2 Tiˆmoˇseˬ 2:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yeqsur Kali-aq, Daqbir-euq aryoeq pyeuf-awr, shir-euq gar nae ghofdaef lar-euq mae laer taqngaer de-eq. Heu-aq, ngaq nae guiqlanqdawq maeq-euq gar tsaq-eu mae.

Akha

⁸ Ngaˬ neh mehˬ-euˬ Laˬ kʼaˬ cehˇ-eu Guiˬ lahˬ dawˬ laꞈ kʼoeˇ ehˇ taˬ-euˬ loꞈ-ehˇ, Daˬbiˇ-euˬ tsuiꞈ-ahˇ taꞈ-eu shiˇ-euˬ gaˇ gʼoꞈ dehꞈ laˇ-euˬ gʼaˬ pyeuꞈ-eu Yeˬsuˇ Ka li-ahˇ noeˬ keuˆ-awˬ.

2 Tiˆmoˇseˬ 2:8 ပူးပေါင်းရင်းမြစ်များ

Maꞈtehˬ 1:1

Sanqbof heu-aq, Aqbyaqhaq hawr-eu Daqbir-euq Zaqyo, Yeqsur Kali-euq tsuif mae.

Luˇkaꞈ 24:46

Yeqsur, aqyawf maf-anr heulof-aer par aernaeq-euq mae, “Yaerbof-euq lafkhoer boftaq-euq lof-aer, Kali-aq, shaqzanq yadaq-awr, smq nan byanlar nar-aq, shir-euq gar nae ya ghofdaeflar taef-a.

Gʼaˬkʼehˇ 13:23

Miqyaer nae sarjax dzaqtaq-euq lof-aer, Daqbir-euq aryoeq-euq lafkhoer nae, Irsaqleqlav tsawrhaq-euq gharduq Kakhof-eu ghaq bi dovle-euq khoer-aq, Yeqsur mae.

Gʼaˬkʼehˇ 2:24

Aerkhawf, Miqyaer, aqyawf-anr shir-eu jeq-euq shaqzanq-anr nae puirpyaeq naeq-awr, bi ghofdaef lar-euq mae. Aqjeq mirnae aernar-aq, shir-eu jeq aqyawf-anr maq paftawftaq nya-a.

Gʼaˬkʼehˇ 2:30

Daqbir-aq, Miqyaer gharduq ngaeqdan-eu tiq ghaq pyeuf-eu mirnae, aqyawf-euq mawrdo hawr-eu shiqshaq-anr taf-eu arsiq-euq garkawv, Miqyaer sarjax dzaq-awr kamqtaq-euq lof-aer, aqyawf-euq nuirmanq-anr bi nuirlarni, Miqyaer, Kali-anr bi dovlar-eu garkawv siqnya-eu mae. (Jc 132:11)

Lormav 16:25

Mirtsaq bae ngae nae maqbi siq-aer zaftaq-euq jeq-euq garkawv panmaeq naeqlaf-euq mirnae, ngar maeq-eu guiqlanqdawq hawr-eu Yeqsur Kali-euq garkawv dawqmaeq maeq-eu baqda’nae, nawmaf-anr bi ziflar nya-eu ghaq-anr jaceuq ma.

Lormav 2:16

Ngar guiqlanqdawq maeq-eu lof-aer, Miqyaer, Yeqsur Kali-anr ghoe-awr tsawrhaqzaq nae zaftaq-euq jeq-anr yarkhaqdar ngae nan, heulof-aer pyeuflar taef-a.

1 Gawˇliˬtu 15:1

Khoernav maqtser, aqyuif aqnyir deuq-or! Ngar, nawmaf-anr maeqnaeq-euq guiqlanqdawq heu, nawmaf-anr par dzawrnaeq-eu ma. Nawmaf guiqlanqdawq heu-anr hageuf ghaq-awr, heu-euq lafkhoer yawfluf-eu mae.

1 Gawˇliˬtu 15:4

aqyawf-euq mawrdo bi bafpanq-euq mae. Khoernar-aq, Yaerbof-euq lafkhoer aertaq-euq lof-aer, smq nan keuvlar nar-aq ghofdaef lar-euq mae.

2 Teˇsaˬloˇni 2:14

Nawmaf, aqdui-euq Sanqpaq Yeqsur Kali-euq yawshaef khanqsaer za’ni, Miqyaer, nga’maf nae maeq-euq guiqlanq dawq-anr ghoe-awr, nawmaf-anr kur-euq mae.

1 Tiˆmoˇseˬ 1:11

Tsaq-awr tsanr-eu jan-eu jeq khoer-aq, ngaq-anr a’naeq laf-euq guiqlanq byan-eu Miqyaer-euq yawshaef khanqsaer huiq-eu guiqlanq dawq-anr tsaqler-eu mae.

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

2 Tiˆmoˇseˬ 1:8

Khoermirnae, aqdui-euq Sanqpaq Miqyaer-euq garkawv sarkir kamq-eu taq shafdawr, aqyawf-euq gharduq kuv-anr urluf-eu ngar baqda’nae khawf taq shafdawr. Aerkhawf, Miqyaer-euq baoq-anr ghoe-eu lafkhoer, guiqlanq dawq-eu gharduq ngaq naeq-aer tiqkawv lof-aer shaqzanq daq-awq.

2 Tiˆmoˇseˬ 2:7

Ngar aerluf-eu dawq heudeuq-anr nawr yawmuiq paq-aer sharnoeq de-eq. Aqjeq mirnae aernar-aq, nawr yawqjeq navluf-anr ghovshawnya larni, Sanqpaq Yeqsur, nawq-anr zaqsiq tsawrganr bifnaeqlaf taef-a.

Panmaeq 5:5

Khoerngae, aqyuif aqtsu khoerdeuq-euq lafkhoer-euq tiq ghaq, ngaq-anr aernaeq laf-eu, “Taqngoer. Hawsher-eq. Yurdav arjeuq-euq Arlaqjaqshir pyeuf-eu, Daqbir-euq Duqcir ghaqler-euq mae. Aqyawf, jmq diqtaq-euq khoer shif hmqluf gheudzae-awr, sanqbof khoeryov-anr aqyawf pannya-eu mae.”