2 Tiˆmoˇseˬ 2:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqyawfnyaf, “Ghofdaef lar-eu laer aer-eu jeq-aq dzeur-euq mae” laer aeraer-aer, yawtsaq yawdawr jeq-anr garbanq banq-awr, tsawrhaq ghawqmya ghaq-euq jan-eu nuima-anr lavcawv luf-eu mae.

Akha

¹⁸ Aˬ dui gʼoꞈ dehꞈ laˇ-eu jeˬ keuˆ le dzeuˇ-euˬ meh lehˇ ehˇ-eu laꞈ kʼoeˇ, yaw tsaˬ yaw dawˇ gaˇ ma-ahˇ aˬ yawꞈ maꞈ byehˇ dzeh-awˇ, tsawˇ haˬ tiˬ paˆ na deuˬ-euˬ jah-eu nui ma bi cawˆ-iˇ-eu meh.

2 Tiˆmoˇseˬ 2:18 ပူးပေါင်းရင်းမြစ်များ

Maꞈtehˬ 15:13

Khoerngae, Yeqsur heulof-aer aerkhof naeq-euq mae: “Arbawq yawqbawq navluf mq-euq khoertav jawr-eu ngaqDa nae kataq-euq maqngeur nar-aq, yawqbawq navluf-anr dawqpaeq duqpur laevni yabi ghawrdzae taef-a.

Maꞈtehˬ 22:29

Yeqsur heulof-aer aerkhof naeq-euq mae, “Nawmaf-aq, Yaerbof-anr khawf, Miqyaer-euq baoq-anr khawf maq siqnya-eu mirnae yawlaeq mae.

Luˇkaꞈ 8:13

Khaqlo-euq khoertav gadav-ir-euq deuq-aq, Miqyaer-euq dawq yagaq ngae, laqkhaq tiqcaer hageuf-euq khawf, duqcir maq ka’naf nya-eu mirnae, tiqkhaeq taef-aer jan-awr, murjur jur-eu jeq tanqpuq ngae, coq-ir-eu deuq-anr aermawf-eu mae.

Gʼaˬkʼehˇ 5:39

Aerkhawf, Miqyaer-anr nae dovle-euq ngeur nar-aq, nawmaf, aqyawf maf-anr maq lavtsoeq nya-ar. Khoeruqtaf, nawmaf, Miqyaer-anr guirdeuv deuv-eu nga laer mawrlar-eu baw-mr.”

1 Gawˇliˬtu 11:19

Nawmaf-euq lafkhoer geufnya-eu tsawrhaq aqsur ghaq nga laer siqduq mawrduq larni, maqtsaq maq dzoerler-eu jeq yajav lar-eu mae.

1 Gawˇliˬtu 15:12

Kali shir-euq gar nae ghofdaef lar-euq mae laer nymq-mr dawqmaeq maeqnaeq luf-eu khawf, aqjeq mirnae nawmaf-euq lafkhoer tiqpavnav deuq shir-euq tsawrhaq ghofdaef lar-eu maqbaw-a laer aerluf-eu la?

Gawˇlawˇsehˇ 3:1

Nawmaf aqdir Kali naeq-aer tiqkawv lof-aer ghofdaef lar-euq ngeur nar-aq, yawgor-anr jav-eu jeq-anr sharpov-eu tsaq mae. Kali-aq, khoergar Miqyaer-euq armar paw nuirluf-eu mae.

1 Tiˆmoˇseˬ 1:19

Guirdeuvdeuv ngae, jan-eu jeq-anr hawr-eu muiq-eu zaqsiq nuisiq-anr nyaeftaeq taq-awq. Tsawrhaq tiqpavnav deuq-aq, heudeuq byaerdzae yaf-euq mirnae, lawq cawv-ir-euq lof-aer, aqyawf maf-euq jan-eu jeq cawv-ir-euq mae.

1 Tiˆmoˇseˬ 6:10

Pyur-anr maerjuir juir-eu jeq-aq, yawdoer dawqtawv luf-euq dawqpaeq duqpur mae. Tsawrhaq tiqpavnav deuq, pyur-anr maerjuir juir-eu mirnae, Kali-anr jan-eu jeq-anr byaerdzae-awr, yawqha-euq nuima-anr micaer nae tsawv-euq lof-aer noeqshaq noeqzanq-eu ghawqmya jeq-anr yadaq-eu mae.

1 Tiˆmoˇseˬ 6:21

Tsawrhaq tiqghaqnav, “Ngar zaqsiq tsawrganr khoer anr ma” laer aer-awr jan-eu jeq-anr nae garbanq banq-euq mae. Nawq-euq khoertav guiqlanq yawdzanr jav luf-ur. Aqmeq.

2 Tiˆmoˇseˬ 2:14

Garkawv heudeuq nawr, tsawrhaq yawqghaq navluf-anr ja’noeq naeq-awq. Dawqdeuq-euq garkawv tsawrpyaer taqpyaer laer, Miqyaer-euq maeqshi nawr, aqyawf maf-anr yawkhav khav-aer maeqnaeq-awq. Khoerlof-aer pyaer-eu-aq, yawmuiq tiqjeq-iq maq dovlar-eu uqtaf, yagaq-euq tsawrhaq deuq-anr bicawv-ir-eu taef mae.

Tiˇtuˆ 1:11

Aqyawf maf-anr maqbi ja’ni lavtsoeq-awq. Aqjeq mirnae aernar-aq, aqyawf maf-aq, pyurshuir za’ni, maqmaeq paq-aer ghae-eu jeq maeqmaeq-aer nymrkhanq khanqlan ni-anr lavcawv luf-eu mae.

HeˬByehˇ 3:10

Khoermirnae, ngar khoerzir-euq tsawrhaq deuq-anr nuima paer-awr heulof-aer aer-euq ma, ‘Aqyawf maf-euq nuima-euq lafkhoer aqmyanluf garbanq banq-awr, aqyawfmaf, ngaq-euq garma-anr maq siqnya-a.’

Yaˬkoˆ 5:19

Ngaq-euq aqyuif aqnyir deuq-or! Nawmaf-euq lafkhoer tiqghaqnav yawtsaq yawdawr jeq-anr nae garbanq banq-ir-euq gar sheuqkhoflaf nar-aq,

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.