2 Tiˆmoˇseˬ 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

Akha

⁹ Aˬ dui neh mˇ-euˬ shaˇ-euˬ jeˬ baˬ da neh, aˬ yawꞈ aˬ dui-ahˇ ka kʼoꞈ-awˇ aˬ yawꞈ-euˬ zaˬ bi pyeuꞈ laˇ-euˬ maˬ ngeuˇ-a. Aˬ yawꞈ neh noeˬ taˬ-euˬ jeˬ hawˇ-eu aˬ yawꞈ-euˬ guiˬ lahˬ yaw dzahˇ baˬ da neh bi pyeuꞈ laˇ-euˬ meh. Mˬ hawˇ-eu miˇ maˬ seu le mi naˆ-ehˇ, Yeˬsuˇ Ka li-ahˇ gʼoe-awˇ guiˬ lahˬ yaw dzahˇ kʼoeˇ biꞈ taˬ leꞈ-euˬ meh.

2 Tiˆmoˇseˬ 1:9 ပူးပေါင်းရင်းမြစ်များ

Maꞈtehˬ 1:21

Aqyawf, zaqyo tiq ghaq ciq taef-a. Nawr, aqyawf-anr Yeqsur laer ya myanrnaeq-eu mae. Aqjeq mirnae aernar-aq, aqyawf, aqyawf-euq tsawrjeuq tsawrca-anr iqbax-euq lafkhoer nae kakhofdov naeq taef-a.”

Luˇkaꞈ 10:21

Khoerngae, Yeqsur, Yawshawr Saflar-euq baqda’nae laqkhaq caer-awr heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-euq mae. Aqda-or! Heu-aq, nawr nuima tsaq-eu jeq pyeuf-eu mae.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Yoˇhaˬ 17:9

“Ngar, mirtsaqzaq-euq gharduq sharluf-eu maqngeur. Aerkhawf, nawq nae ngaq-anr bifnaeq laf-euq tsawrhaq deuq-aq, nawq-euq tsawrhaq mirnae, ngar, aqyawf maf-euq gharduq guiqlanq sharluf-eu ma.

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Gʼaˬkʼehˇ 15:18

“Miqyaer nae kharmr-euq gar dawqtawvluf, mqmaq maqbyav yarzir-anr nae aqyawf siqnya luf-eu mae.’

Gʼaˬkʼehˇ 2:47

Aqyawfmaf, Miqyaer-anr jaceuq-eu mae. Tsawrhaq dawqtawvluf, aqyawf maf-anr nuikhanr shir-eu mae. Nan-anr nae kakhof-eu jeq za-awr jan-eu tsawrhaq deuq bi lanqlarni, Sanqpaq Miqyaer mrluf-eu mae.

Lormav 11:14

Ngar heulof-aer mr-eu mirnae, ngaq-anr shiqshaq taf-eu tsawrhaq myavnav navlar-awr, aqyawfmaf tiqpavnav deuq-anr bibuq-ir nya’ni ngar noeqtmq luf-eu ma.

Lormav 11:29

Aqjeq mirnae aernar-aq, Miqyaer-aq, aqyawf nae bif-euq lafsawq hawr-eu, aqyawf nae kur-euq khoer-anr maqpov maq parlar-a.

Lormav 16:25

Mirtsaq bae ngae nae maqbi siq-aer zaftaq-euq jeq-euq garkawv panmaeq naeqlaf-euq mirnae, ngar maeq-eu guiqlanqdawq hawr-eu Yeqsur Kali-euq garkawv dawqmaeq maeq-eu baqda’nae, nawmaf-anr bi ziflar nya-eu ghaq-anr jaceuq ma.

Lormav 3:20

Zanrdawq-anr mrcaw-eu baqda’nae, tsawrhaq tiqghaq-iq Miqyaer-euq maeqshi tsaq-awr dawr-eu tsawrhaq maq pyeuflar nya-a. Aqjeq mirnae aernar-aq, zanrdawq-euq baqda’nae iqbax-anr siqnya-eu tsawrganr anrlar-eu mae.

Lormav 9:11

Zaqdzm khoer nyiq ghaq maq daefle-euq minav-aer, yawmuiq yawdoer khawf maqmr-euq siq khoer nae, Miqyaer tserdov-eu jeq zifni, aqyawfmaf mr-awr shar-eu gar haw-awr maqngeur-aer, kur-eu ghaq pyeuf-eu Miqyaer nae noeqtsaev taq-euq lof-aer tser-eu jeq pyeuf-eu mae.

Lormav 9:24

Oeqlanq khoer-aq, Miqyaer nae kur-euq aqduimaf ma. Yurdav tsawrhaq-euq lafkhoer taef-aer maqngeur-aer, aqcawq tsawrjeuq tsawrca-anr khawf kurdov naeqlaf-euq mae.

1 Gawˇliˬtu 1:18

Aqjeq mirnae aernar-aq, lafyaq-euq garkawv-aq, cawv-ir luf-eu tsawrhaq-euq gharduq-aq, zaqsiq tsawrganr maqanr-eu dawq pyeuf-eu mae. Aerkhawf, kakhof-eu jeq zaluf-eu aqdui-euq gharduq-aq, Miqyaer-euq baoq pyeuf-eu mae.

Eˇpeˇsu 1:11

Aqdui khawf Kali-euq lafkhoer jeqbir of-eu tsawrhaq pyeuflar-euq ma. Miqyaer-euq arpyar jav-eu lof-aer, aqyawf yawbae ngae nae tserdov taq-awr, dawqtawv luf-euq lafkhoer aqyawf nuinoeq nuidur jav-awr nuima tsaq-eu lof-aer mr-euq mae.

Eˇpeˇsu 1:9

Miqyaer, aqyawfghaq nae noeqtsaev taq-euq jeq, aqyawf nuikhanr shir-eu mirnae, zaftaq-euq aqyawf nuima tsaq-eu jeq aqdui-anr bi siqnya naeqlaf-euq mae.

Eˇpeˇsu 2:5

aqdui mrbanq lavbanq-euq lafkhoer shirdzeur-euq khawf, aqyawf, aqdui-anr Kali naeq-aer yawdaef bi daeflar naeqlaf-euq mae. Guiqlanq yawdzanr baqda’nae, nawmaf kakhof-eu jeq za-euq mae.

Eˇpeˇsu 3:11

Miqyaer nae mqmaq maqbyav yarzir noeqtsaev taq-euq lof-aer, aqdui-euq Sanqpaq Yeqsur Kali-euq lafkhoer bi byanlar-euq mae.

Piˇliˇpiˆ 3:14

Yeqsur Kali-euq lafkhoer Miqyaer-euq zawr gor-eu kur-eu jeq-euq lafsawq za’ni, ngar arpyar-anr hawtsov taq-awr taeluf-eu ma.

1 Teˇsaˬloˇni 4:7

Miqyaer, aqdui-anr kur-euq-aq, jawflafni bidaef-eu laer maqngeur-a, yawshawr shawr-aer bidaef-eu laer kur-euq mae.

1 Tiˆmoˇseˬ 1:1

Ngar-aq, aqdui-anr Kakhof-eu ghaq pyeuf-eu Miqyaer hawr-eu aqdui-euq noeqtmqduq pyeuf-eu Sanqpaq Yeqsur Kali dawq bifnaeq laf-euq lof-aer, Yeqsur Kali-euq ghaqkhaer geufluf-eu Pawrluv ma.

2 Tiˆmoˇseˬ 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer daef-eu jeq za mae laer sarjax dzaqtaq-euq lof-aer maeqnaeq-awq laer Miqyaer, ngaq-anr khaer-eu mae.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

1 Beˬtuˆluˆ 1:20

Mirtsaq maqbae-euq minav-aer, Miqyaer, aqyawf-anr tserdov taq-euq mae. Aerkhawf, arsaq saq-eu aryamq heu-euq lafkhoer, nawmaf-euq gharduq byacaevni bi dovle-euq mae.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

Panmaeq 13:8

Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.

Panmaeq 17:8

Nawq nae mawr-euq jeqzaq yawghae khoermawr-aq, arhu jawr-euq khawf, nymq-mr maqpar jawr-aer, aqkar li-eu maqbaw-eu duqkhanq-anr nae dovlar-awr, cawv-ir-eu jeq-euq lafkhoer ya’ur-ir-eu mae. Mq hawr-eu mir bae ngae nae, Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav daef-eu tsawrhaq deuq-aq, jeqzaq yawghae heumawr-anr ya’mawr ngae zanq duidui ler taef-a. Aqjeq mirnae aernar-aq, jeqzaq yawghae heumawr-aq, arhu jawr-euq khawf, nymq-mr maqjawr-aer, aqkar par jawrlar-eu mae.