2 Gawˇliˬtu 9:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ngar heulof-aer aer ma: uicuiv taef-aer saeq-eu tsawrhaq-aq, uicuiv taef-aer yayaeq taef-a. Ghawqmya’ni saeq-eu tsawrhaq-aq, ghawqmya’ni yayaeq taef-a.

Akha

⁶ Ngaˇ ehˇ mawꞈ-eu-aˬ, heu loꞈ-ehˇ ma. Ui cuiˆ tehꞈ-ehˇ sehˬ-euˬ tsawˇ haˬ-aˬ, ui cuiˆ tehꞈ-ehˇ ya yehˬ tehꞈ-a. Gʼawˬ mya ni sehˬ-euˬ tsawˇ haˬ-aˬ, gʼawˬ mya ni ya yehˬ tehꞈ-a.

2 Gawˇliˬtu 9:6 ပူးပေါင်းရင်းမြစ်များ

Dawqdaq 11:18

Tsawrcawv-aq, jaqmyawf maershuir-euq gar mr-eu mae. Aerkhawf, tsaq-awr dawr-eu siqyoeq saeq-eu tsawrhaq-aq, Mrpoeq lafsawq za-eu yawduq baw-eu mae.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Dawqdaq 22:9

Nuijer jer-eu myavnuiv-aq, guiqlanq huiq-eu mae. Aqjeq mirnae aernar-aq, Aqyawf, irshaqzaq-anr aqyawf-euq kaqmur bifnaeq-eu mae.

Luˇkaꞈ 6:38

Nawmaf, aqcawq-anr bif-awq. Bif nar-aq, aqcawq khawf nawmaf-anr bifnaeqlaf taef-a. Khoeruqtaf, huiqdzaeq-eu khavpuq-anr nae daeqteur daeqteur-aer, ngawqteur ngawqteur-aer, byankhar-ir gar keuvni nawmaf-euq bawrkhanr-anr shaevanr naeqlaf taef-a. Aqjeq mirnae aernar-aq, nawmaf, aqcawq-anr paeqnaeq savnaeq-euq lof-aer, aqcawq khawf, nawmaf-anr paeqkhof savkhof naeqlaf taef-a.”

1 Gawˇliˬtu 1:12

Ngar aermawf-eu-aq, nawmaf-euq yawkaq heulof-aer aerluf-eu mae, “Ngar-aq, Pawrluv-euq tsawrhaq ma.” “Ngar-aq, Aqpawrluv-euq tsawrhaq ma.” “Ngar-aq, Geqpar-euq tsawrhaq ma.” “Ngar-aq, Kali-euq tsawrhaq ma.”

1 Gawˇliˬtu 15:20

Aerkhawf, Kali-aq, shir-euq gar nae ghofdaef lar-awr, yufkhav dzeur-euq tsawrhaq-euq lafkhoer nae siqbae baele-euq arsiq pyeuf-eu mae.

1 Gawˇliˬtu 7:29

Aqyuif aqnyir deuq-or! Ngar, nawmaf-anr heulof-aer aernaeqmawf mir-a. Ghawqmyanrni maqpar ca-eu mae. Nymq-mr nae nar-aq, miqzaq baw-eu tsawrhaq, miqzaq maqbaw-eu lof-aer daef-awq.

2 Gawˇliˬtu 9:10

Miqyaer, siqyoeq saeq-eu tsawrhaq-euq gharduq siqyoeq zanqnaeq-awr, dzaq-eu gharduq dzaqdzaq dawrdawr bifnaeq luf-ur! Aqyawf, nawmaf ka-eu gharduq, siqyoeq laeqhmq naeq-awr, nawmaf nae saeqtaq-euq siqyoeq khoer bibaw bi zale-eu uqtaf, tsaq-awr dawr-eu jeq bimyaq bi sanrlar luf-ur!

2 Gawˇliˬtu 9:5

Khoermirnae, ngar maq oekeuv-euq minav-aer, nawmaf nae damq ma laer sarjax dzaqtaq-euq lof-aer yawmuiq-aer laeqhmq dantaq nya’ni, maernmr khoerdeuq-anr ghaq bif-awr, nawmaf jawr-eu gar yabi oe nga laer ngar noeq-euq ma. Nawmaf damq ngae, nuima maqkeuv-aer yadamq-eu mirnae damq-eu jeq maqbi pyeuf-aer, nuima jerloni damq-eu jeq bipyeuf-awq.

Gaˬlaˬtiˆ 3:17

Ngar heulof-aer aermawf mir-a. Yawbae ngae nae Miqyaer nae Kali-euq lafkhoer dawqma sarjax aertaq-euq mae. 430 khof dzeur-ir-awr nae javlar-euq zanrdawq nae dawqma sarjax khoer-anr yawqngaef maqbi pyeuf-ir nya-a.

Gaˬlaˬtiˆ 5:16

Khoermirnae, ngar, heulof-aer aermawf mir-a. Nawmaf shiqshaq-euq nuikhanr-anr maqya mrcawni, muiq-eu Saflar-euq lafkhoer can-awq.

Eˇpeˇsu 4:17

Khoermirnae, ngar, Sanqpaq Miqyaer-euq maeqshi sarkir kamq-eu lafkhoer nawmaf-anr aer-eu ma. Nawmaf, aqcawq tsawrjeuq tsawrca daef-eu lof-aer taqpar daef. Aqyawf maf-euq nuinoeq nuidur-aq, tiqjeq-iq gardanr maqtsoeq-a.

Gawˇlawˇsehˇ 2:4

Aqcawq, nawmaf-anr gheupyawr lar-eu dawq ngaeqngaeq-aer maqbi shuirtawvni, ngar heulof-aer aer-eu ma.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.