2 Tiˆmoˇseˬ 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqjeq mirnae aernar-aq, Miqyaer, aqdui-anr guv-eu nuima saflar bifnaeq laf-euq maqngeur-a. Aerkhawf, baoq anr-eu, gaq-eu hawr-eu yawqha-euq nuima-anr ghaqler-eu nuima saflar bifnaeq laf-euq mae.

Akha

⁷ Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ Yaw sahˇ-aˬ, aˬ dui-euˬ nui ma bi baˬ-iˇ-eu maˬ ngeuˇ-a. Yaw sahˇ kʼoeˇ-aˬ, aˬ dui-euˬ nui ma laꞈ kʼoeˇ, baoˬ maˬ ehˇ, gʼoeˇ-eu gaˬ-eu jeˬ maˬ ehˇ, yawˬ ha-euˬ nui ma-ahˇ gʼaˬ leˇ-eu jeˬ maˬ ehˇ, bi ahˇ laˇ-eu meh.

2 Tiˆmoˇseˬ 1:7 ပူးပေါင်းရင်းမြစ်များ

Jaceuq 119:80

Ngar daq maqya ga paq-aer, Nawq-euq zanrtaq khoftaq-euq lafkhoer, Ngaq-euq nuima khoerheu aerkhar maqza’ni bijav luf-ur.

Dawqdaq 2:7

Aqyawf, dawrcoeni daef-eu tsawrhaq-euq gharduq, Tsaq-awr tsanr-eu zaqsiq tsawrganr jeqhmq taq-awr; Aqyawf-aq, aerkhar maqza’ni daef-eu tsawrhaq deuq-euq gharduq, daeqdaqduq pyeuf-eu mae.

Dawqdaq 8:14

Ngar maeqbawq hawr-eu muiq-eu zaqsiq tsawrganr jav-awr, Ngar-aq, ghovshaw nya-eu jeq pyeuf-awr ghaq anr-eu ma.

Luˇkaꞈ 10:19

Ngar, nawmaf-anr arlawr hawr-eu boeqkaqlaqma-anr nawqtaeq nya-awr, nawmaf-anr muir-eu deuq-euq baoq dawqtawv luf-anr ghaqler nya’ni, aryaq bif-euq ma. Nawmaf-anr lavtanq lavnar nya-eu tiqjeq-iq maqjav-ar.

Luˇkaꞈ 15:17

“Khoerngae, aqyawf noeqganr lar-awr heulof-aer aer-eu mae, ‘Ngaqda-anr ghaqmanr manrdzaq-eu deuq-aq, hawq dzaqdaev lof-awr par dzaeqlar-a siq. Aerkhawf, ngar-aq, maefsaef shaw-iq mir-a!

Luˇkaꞈ 24:49

Narhaq sher-eq. NgaqDa-euq sarjax, ngar, nawmaf-euq khoertav bi jawrle ma. Nawmaf mq-euq khoertav-euq baoq maqza-euq khoerkeuvni meuq-euq lafkhoer dawqtawq siq.”

Luˇkaꞈ 8:35

Garkawv khoer aqjox-aer pyeuflar-euq nga laer yasiqni, tsawrhaq armaf mafma hawlar-euq mae. Aqyawfmaf, Yeqsur jawr-eu gar larkeuv ngae, naef baqmaf dov-ir-euq khoerghaq, maeqtsoeq dm-awr, noeqbeur khoflar-awr, Yeqsur-euq aqkuir-euq dawqpae nuirluf-eu gar ya’mawr-euq mirnae, aqyawfmaf guv duidui-ir-euq mae.

Yoˇhaˬ 14:27

“Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Gʼaˬkʼehˇ 21:13

Khoerngae, Pawrluv aer-eu, “Aqjeq mirnae nawmaf teunav nav-aer ngoerngoer-aer ngaq-euq nuima tsawqpav-ir paq-aer janrnaeq laf-eu le? Ngar, Sanqpaq Yeqsur-euq tsawrmyanr-euq gharduq aqcawq nae bipaf-eu taef-aer maqngeur-eu, Yeqlursaqlaeq-anr yashir-eu law-awr khawf laeqhmqdan taq-euq ma.”

Gʼaˬkʼehˇ 26:11

Khoeruqtaf, zanrdawq khawqnymr yawqgar navluf-euq lafkhoer, ngar, aqyawf maf-anr ghawqmya pov khaeq-awr, aqyawfmaf yaeqbawq saerlu-aer aerni ngar laejae-euq ma. Ngar, aqyawf maf-anr nuima paer duidui-eu mirnae, aqcawq-euq mirkhanq-anr jav-eu meuqdeuq-anr keuvni, aqyawf maf-anr khaeq-awr khavnaeq-euq ma.”

Gʼaˬkʼehˇ 26:25

Aerkhawf, Pawrluv heulof-aer aerkhof naeq-euq mae: “Huiq-awr manr-eu Beqtur-or! Ngar uq-ir-euq maqngeur. Ngar yawmuiq-aer sharnoeq-awr yawtsaq yawdawr jeq ngaeqluf-eu ma.

Gʼaˬkʼehˇ 6:8

Saqteqpaq-aq, jan-eu jeq hawr-eu baoq tiqbyanni anr-awr, mirkhanqzaq-euq ghanrcae huiq duidui-eu zanqler paq-aer ghae-eu jeq hawr-eu bisiq bimawr-eu jeq mr-euq mae.

Gʼaˬkʼehˇ 9:22

Aerkhawf, Sawrluv tiqjawr sair tiqjawr ghaq khavdzaeq lar-awr, Yeqsur-aq, Kali mae laer yawmuiq-aer aerduq nya-eu mirnae, Daqmaqsaer-anr jawr-eu Yurdav tsawrhaq deuq zanqlerjir taq-euq mae.

Lormav 5:5

Noeqtmq-eu baqda’nae nuima yacawv-eu maqngeur-a. Aqjeq mirnae aernar-aq, aqdui-anr bifnaeq laf-euq Yawshawr Saflar, aqdui-euq nuima-euq lafkhoer, Miqyaer-euq gaq-eu jeq shaevanr naeqlaf-euq mae.

Lormav 8:15

Nawmaf parya guvni zaqkhav-euq saflar zataq-euq maqngeur-a. Nawmaf-aq, zaq sheuqcu-eu, muiq-eu Saflar zataq-euq mae. Khoermirnae, aqdui “Aqba, Aqda-or” laer kur-eu ma.

1 Gawˇliˬtu 2:4

Ngar dawq ngaeq-eu khawf, dawqmaeq maeq-eu khawf, tsawrhaq-euq zaqsiq tsawrganr anr-eu dawq zmq-awr mur-euq maqngeur, muiq-eu Saflar hawr-eu baoq-anr ghoe-awr mrmaeq mrmawr naeq-euq ma.

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

Gawˇlawˇsehˇ 1:8

Muiq-eu Saflar baqda’nae nawmaf, nga’maf-anr gaqluf-eu garkawv aqyawf ja’naeq laf-euq mae.

HeˬByehˇ 2:15

Khoeruqtaf, shir-eu jeq-anr guv-eu mirnae, tiqzir zirlanni bi paftawf taq-euq tsawrhaq deuq-anr pyaeqnaeq-eu gharduq, aqyawf khoerlof-aer mr-euq mae.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

1 Yoˇhaˬ 4:18

Gaq-eu lafkhoer, guv-eu jeq maqanr-a. Byan-eu gaq-eu jeq-aq, guv-eu jeq-anr taedov-eu mae. Aqjeq mirnae aernar-aq, guv-eu jeq-aq, khaeq-awr khav-eu jeq-anr taf-awr, guvnya-eu tsawrhaq-euq lafkhoer gaq-eu jeq maqbyan-a siq.