2 Gawˇliˬtu 9:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqjeq mirnae aernar-aq, nawmaf, aqcawq-anr cawba mawf-eu nuima anr-eu mae laer ngar siqnya ma. Khoermirnae, ngar, Maqgeqdawrniv mirkhanq-anr jawr-eu tsawrhaq deuq-anr, nawmaf nuima keuv-eu garkawv khanqsaer jaevluf-eu ma. Aqgaqyar mirkhanq-anr jawr-eu deuq laeqhmqdan taq-euq tiq khof byanlar-euq mae laer, ngar, aqyawf maf-anr aernaeq-euq ma. Nawmaf laejae duidui luf-eu baqda’nae, aqyawfmaf myaqni tiqpav-aq, mrmawf-eu nuima anrlar-euq mae.

Akha

² Naw maꞈ caw ba mawꞈ-eu nui ma ahˇ meh lehˇ ngaˇ siˬ nya-awˇ, Maˬgeˬdawˇniˆˆ miˇ kʼahˬ-ahˇ jawˇ-eu Ka li zaˬ deuˬ-ahˇ naw maꞈ-euˬ gaˇ kawˆ ngaˇ kʼahˬ sehˇ jehˆ mehˬ gʼaˬ-euˬ ma. “Aˬgaˬyaˇ miˇ kʼahˬ-ahˇ jawˇ-eu Ka li zaˬ deuˬ-aˬ, miˇ nui kʼoꞈ ba neh caw ba nehˬ-eu gʼaˇ duˬ lehˬ hmˬ dah taˬ-euˬ meh” lehˇ ngaˇ ehˇ nehˬ-euˬ ma. Naw maꞈ nui ma keuˆ-eu gaˇ kawˆ ya gaˬ ngeh, aˬ yawꞈ maꞈ dawˬ tawˆ luꞈ ehˇ gʼaˬ ni nui ma keuˆ laˇ-euˬ meh.

2 Gawˇliˬtu 9:2 ပူးပေါင်းရင်းမြစ်များ

Gʼaˬkʼehˇ 18:12

Aqgaqyar mirkhanq-anr Gaqliqoq sanrmrluf ngae, Yurdav tsawrhaq nuima tiqgar gm-awr, Pawrluv-anr muirni turlar-awr, aqyawf-anr yarkhaq dar-eu nuirmanq-anr sheughae-awr,

Gʼaˬkʼehˇ 24:17

“Heumyav khof dzeur-ir-euq nar-aq, ngar, ngaq-euq tsawrjeuq tsawrca-euq shaqzaq-anr cawba-eu gharduq gamfnaeq-eu jeq hawr-eu lawrnaeq-eu jeq shaha ler-euq ma.

Lormav 15:26

Aqjeq mirnae aernar-aq, Maqgeqdawrniv mirkhanq hawr-eu Aqgaqyar mirkhanq-anr jawr-eu tsawrshawr deuq, Yeqlursaqlaeq-anr jawr-eu tsawrshawr deuq-euq lafkhoer irshaqzaq deuq-euq gharduq, pyur damq-awr cawba-eu gar nuikhanr shir-eu mae.

1 Gawˇliˬtu 16:15

Aqyuif aqnyir deuq-or! Ngar, nawmaf-anr shar ma. Saqteqpaqna paeqzaq-aq, Aqgaqyar-euq lafkhoer siqbae baele-euq arsiq pyeuf-awr, tsawrshawr deuq-euq guiqlanq-euq gar mr-eu laer, aqyawf maf-euq mawrdo a’naeq taq-euq garkawv nawmaf siqnya mae.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

2 Gawˇliˬtu 7:14

Ngar maq shafdawrni Tirtuv-euq maeqshi, nawmaf-euq garkawv khanqsaer jaev-euq ma. Nga’maf, nawmaf-anr yawqdawq navluf dawrcoeni ngaeqnaeq-euq lof-aer, Tirtuv-euq maeqshi ngaq nae nawmaf-euq garkawv khanqsaer jaev-euq-aq tsaq duidui-eu mae.

2 Gawˇliˬtu 7:4

Ngar nuima khaqduqni nawmaf-anr ngaeqnaeq-eu ma. Ngar, nawmaf-euq baqda’nae khanqsaer jaevnya-awr, nuima sar-eu jeq byan mir-a. Nga’maf shaq-awr zanq-eu dawqtawv luf-euq lafkhoer khawf, ngar laqkhaqcaer duidui mir-a.

2 Gawˇliˬtu 8:10

Ngar, garkawv heukawv-anr taf-eu, ngaq-euq nuinoeq nawmaf-anr heulof-aer aernaeq-eu ma. Heu-aq, nawmaf-euq gharduq yawmuiq mae. Aqjeq mirnae aernar-aq, nawmaf gar heuhmq mrmawf-awr, mirnuivkhof nae mrdanq baetaq-euq mae.

2 Gawˇliˬtu 8:11

Nymq-mr nawmaf gar heuhmq mrluiv-awq. Nawmaf mrmawf-eu nuima anr-awr danlar taq-euq mae. Khoermirnae, nawmaf jav-awr khar ghaenya-eu lof-aer mrluiv-awq.

2 Gawˇliˬtu 8:19

Khoer taef-aer maqngeur-eu, nga’maf naeq-aer tiqkawv lof-aer aqyuif aqnyir deuq nae damq-euq pyur khoer bi shaha-ir-eu laer, Kalizaq armur deuq, maernmr heughaq-anr tserdov-awr khaertaq-euq mae. Sanqpaq Miqyaer-euq yawshaef khanqsaer dovlarni hawr-eu aqcawq-anr cawba mawf-eu nawmaf-euq nuima byacaevni bi dovlar-eu laer nga’maf gar heu mrluf-eu ma.

2 Gawˇliˬtu 8:24

Khoermirnae, nawmaf gaq-eu nuima anr-eu garkawv hawr-eu nga’maf, nawmaf-anr japoeq-euq khoer tsaq ngar-a laer aqyawfmaf mawrnya’ni, Kalizaq armur-euq maeqshi bi dovlar-awq.

2 Gawˇliˬtu 8:8

Ngar heulof-aer aer-eu-aq, nawmaf-anr dawq bif-eu maqngeur. Aerkhawf, aqcawq laejae-eu garkawv ja’naeq-awr, nawmaf shawrjaevni gaq-eu jeq-anr tsermr-eu jeq pyeuf-eu ma.

1 Teˇsaˬloˇni 1:7

Khoermirnae, nawmaf-aq, Maqgeqdawrniv hawr-eu Aqgaqyar mirkhanq-anr jawr-eu Kali-anr jan-eu tsawrhaq dawqtawv luf-euq gharduq, hawgeufduq pyeuflar-euq mae.

HeˬByehˇ 10:24

Khoeruqtaf, gaq-eu jeq myaqlar-awr yawmuiq jeq mrni, aqdui tiqghaq tirghaq-euq gharduq sharnoeq-awr lavnoeq lavzor kar-eur.