2 Tiˆmoˇseˬ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer daef-eu jeq za mae laer sarjax dzaqtaq-euq lof-aer maeqnaeq-awq laer Miqyaer, ngaq-anr khaer-eu mae.

Akha

¹ Miˬyehˇ nui ma tsaˬ-eu laꞈ kʼoeˇ Yeˬsuˇ Ka liˬ-euˬ gʼaˬ kʼehˇ ya geuꞈ luꞈ-awˇ, Yeˬsuˇ Ka li laꞈ kʼoeˇ aˬ dui za-euˬ saˇ jaˇ dzaˬ taˬ-euˬ dehꞈ-eu jeˬ gaˇ kawˆ bi mehˬ-eu gʼaˇ duˬ Miˬyehˇ neh bi kʼehˇ gʼeh-euˬ gʼaˬ pyeuꞈ-eu ngaˇ Pawˇluˆ,

2 Tiˆmoˇseˬ 1:1 ပူးပေါင်းရင်းမြစ်များ

Yoˇhaˬ 10:28

Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Yoˇhaˬ 6:54

Ngaq-euq shaqjir dzaq-awr, ngaq-euq shiq dawr-eu aqsur ghaq maqkaq, mqmaq maqbyav yarzir daef-eu jeq za-eu mae. Arsaqsaq ngae nan, ngar, aqyawf-anr bi ghofdaeflar ma.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

Lormav 5:21

Iqbax uvlanr-eu baqda’nae shir-eu gar bikeuv-awr, tsaq-awr dawr-eu jeq-anr ghoe-awr guiqlanq yawdzanr uvlanr-eu baqda’nae, aqdui-euq Sanqpaq Yeqsur Kali-anr ghoe-awr, mqmaq maqbyav yarzir daef-eu lafkhoer sheuqkeuv lef-eu mae.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

1 Gawˇliˬtu 1:1

Miqyaer nuima tsaq-awr, Yeqsur Kali-euq ghaqkhaer bigeuf-eu laer kurtaq-euq, Pawrluv hawr-eu maernmr Surdeq nga’nyaf,

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

2 Gawˇliˬtu 1:20

Miqyaer nae sarjax dzaqtaq-euq dawqtawvluf Kali-euq lafkhoer ngeur-eu jeq taef mae. Khoermirnae, aqdui, Miqyaer-anr ciqhuiq ciqmanr ngae, Kali-euq lafkhoer Aqmeq laer aer-eu ma.

Gaˬlaˬtiˆ 3:26

Jan-eu mirnae, nawmaf yawqghaq navluf, Yeqsur Kali-euq lafkhoer Miqyaer-euq zaq pyeuflar-euq mae.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

Eˇpeˇsu 3:6

Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

1 Tiˆmoˇseˬ 6:19

Heulof-aer janr-eu-aq, aqyawfmaf mqmaq maqbyav yarzir daef-eu jeq-anr nyaefza’ni, aqkar karzir-euq gharduq muiq-eu dawqpaeq pyeuf-eu, pyurshuir myawqganq povuiq taq-eu jeq pyeuf-eu mae.

2 Tiˆmoˇseˬ 1:10

Aerkhawf, nymq-mr-aq, aqdui-euq Kakhof-eu ghaq Yeqsur Kali dovle-euq mirnae, aqdui guiqlanq yawdzanr khoer-anr byacaevni ya’mawr-euq ma. Aqyawf guiqlanq dawq-anr ghoe-awr shir-eu jeq-anr lavbyov-awr, daef-eu jeq hawr-eu maq shirnya-eu jeq yurlef-awr byacaevni bimawr naeqlaf-euq mae.

2 Tiˆmoˇseˬ 1:13

Nawr, ngaq nae maeq-euq gar yagaq-euq jancoer paq-aer ghae-eu dawq khoer-anr daefcaw ghae-awr, Yeqsur Kali-euq lafkhoer anr-eu jan-eu jeq hawr-eu gaq-eu jeq-anr khawf zifdanni tuvtaeq taq-awq.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

2 Tiˆmoˇseˬ 2:1

Khoermirnae, ngaqli-or! Nawr, Yeqsur Kali-euq guiqlanq yawdzanr-euq lafkhoer ghaq khavlar-awq.

2 Tiˆmoˇseˬ 2:10

Khoermirnae, tserdov taq-euq tsawrhaq deuq khawf, Yeqsur Kali-euq lafkhoer anr-eu kakhof-eu jeq za’ni, ngar yawqjeq navluf-anr orluf-eu ma. Kakhof-eu jeq khoer naeq-aer tiqkawv lof-aer li-eu maqbawni zif-eu yawshaef khanqsaer khawf za taef-a.

2 Tiˆmoˇseˬ 2:3

Yeqsur Kali-euq zawr muiq-eu guirzaq lof-aer, nawr, ngaq naeq-aer khaeq-awr khav-eu jeq-anr daq-awq.

2 Tiˆmoˇseˬ 3:15

Khoeruqtaf, nawr-aq, nyir ngae nae Yawshawr Yaerbof-anr siqnya luf-eu mae. Yaerbof khoer-aq, nawr, Yeqsur Kali-anr jan-eu mirnae, kakhof-eu jeq za’nya-eu zaqsiq tsawrganr bifnya-eu mae.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

Tiˇtuˆ 1:4

Jan-eu jeq tiqgar dur-eu lafkhoer, aqdir ngaqli pyeuf-eu Tirtuv-anr sanqbof bofanr lef-eu ma. Aqda Miqyaer hawr-eu aqdui-euq Kakhof-eu ghaq Yeqsur Kali-euq guiqlanq yawdzanr hawr-eu nuisar of-eu jeq, nawq-euq khoertav jav luf-ur!

HeˬByehˇ 9:15

Heu-euq baqda’nae, tsawrhaqzaq dawqma sarjax yawbae hmq-euq lafov jawr ngae, mrbanq mrlaeq-euq deuq-anr kakhof-eu laer Yeqsur shirdan-euq mae. Miqyaer nae kurtaq-euq tsawrhaq deuq-anr sarjax dzaqtaq-euq lof-aer, mqmaq maqbyav yarzir-euq jeqbir bi za’ni, Yeqsur-aq, dawqma sarjax yawshuif-euq tsawrkaq pyeuf-eu mae.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.