2 Tiˆmoˇseˬ 2:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

Akha

² Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

2 Tiˆmoˇseˬ 2:2 ပူးပေါင်းရင်းမြစ်များ

Jaceuq 101:6

Ngaq-euq myavnuiv, mirtsaq-euq khoertav sarjax zif-eu tsawrhaq-anr hawluf ma. Aqyawfmaf, ngaq naeq-aer bijawr ma. Byan-eu garma-anr can-eu tsawrhaq-aq, Ngaq-euq kuirlaf yageuf taef-a.

Dawqdaq 13:17

Ghaqzaq ghaqkhaer yawcawv-aq, shaqzanq-anr ga’anrghae taef-a. Aerkhawf, sarjax zif-eu danzar-aq, lavsavtaq nya-eu mae.

Maꞈtehˬ 13:52

Yeqsur, aqyawf maf-anr aernaeq-eu, “Miqyaer-euq mirkhanq-euq garkawv dzawtaq-euq zanr maeq-eu yawqghaq navluf, nymrsanr tiq ghaq, aqyawf-euq myawq taqduq-anr nae, myawq yawshuif hawr-eu yawoer yurdov lef-eu gar dur-eu mae.”

Maꞈtehˬ 24:25

Hawsher-eq, maq pyeuflar-euq minav-aer ngar, nawmaf-anr aernaeq-eu ma.

Luˇkaꞈ 12:42

Sanqpaq Yeqsur heulof-aer aernaeq-euq mae, “Zaqsiq tsawrganr anr-awr sarjax zif-eu lafkhoer, myawqganq-anr hawpir nya-eu aqgeu ghaq la? Aqyawf-aq, nymrkhanqzaq-anr hawpir-awr, aryamq tsaq ngae, kuirlaf zaqkhav nuideuq-anr dzaqdzaq dawrdawr shaqbymr tsaqni birnaeq nya-eu, yawsanr ghaq nae khaertaq-euq khoerghaq maqngeur-a lor?

1 Gawˇliˬtu 4:2

Khoeruqtaf, hawpir-eu tsawrhaq geuf-eu deuq-aq, sarjax zif-eu tsawrhaq yapyeuf-eu mae.

2 Gawˇliˬtu 2:14

Aerkhawf, Miqyaer-anr jaceuq ma. Aqyawf, aqmyanluf Kali-anr ghoe-awr ghaqler-eu lafkhoer, aqdui-anr sheuqghae naeqlaf luf-eu mae. Kali-anr siqnya-eu tsawrganr-euq baqda’nae dovlar-eu yawsaw jeq, Miqyaer, aqdui-anr ghoe-awr yawqgar navluf bi sawkeuv-ir luf-eu mae.

2 Gawˇliˬtu 3:5

Nga’maf, yawqha-euq ghaq-anr ghoe-awr, yawqha taef-aer tiqjeqnav mrnya ma laer aer-eu maqngeur. Aerkhawf, nga’maf, Miqyaer-euq ghaq-anr ghoe-awr mrnya-eu gar aer-eu ma.

Gawˇlawˇsehˇ 1:7

Nga’maf naeq-aer tiqkawv lof-aer kuirlaf zaqkhav geufluf-eu, nga’maf zawr gaq-eu Irbaqpaqlar-anr nae, nawmaf garkawv khoer yadzaw-euq mae. Aqyawf-aq, nawmaf-euq gharduq sarjax zif-eu lafkhoer, Kali-euq kuirlaf zaqkhav pyeuf-eu mae.

1 Tiˆmoˇseˬ 1:12

Ngar, ngaq-anr ghaq bifnaeqlaf luf-eu aqdui-euq Sanqpaq Yeqsur Kali-anr jaceuq ma. Aqjeq mirnae aernar-aq, ngar-aq, sarjax zif-eu nga laer aqyawf sawx-awr, ngaq-anr khaer-awr guiqlanq-euq gar bi mrnaeq laf-euq mae.

1 Tiˆmoˇseˬ 1:18

Ngaqli Tivmorseq-or! Dzeurlaf ngae, Miqyaer gharduq ngaeqdan-eu deuq nae, nawq-euq garkawv aertaq-euq lof-aer, ngar, nawq-anr dawq heulof-aer bif-eu ma. Dawq khoerdeuq-euq baqda’nae, guirdeuv yawmuiq-aer deuv-awq.

1 Tiˆmoˇseˬ 4:14

Aqyuif aqtsu deuq, nawq-euq khoertav aqlaf bafdav-awr, nawq-euq garkawv Miqyaer gharduq ngaeqdan ngae, nawr lafsawq za-euq mae. Nawr lafsawq khoer maq byaerdzaeni zmq-awq.

1 Tiˆmoˇseˬ 4:6

Nawr, aqyuif aqnyir deuq-anr garkawv heudeuq maeqnaeq nar-aq, nawr-aq, Yeqsur Kali-euq muiq-eu kuirlaf zaqkhav pyeuf taef-a. Jan-eu jeq-anr taf-eu dawq hawr-eu muiq-eu dawqmaeq dawqtsov-anr yawmuiq-aer cantae-eu lafkhoer huiqlar taef-a.

1 Tiˆmoˇseˬ 5:22

Gar mrzaq yawshuif-euq khoertav, aqlaf bafdav-eu taqtaeq. Aqcawq iqbax mr-eu gar maq gmlerni shawrjaevni daef-awq.

1 Tiˆmoˇseˬ 6:12

Jan-eu jeq-euq gharduq guirdeuv yawmuiq-aer deuv-awq. Mqmaq maqbyav yarzir daef-eu jeq-anr nyaefza-awq. Nawr khoerjeq-anr za’ni Miqyaer, nawq-anr kur-euq mae. Sarkir kamq-eu ghawqmya ghaq-euq maeqshi, nawr, Kali-anr jan-eu ma laer muiq-eu sarkir kamq-euq mae.

2 Tiˆmoˇseˬ 3:10

Aerkhawf, nawr-aq, ngaq-euq dawqmaeq dawqtsov, mr-awr shar-eu, noeqtmq-eu, jan-eu, nuinoeq ghawqmanrni noeq-eu, gaq-eu, or-eu nuima anr-eu, heudeuq-anr yawmuiq-aer cantae-euq mae.

2 Tiˆmoˇseˬ 3:14

Aerkhawf, nawr-aq, nawq nae yadzaw-awr, yawmuiq-aer janluf-eu deuq-anr zifdanni janzif taq-awq. Aqjeq mirnae aernar-aq, nawr aqsur ghaq-anr dzaw-euq le laer nawr siqnya-eu mae.

HeˬByehˇ 2:17

Khoermirnae, aqyawf, tsawrhaqzaq-euq iqbax-euq gharduq lawrbyan nya’ni hawr-eu, Miqyaer-euq gar mr-eu lafkhoer, ghawqshaq gaqnya-awr sarjax zif-eu Pirma yawhuiq ghaq geuf-eu gharduq, yawqjeq navluf-euq lafkhoer, aqyawf, aqyawf-euq maernmr lof-aer yapyeuf-euq mae.