2 Tiˆmoˇseˬ 1:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngar guiqlanq kharshar ngae, uqcif nan’ghanr maqaer, aqmyanluf nawq-anr noeqkeuv-awr, Miqyaer-anr jaceuq-eu ma. Aqpoeq aqbawr deuq shawrjaevni ghae-eu zaqsiq nuisiq anranr-aer, Miqyaer-euq gar mr-euq lof-aer ngar khawf mrluf-eu ma.

Akha

³ Aˇ hu ngaˬ-euˬ aˬ poeˬ aˬ bawˇ deuˬ Miˬyehˇ-euˬ guiˬ lahˬ-ahˇ ja ceuˬ-euˬ loꞈ-ehˇ, ngaˬ-euˬ siˬ nya-eu nui ma shawˇ jehˆ ni taˬ-awˇ gaˇ mˇ nehˬ luꞈ-eu Miˬyehˇ-euˬ guiˬ lahˬ-ahˇ ngaˇ ja ceuˬ-eu ma. Uˬ ciꞈ nah gʼaˇ maˬ ehˇ ngaˇ guiˬ lahˬ kʼaˇ shaˇ ngeh, nawˬ-ahˇ noeˬ keuˆ-awˇ Miˬyehˇ-euˬ guiˬ lahˬ-ahˇ ja ceuˬ-eu ma.

2 Tiˆmoˇseˬ 1:3 ပူးပေါင်းရင်းမြစ်များ

Luˇkaꞈ 2:37

Nymq-mr aqyawf 84 khof khawvlar-euq mae. Aqyawf, uqduq tanqnymr nymrma-anr taef-aer jawrjawr-aer uqcif nan’ghanr maqaer, dzardzaq sheuqsheuq-aer guiqlanq shar-awr Miqyaer-anr uqduq tanqluf-eu mae.

Gʼaˬkʼehˇ 22:3

“Ngar-aq, Girlirciv mirkhanq, Daqsuv-anr daefle-euq Yurdav tsawrhaq ma. Aerkhawf, meuq heumeuq-anr huiqlar-awr, Gaqmaqleqlar-euq aqkuir-euq dawqpae nuir-awr dzaw ngae, aqdui-euq aqpoeq deuq-euq zanrdawq dufyawrni yawmuiq-aer maeqnaeq laf-euq mae. Iqnan, nawmaf dawqtawvluf Miqyaer-euq gharduq nuima keuv duidui-eu lof-aer ngar khawf keuv-euq ma.

Gʼaˬkʼehˇ 23:1

Khoerngae, Pawrluv khavma armur-anr hawtsov taq-awr aer-eu, “Aqyuif aqnyir deuq-or! Iqnan keuvni, ngar, Miqyaer-euq maeqshi kharmr-euq jeq, zaqsiq nuisiq shawrjaevni anr-awr daefluf-eu ma.”

Gʼaˬkʼehˇ 24:14

Aerkhawf, ngar, nawq-anr dawrcoeni aerdov ma. Maqtsaq-eu baqmur laer aqyawfmaf kur-eu Yeqsur-euq Garma-anr ngar cantae luf-eu ma. Khoermirnae, ngar, ngaq-euq aqpoeq deuq-euq Miqyaer-anr uqduq tanqluf-awr, zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-euq lafkhoer khar boftaq-euq dawqtawv luf-anr khawf ngar jan-eu ma.

Gʼaˬkʼehˇ 24:16

Khoermirnae, ngar, Miqyaer hawr-eu tsawrhaq-euq maeqshi khawf, yawlaeq tiqjeq-iq maqanr-eu zaqsiq nuisiq za’ni laejae duidui luf-eu ma.

Gʼaˬkʼehˇ 26:4

“Ngar, yawzaq-anr ngae nae, ngaq-euq tsawrjeuq tsawrca-euq lafkhoer hawr-eu Yeqlursaqlaeq-euq lafkhoer, ngaq-euq daefjeq daefkawv aqjox-aer ghae-eu la laer Yurdav tsawrhaq dawqtawvluf siqnya-eu mae.

Gʼaˬkʼehˇ 27:23

Aqjeq mirnae aernar-aq, ngaq-anr uvlanr-awr, ngar uqduq tanqluf-eu Miqyaer-euq mqtav ghaqkhaer, mircif ngaq-euq dawqpae yawfle-awr,

Lormav 9:1

Ngar, Kali-euq lafkhoer jaqmyawf maqmyawfni yawtsaq yawdawr ngaeq-eu ma. Ngaq-euq zaqsiq nuisiq, Yawshawr Saflar-euq lafkhoer, ngaq-euq garkawv sarkir kamqluf-eu mae.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

Gaˬlaˬtiˆ 1:14

Ngar-aq, ngaq-euq tsawrjeuq tsawrca-euq lafkhoer, tiqcawq tiqshaev deuq navmaqtser Yurdav tsawrhaq-euq zanr-anr cantae-awr, ngaq-euq aqpoeq deuq nae tawqka lef-euq zanr-anr nuima keuv duidui-euq ma.

Eˇpeˇsu 1:16

ngar, nawmaf-euq gharduq maq naqlerni Miqyaer-anr jaceuq-eu lafkhoer, nawmaf-anr aerkeuv aerkeuv-aer guiqlanq sharluf-eu ma.

1 Teˇsaˬloˇni 3:10

Nga’maf, nawmaf-anr parya mawr-awr, nawmaf jan-eu maqbyan-eu deuq byanlarni, uqcif nan’ghanr maqaer guiqlanqshar duidui luf-eu ma.

1 Tiˆmoˇseˬ 1:19

Guirdeuvdeuv ngae, jan-eu jeq-anr hawr-eu muiq-eu zaqsiq nuisiq-anr nyaeftaeq taq-awq. Tsawrhaq tiqpavnav deuq-aq, heudeuq byaerdzae yaf-euq mirnae, lawq cawv-ir-euq lof-aer, aqyawf maf-euq jan-eu jeq cawv-ir-euq mae.

1 Tiˆmoˇseˬ 1:5

Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.

1 Tiˆmoˇseˬ 5:5

Aqdir miqcoeq miqma pyeuf-awr, yawqha tiq ghaq taef-aer jawr-eu ngeur nar-aq, Miqyaer-anr noeqtmq-eu lafkhoer, uqcif nan’ghanr guiqlanq shar-awr, maq tsaevlerni tanqshar luf-eu mae.

2 Tiˆmoˇseˬ 1:5

Nawr shawrjaevni jan-eu gar ngar noeqdov lar-euq mir-a. Nawr jan-eu heu-aq, yawbae nawqpiq Lawriv hawr-eu nawqma Urnir-euq lafkhoer anr-awr, nymq-mr nawq-euq lafkhoer khawf anr-eu gar ngar yawduq baw-eu ma.

2 Tiˆmoˇseˬ 3:15

Khoeruqtaf, nawr-aq, nyir ngae nae Yawshawr Yaerbof-anr siqnya luf-eu mae. Yaerbof khoer-aq, nawr, Yeqsur Kali-anr jan-eu mirnae, kakhof-eu jeq za’nya-eu zaqsiq tsawrganr bifnya-eu mae.

HeˬByehˇ 13:8

Yeqsur Kali-aq, mirnan, iqnan hawr-eu mqmaq maqbyav yarzir tiqkawv mae.