2 Tiˆmoˇseˬ 1:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nawr shawrjaevni jan-eu gar ngar noeqdov lar-euq mir-a. Nawr jan-eu heu-aq, yawbae nawqpiq Lawriv hawr-eu nawqma Urnir-euq lafkhoer anr-awr, nymq-mr nawq-euq lafkhoer khawf anr-eu gar ngar yawduq baw-eu ma.

Akha

⁵ Shawˇ jehˆ ni gʼeh-eu nawˬ-euˬ jah-eu jeˬ-ahˇ ngaˇ noeˬ mawˇ luꞈ ma. Nawˬ-euˬ jah-eu jeˬ-aˬ, nawˬ piˬ Lawˇiˆ hawˇ-eu nawˬ ma Uˇniˇ-euˬ jah-eu jeˬ-ahˇ duˇ-eu meh. Jah-eu jeˬ kʼoeˇ, nawˬ-euˬ laꞈ kʼoeˇ kʼawꞈ ahˇ meh lehˇ ngaˇ siˬ duˬ ma.

2 Tiˆmoˇseˬ 1:5 ပူးပေါင်းရင်းမြစ်များ

Jaceuq 116:16

Ya’we Miqyaer-or! Ngar-aq, aqdir nawq-euq kuirlaf zaqkhav ma; Ngar-aq, nawq-euq kuirlaf zaqkhav pyeuf-eu, nawq-euq aqbur zaqkhav-euq zaqyo ma. Nawr, ngaq-anr paftaq-euq shmrcav-anr puirpyaeq naeqlaf-euq mae.

Jaceuq 17:1

Ya’we Miqyaer-or! Dawr-awr tsaq-eu jeq shar-eu gar narhaq naeqlaf-awq. Ngar shar-eu dawq-anr narhaq naeqlaf. Jaqmyawf maershuir maqanr-eu ngaq-euq maeqluq-euq guiqlanq shardawq-anr, nawq-euq naqbawr ciqkhmr naeqlaf-awq!

Jaceuq 18:44

Aqyawfmaf, ngaq-euq garkawv yagaq-euq naeq-aer, ngaq-euq dawq narhaq geuf-awr; Aqcawq tsawrjeuq, ngaq-euq maeqshi awbyav lar-eu mae.

Jaceuq 22:10

Ngar daefle ngae nae, nawq-anr bighoe naeqlaf-euq mae. Ngar, ngaqma-euq uqmav-euq lafkhoer jawrluf ngae nae nawr-aq, ngaq-euq Miqyaer pyeuf-eu mae.

Jaceuq 66:3

Miqyaer-anr heulof-aer aernaeq-awq, “Nawq nae mr-euq gardeuq yawzeu arnavni bawlar paq-aer ghae-eu nga. Nawq-euq baoq huiqdui manr duidui-eu mirnae, Nawq-anr muir-eu deuq, nawq-euq uqmov jawrlar taef-a.

Jaceuq 77:6

Ngar, uqcif paw ngaq nae car-euq cardawq-anr noeqmawrlar mir-a; Ngar, ngaq-euq nuima dzardziv dziv-awr, Ngaq-euq saflar yawmuiq-aer povtser haw-euq ma.

Jaceuq 81:15

Ya’we Miqyaer-anr byae-eu deuq, awbyav-eu janrgeuf taef-a. Aerkhawf, aqyawfmaf yadaq-eu jeq, Mqmaq maqbyav yarzir yadaq taef-a.

Jaceuq 86:16

Ngar jawr-eu paw ciqpyawr naeqlaf-awr, Ngaq-anr ghawqshaq gaqnaeq laf-awq! Nawq-euq kuirlaf zaqkhav-anr nawq-euq ghaq bifnaeq laf-awr; Nawq-euq aqbur zaqkhav-euq zaqyo-anr bibuq-ir naeqlaf-awq.

Yoˇhaˬ 1:47

Naqdaqneqlar, Yeqsur jawr-eu gar larluf-eu gar Yeqsur ya’mawr ngae, Naqdaqneqlar-euq garkawv heulof-aer aer-eu mae, “Aqdir Irsaqleqlav tsawrhaq pyeuf-eu ghaq-anr hawsher-eq. Aqyawf-euq nuima-euq lafkhoer jaqmyawf maershuir maqanr-a.”

Gʼaˬkʼehˇ 16:1

Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.

Gʼaˬkʼehˇ 26:26

Garkawv heudeuq-anr sanqpaq Aqgirpav siqnya-eu mirnae, ngar, aqyawf-euq maeqshi nuima khaqduqni aerpeuq-eu ma. Garkawv heudeuq barzaf-anr pyeuflar-euq maqngeur-eu mirnae, aqyawf maqsiq maqmawr-euq tiqjeq-iq maqjav-a laer ngar yawduqbaw ma.

Lormav 14:14

Sanqpaq Yeqsur-euq baqda’nae aqgeu jeq maqkaq, aqyawxyawf maqshawr-eu tiqjeq-iq maqjav-a laer ngar siqnya-awr, janduq lar-euq ma. Aerkhawf, aqgeu jeq maqkaq maqshawr-a laer tsawrhaq tiqghaqnav noeq nar-aq, aqyawf-euq gharduq maqshawr-eu jeq pyeuf-eu mae.

Lormav 14:5

Tsawrhaq tiqghaqnav, heunan-aq, khoernan navmaqtser muiqdzaeq-eu mae laer taqhuiq-awr, tiqghaq nav-aq, yawqnan navluf tiqkawv mae laer noeq-eu mae. Aerkhawf, yawqghaq navluf yawqha-euq nuima-euq lafkhoer tiqbyanni janduq taq-euq jeq bijav-awq.

Lormav 15:14

Ngaq-euq aqyuif aqnyir deuq-or! Nawmaf yawmuiq jeq tiqbyanni anr-awr, siqnya-eu tsawrganr dawqtawvluf byan-eu uqtaf, tiqghaq tirghaq khawf ghaq bifnya-eu tsawrhaq mae laer ngar, nawmaf-anr yawduq baw-eu ma.

Lormav 4:21

Sarjax aertaq-euq lof-aer Miqyaer mrnya mae laer aqyawf zifdanni janduq taq-euq mae.

Lormav 8:38

Aqjeq mirnae aernar-aq, ngar heulof-aer janduq taq-euq ma. Shir-eu jeq, daef-eu jeq, mqtav ghaqkhaer, dzoeqdzaq mrluf-eu deuq, baoq jav-eu deuq, nymq-mr jav-eu jeq, aqkar javle-eu jeq,

2 Gawˇliˬtu 6:6

Nuima shawr-eu, siqnya-eu tsawrganr zmq-eu, nuinoeq ghawqmanrni noeq-eu, ghawqshaq gaq-eu, Yawshawr Saflar-anr ghoe-eu, nuima shawrjaevni gaq-eu,

1 Tiˆmoˇseˬ 1:5

Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.

1 Tiˆmoˇseˬ 4:6

Nawr, aqyuif aqnyir deuq-anr garkawv heudeuq maeqnaeq nar-aq, nawr-aq, Yeqsur Kali-euq muiq-eu kuirlaf zaqkhav pyeuf taef-a. Jan-eu jeq-anr taf-eu dawq hawr-eu muiq-eu dawqmaeq dawqtsov-anr yawmuiq-aer cantae-eu lafkhoer huiqlar taef-a.

2 Tiˆmoˇseˬ 1:12

Khoer baqda’nae, ngar khaeq-awr khav-eu heudeuq-anr ya daqluf-eu ma. Aerkhawf, ngar maq shafdawr. Aqjeq mirnae aernar-aq, ngar, aqsur ghaq-anr janluf-eu le laer ngar siqnya ma. Ngar, aqyawf-anr khar a’naeq-euq deuq, Arnan khoernan-anr keuvni, aqyawf hawlanr-awr hawpir mae laer ngar janduq taq-euq ma.

2 Tiˆmoˇseˬ 3:15

Khoeruqtaf, nawr-aq, nyir ngae nae Yawshawr Yaerbof-anr siqnya luf-eu mae. Yaerbof khoer-aq, nawr, Yeqsur Kali-anr jan-eu mirnae, kakhof-eu jeq za’nya-eu zaqsiq tsawrganr bifnya-eu mae.

HeˬByehˇ 11:13

Tsawrhaq khoerdeuq yawqghaq navluf jan-eu lafkhoer shir-euq mae. Aqyawfmaf, Miqyaer nae sarjax dzaqtaq-euq jeq-anr maqza-aq. Aerkhawf, garmanr kaq-eu gar nae khoerdeuq-anr ya’mawr-awr, aqyawfmaf mirtsaq-euq khoertav jawr ngae, yawqkhanq yawqmir yawq-euq tsawrhaq hawr-eu daqyan lof-aer taef ma laer, aqyawfmaf yawduq baw-awr hageuf-euq mae.

HeˬByehˇ 6:9

Ngar zawr gaq-eu cawqdeuq-or! Nga’maf heulof-aer aer-eu law-awr khawf, kakhof-eu jeq-anr taf-awr, nawmaf-euq gharduq muiqdzaeq-eu jeq jav taef-a laer nga’maf yawduqbaw ma.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.