2 Gawˇliˬtu 9:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawmaf aqmyanluf yawqjeq navluf javlof-awr, yawmuiq yawqjeq navluf tiqbyan tiqlof mrnya’ni, Miqyaer, nawmaf-anr guiqlanq yawdzanr dawqtawvluf tiqbyanni bifnaeq nya-eu mae.

Akha

⁸ Naw maꞈ yawˬ ha gʼaˇ duˬ kʼaˇ loˬ-eu jeˬ tiˬ byah ni jaˆ laˇ-awˇ, aˬ cawˬ-ahˇ caw ba nehˬ nya-eu gʼaˇ duˬ aˇ dzehˬ kʼawꞈ tiˬ byah ni jaˆ laˇ ni, Miˬyehˇ naw maꞈ-ahˇ guiˬ lahˬ biꞈ nehˬ nya-eu meh.

2 Gawˇliˬtu 9:8 ပူးပေါင်းရင်းမြစ်များ

Jaceuq 84:11

Aqjeq mirnae aernar-aq, Miqyaer pyeuf-eu Ya’we Miqyaer-aq, Nanrma hawr-eu daeqdaqduq pyeuf-eu mae. Ya’we Miqyaer, guiqlanq yawdzanr hawr-eu, Yawshaef khanqsaer bif-awr; Aqyawf dawrcoeni can-eu deuq-anr, Yawmuiq jeq maqbif-aer maqghae-a.

Dawqdaq 10:22

Ya’we Miqyaer-euq guiqlanq-euq baqda’nae smrmuiq muiqlar ngae, Aqyawf, nuima cawv paq-aer ghae-eu jeq maq lanqnaeq-a.

Dawqdaq 11:24

Tsawrhaq tiqghaq nav-aq, Bifdov ghae-eu khawf, javmyaq lar-eu mae. Tiqghaq nav-aq, tsawrtsir tsir paq-aer maqghae-eu gar keuvni, Tsir-eu khawf, irshaq shaq-ir-eu mae.

Dawqdaq 28:27

Irshaqzaq-anr bif-eu tsawrhaq-aq, nym-eu maqbaw-ar. Aerkhawf, yawqha-euq myavnuiv awzaf-eu tsawrhaq-aq, Yaqkhaer yaq-eu dawq, ghawqmya’ni yadaq taef-a.

Dawqdaq 3:9

Nawq-euq pyurshuir myawqganq hawr-eu, Mrkar sharkar dawqtawv luf-euq lafkhoer keuvbae baele-euq jeq nae, Ya’we Miqyaer-anr taqhuiq taqmanr-awq.

Gʼaˬkʼehˇ 9:36

Yurbeq meuq-anr Daqbirtav laer kur-eu zaqlanr pyeuf-euq zaqmiq aqbur tiq ghaq jawr-eu mae. Daqbirtav-aq, Dawkar laer aermawf-eu mae. Aqyawf aqmyanluf yawmuiq jeq mr-awr, gamfnaeq-eu tiq ghaq mae.

1 Gawˇliˬtu 15:58

Khoermirnae, ngar zawr gaq-eu aqyuif aqnyir deuq-or! Nuima zifdanni ghae-awr maqpov maq parlarni, aqmyanluf Sanqpaq Miqyaer-euq gar laejae-awr mr-eu tsawrhaq pyeuf-awq. Aqjeq mirnae aernar-aq, nawmaf nae Sanqpaq Miqyaer-euq gharduq mr-awr shar-eu jeq-aq, yawqngaef maqngeur-a laer siqnya-awq.

2 Gawˇliˬtu 13:3

Kali, ngaq-anr ghoe-awr dawq ngaeqluf-eu nga lor laer nawmaf siqduq mawf-eu mirnae, ngar, khoerlof-aer aer-eu ma. Kali, nawmaf-euq lafkhoer gar mr-eu-aq ghaq maqanr-eu maqngeur-a, nawmaf-euq lafkhoer baoq huiq-eu mae.

2 Gawˇliˬtu 8:19

Khoer taef-aer maqngeur-eu, nga’maf naeq-aer tiqkawv lof-aer aqyuif aqnyir deuq nae damq-euq pyur khoer bi shaha-ir-eu laer, Kalizaq armur deuq, maernmr heughaq-anr tserdov-awr khaertaq-euq mae. Sanqpaq Miqyaer-euq yawshaef khanqsaer dovlarni hawr-eu aqcawq-anr cawba mawf-eu nawmaf-euq nuima byacaevni bi dovlar-eu laer nga’maf gar heu mrluf-eu ma.

2 Gawˇliˬtu 8:2

Aqyawfmaf yawkhav-aer tsermr-eu shaqzanq daq-eu lafkhoer, laqkhaq caer-eu jeq byan-awr irshaqshaq duidui-eu khawf, nuima jerloni bif-awr damq-eu mae.

2 Gawˇliˬtu 8:7

Nawmaf-aq, jan-eu paw khawf, ngaeq-awr tmr-eu paw khawf, siqnya-eu paw khawf, laejae-eu paw hawr-eu nga’maf-anr gaq-eu paw khawf, mrbyan luf-eu lof-aer, guiqlanq yawdzanr-euq gar heudeuq dawqtawv luf-anr mrbyan-awq.

2 Gawˇliˬtu 9:11

Nawmaf, yawqjeq navluf-euq gharduq nuima jerloni bifnya damqnya paq-aer, yawqpaw navluf smrmuiq muiqlar taef-a. Heu-euq baqda’nae, aqcawq, Miqyaer-euq guiqlanq-anr jaceuq taef-a.

Eˇpeˇsu 2:10

Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.

Eˇpeˇsu 3:20

Aqdui-euq lafkhoer gar mrluf-eu aqyawf-euq baoq-anr ghoe-awr, aqdui sharnoeq-awr tanqshar nya-eu navmaqtser, ardzaeq paw-aer tiqbyan tiqlof mrpyeuf nya-eu Miqyaer-anr taqhuiq taqmanr kar-eur.

Piˇliˇpiˆ 4:11

Ngar tiqjeqpaq mawf-eu mirnae heulof-aer aer-eu maqngeur. Ngar aqgeu tiv-anr yajawr-eu law-awr khawf, khoertiv-euq lafkhoer nuikhanrshir nya’ni dzawtaq-euq ma.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

2 Teˇsaˬloˇni 2:17

nawmaf-anr nuima sar-eu jeq biza-eu uqtaf, yawmuiq jeq dawqtawvluf ngaeqnya tmrnya, mrnya sharnya’ni, nawmaf-anr bi ziflar luf-ur.

2 Tiˆmoˇseˬ 2:21

Tsawrhaq tiq ghaq maqtsaq maqdawr-eu khoerdeuq-anr yawqhar yawqha tsiqshawr nar-aq, yawsanr ghaq zmqnya-eu lavshawr-euq, poeq-awr lawq-eu keuka pyeuflar-awr, yawmuiq yawqjeq navluf mr-eu gharduq laeqhmqdan taq-eu jeq pyeuf-eu mae.

2 Tiˆmoˇseˬ 3:17

Miqyaer-euq tsawrhaq deuq byanlar kuflar-awr, yawmuiq yawqjeq navluf mrnya larni laeqhmq-eu gharduq mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

Tiˇtuˆ 3:14

Nawmaf yawmuiq jeq ya’mr mae laer, aqdui-euq tsawrhaq deuq-anr maeqnaeq tsovnaeq-awq. Aqyawfmaf khoerlof-aer mr nar-aq, aqyawfmaf kharmawf-eu yawqjeq navluf javlar-awr, gar maq mrdovlaf nya-eu tsawrhaq maqpyeuf-ar.

Tiˇtuˆ 3:8

Dawq heudawq-aq, jancoer ghoecoer paq-aer ghae-eu mae. Miqyaer-anr jan-eu tsawrhaq deuq, aqmyanluf yawmuiq jeq ya’mr mae laer maqya ngaerni, ngar, nawq-anr yawmuiq-aer bimaeq bi tsovmawf mir-a. Gar khoerdeuq-aq, muiq-eu gar pyeuf-eu uqtaf, tsawrhaq yawqghaq navluf-euq gharduq gardanr tsoeq-eu mae.

1 Beˬtuˆluˆ 4:10

Nawmaf, Miqyaer-euq guiqlanq yawdzanr ghawqmya jeq-anr hawpir-eu tsawrhaq lof-aer, yawqghaq navluf tiqghaq tirghaq guiqlanq pyeufni, yawqha nae zataq-euq lafsawq zmq-awq.