsur Kali-euq zawr muiq-eu guirzaq lof-aer, nawr, ngaq naeq-aer khaeq-awr khav-eu jeq-anr daq-awq.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

1 Beˬtuˆluˆ 2:12

Nawmaf, Miqyaer-anr maqjan-eu tsawrhaq deuq-euq ghanrcae, yawmuiq jeq mrmr-aer daef-awq. Nawmaf yawdoer jeq mr-eu tsawrhaq-a laer aqyawfmaf jadoer-eu khawf, nawmaf yawmuiq jeq mr-eu gar ya’mawr-euq mirnae, Miqyaer-anr dzoer ngae nan, aqyawfmaf, Miqyaer-anr ciqhuiq ciqmanr taef-a.

1 Beˬtuˆluˆ 2:14

yawdoer jeq mr-eu deuq-anr bidar-awr, yawmuiq jeq mr-eu deuq-anr bi jaceuq-eu laer, sanqpaq nae khaertaq-awr dzoeqdzaq bimr-euq meuqsanr-euq lafov khawf, yawmuiq-aer jawr-awq.

1 Beˬtuˆluˆ 3:16

Nawmaf-euq zaqsiq nuisiq shawrjaevni bijav-awq. Khoerlof-aer bijav nar-aq, nawmaf, Kali-anr ghoe-awr yawmuiq jeq mrluf-eu gar, nawmaf maqmuiq-eu yawdoer jeq mrluf-a laer, jabu jadoer-awr dawqdoer ngaeq-eu tsawrhaq deuq ya shafdawr-ir taef-a.

1 Beˬtuˆluˆ 4:15

Nawmaf-euq lafkhoer tiqghaqnav, tsawrhaq saef-euq mirnae, smrkhoeq khoeq-euq mirnae, maqmuiq-eu yawdoer jeq mr-euq mirnae, yawqha-anr maqtaf-eu aqcawq-euq gar-anr lavbanq-eu mirnae, shaqzanq yadaq-eu jeq taqbi pyeuf.