2 Tiˆmoˇseˬ 2:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqdui daqcoer orcoer nar-aq, aqyawf naeq-aer tiqkawv lof-aer dzoeqdzaq ya’mr taef-a. Aqdui, aqyawf-anr maq hageuf nar-aq, aqyawf khawf aqdui-anr maq hageuf-ar.

Akha

¹² Aˬ dui daˬ dzeuˇ oˇ dzeuˇ coeˇ naˇ, aˬ yawꞈ nehˬ-ehˇ ya dzoeˬ tehꞈ-a. Aˬ dui aˬ yawꞈ-ahˇ byehˇ dzeh naˇ, aˬ yawꞈ aˬ dui-ahˇ byehˇ tehꞈ-a.

2 Tiˆmoˇseˬ 2:12 ပူးပေါင်းရင်းမြစ်များ

Dawqdaq 30:9

Maqngeur nar-aq, ngar dzaqdaevnya lar-awr, “Ya’we Miqyaer aqsur ghaq la?” laer aer-awr, Nawq-anr byaernya-eu baw-mr. Ngar irshaqshaq nar-aq khawf, smrkhoeq khoeq-awr, Ngaq-euq Miqyaer-euq tsawrmyanr-anr lavcawv-eu baw-mr.

Maꞈtehˬ 10:33

Tsawrhaq-euq maeqshi, ‘Ngar-aq, Yeqsur-euq zaqlanr maqngeur’ laer aerdov-eu aqgeu ghaq maqkaq; ngar khawf, mq-euq khoertav jawr-eu ngaqDa-euq maeqshi, ‘Teughaq-aq, ngaq-euq zaqlanr maqngeur’ laer aerdov ma.

Maꞈtehˬ 26:35

Beqtuvluv, Yeqsur-anr aernaeq-eu, “Ngar, nawq naeq-aer tiqkawv lof-aer yashir-eu khawf, ngar, nawq-anr maq siqnya nya laer tiqjeq ghaenae-iq maqaer.” Zaqlanr dawqtawvluf khawf khoerlof-aer aer-eu mae.

Maꞈtehˬ 26:75

Khoerngae, Beqtuvluv, Yeqsur nae aqyawf-anr, “Yapoer maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a” laer aernaeq-euq dawq khoerdawq-anr noeqdov lar-euq mae. Khoermirnae, aqyawf dov-ir-awr, nuima cawv-eu lafkhoer ngoer duidui-euq mae.

Maˬkuˆ 10:33

“Hawsher-eq, aqduimaf, Yeqlursaqlaeq-anr leluf-eu ma. Tsawrhaq-euq Zaqyo-aq, pirma aqyuif deuq hawr-eu zanr maeq-eu deuq-euq aqlaf-euq lafkhoer yabi a’naeq taef-a. Aqyawfmaf, aqyawf shirni yarkhaq dar-awr, aqcawq tsawrjeuq tsawrca-euq aqlaf-anr a’naeq taef-a.

Maˬkuˆ 8:38

Aqsur ghaq maqkaq, banq-awr joe-eu hawr-eu iqbax mrluf-eu heuzir-euq tsawrhaq-euq maeqshi, ngar hawr-eu ngaq-euq dawq-euq baqda’nae shafdawr nar-aq, aqyawf Tsawrhaq-euq Zaqyo khawf, aqyawf-euq Aqda-euq yawshaef khanqsaer-euq lafkhoer, shawr-eu mqtav ghaqkhaer deuq naeq-aer zafkale ngae, tsawrhaq khoerghaq-euq baqda’nae shafdawr taef-a.”

Luˇkaꞈ 12:9

Aerkhawf, tsawrhaq-euq maeqshi Ngaq-euq zaqlanr maqngeur laer aerdov-eu aqgeu ghaq-anr maqkaq, Tsawrhaq-euq Zaqyo khawf, Miqyaer-euq mqtav ghaqkhaer deuq-euq maeqshi ngaq-euq zaqlanr maqngeur laer aerdov taef-a.

Luˇkaꞈ 22:29

NgaqDa, ngaq-anr uvlanr-euq jeq bifnaeq laf-euq lof-aer, ngar khawf, nawmaf-anr uvlanr-eu jeq bifnaeq ma.

Luˇkaꞈ 22:30

Heulof-aer bif-eu-aq, nawmaf, ngar uvlanr-eu mirkhanq-euq lafkhoer, ngaq-euq hawqje-anr jawq-awr, dzaqtaf dawrtaf-awr, dzoeqdzaq-euq nuirmanq-anr nuir-awr, Irsaqleqlav tsawrjeuq 12 jeuq-anr yarkhaq bidar-eu gharduq ma.”

Luˇkaꞈ 9:26

Aqsur ghaq maqkaq, ngaq-anr hawr-eu ngaq-euq dawq-anr shafdawr nar-aq, Tsawrhaq-euq Zaqyo khawf, aqyawf-euq yawshaef khanqsaer-euq lafkhoer maqaer, Aqda Miqyaer hawr-eu shawr-eu mqtav ghaqkhaer-euq yawshaef khanqsaer-euq lafkhoer maqaer zafkale ngae, tsawrhaq khoerghaq-anr shafdawr taef-a.

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

Lormav 5:17

Tsawrhaq tiq ghaq mrbanq lavlaeq-awr, shir-eu jeq aqyawf-euq baqda’nae uvlanr luf-eu ngeur nar-aq, Miqyaer-euq huiqdui myaq duidui-eu guiqlanq yawdzanr hawr-eu, tsaq-awr dawr-eu lafsawq za-euq tsawrhaq-aq, ngeurdzaeq, Yeqsur Kali-anr ghoe-awr daef-eu jeq-euq lafkhoer uvlanr taef-a.

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

Piˇliˇpiˆ 1:28

Aqgeu dzerdzaq-anr maqkaq, nawmaf-anr muir-eu deuq-anr taqguv. Maqguv nar-aq, aqyawfmaf cawv-ir-awr, nawmaf-aq, Miqyaer-anr nae dovle-euq kakhof-eu jeq za-euq nga laer byacaevni mawrlar taef-a.

1 Tiˆmoˇseˬ 5:8

Tsawrhaq tiq ghaq, yawqha-euq tsawrhaq-anr ngaeq maqghae-eu uqtaf, yawqha-euq nymrkhanq-euq zaq-anr keuvni ngaeq maqghae nar-aq, jan-eu jeq-anr byaer-awr, Yeqsur-anr maqjan-eu tsawrhaq navmaqtser doer-eu mae.

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

Panmaeq 1:6

Khoeruqtaf, aqyawf, aqdui-anr aqyawf-euq Aqda Miqyaer-euq pirma hawr-eu sanqpaq bi pyeuflarni janrnaeq laf-euq mae. Yawshaef khanqsaer hawr-eu uvlanr-eu baoq, li-eu maqbawni aqyawf-anr of luf-ur. Aqmeq.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

Panmaeq 20:4

Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.

Panmaeq 20:6

Ghofdaeflar baebae-eu pov-euq lafkhoer keuq-eu tsawrhaq deuq-aq, guiqlanq huiq-awr yawshawr mae. Nyiq pov tiqpov shir-eu jeq aqyawf maf-euq khoertav baoq maqjav-a. Aqyawf maf-aq, Miqyaer hawr-eu Kali-euq pirma pyeuf-awr, aqyawfmaf, Kali naeq-aer tiqkawv lof-aer 1,000 khof byanni sanqpaq geuf-awr ya uvlanr taef-a.

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.

Panmaeq 3:8

“Ngar, nawq nae mr-euq jeq-anr siqnya ma. Hawsher-eq. Ngar, tsawrhaq tiqghaq-iq maq piqtaeq nya-eu larghov tiqghov, nawq-euq maeqshi pantaq-euq ma. Nawr ghaq uicuiv taef-aer anr-eu khawf, ngaq-euq dawq-anr narhaq geuf-awr ngaq-euq tsawrmyanr-anr maq byaerdzae-aq.

Panmaeq 5:10

Nawr, nga’maf-anr Miqyaer-euq maeqshi, Sanqpaq hawr-eu pirma pyeuflarni, janrnaeq laf-euq mae. Khoermirnae, nga’maf, mirtsaq-euq khoertav ya uvlanr taef-a.”