2 Gawˇliˬtu 9:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Miqyaer, siqyoeq saeq-eu tsawrhaq-euq gharduq siqyoeq zanqnaeq-awr, dzaq-eu gharduq dzaqdzaq dawrdawr bifnaeq luf-ur! Aqyawf, nawmaf ka-eu gharduq, siqyoeq laeqhmq naeq-awr, nawmaf nae saeqtaq-euq siqyoeq khoer bibaw bi zale-eu uqtaf, tsaq-awr dawr-eu jeq bimyaq bi sanrlar luf-ur!

Akha

¹⁰ Ka-eu gʼaˇ duˬ siˬ yoeˬ hawˇ-eu dzaˬ-eu gʼaˇ duˬ kaˬ muˇ biꞈ-eu Miˬyehˇ-aˬ, naw maꞈ damˬ-eu jeˬ-ahˇ taꞈ leˇ-eu loˬ-eu siˬ yoeˬ nuiˆ yoeˬ dawˬ tawˆ luꞈ biꞈ nehˬ laꞈ-eu uˬ taꞈ, naw maꞈ nui ma keuˆ-awˇ damˬ-eu jeˬ siˬ le loˆ le-awˇ gʼawˬ mya ni za laˇ ni caw ba tehꞈ-a.

2 Gawˇliˬtu 9:10 ပူးပေါင်းရင်းမြစ်များ

2 Gawˇliˬtu 9:6

Ngar heulof-aer aer ma: uicuiv taef-aer saeq-eu tsawrhaq-aq, uicuiv taef-aer yayaeq taef-a. Ghawqmya’ni saeq-eu tsawrhaq-aq, ghawqmya’ni yayaeq taef-a.

Piˇliˇpiˆ 4:17

Ngar lafsawq za’ni sharpov-eu maqngeur. Aerkhawf, nawmaf-euq jeqma-anr jirjeuq bijeuq larni sharpov luf-eu ma.

Dawqdaq 11:18

Tsawrcawv-aq, jaqmyawf maershuir-euq gar mr-eu mae. Aerkhawf, tsaq-awr dawr-eu siqyoeq saeq-eu tsawrhaq-aq, Mrpoeq lafsawq za-eu yawduq baw-eu mae.

1 Teˇsaˬloˇni 3:12

Nga’maf, nawmaf-anr gaq-eu lof-aer, nawmaf tiqghaq tirghaq gaq-awr, tsawrhaq dawqtawv luf-anr khawf gaqnya larni, Sanqpaq Yeqsur, nawmaf-euq lafkhoer gaq-eu jeq bi myaqlar bi byanlar luf-ur.

Maꞈtehˬ 6:1

“Nawmaf bifnaeq gamfnaeq ngae, tsawrhaq bimawr-eu laer dirdaq-aer aqcawq-euq maeqshi mr-eu jeq maqbi pyeufni yanr-awq. Khoerlof-aer mr nar-aq, mq-euq khoertav jawr-eu nawmaf-euq Aqda-euq mrpoeq lafsawq maqza-a.

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Eˇpeˇsu 5:9

(Aqjeq mirnae aernar-aq, muiq-eu Saflar-euq arsiq-aq, tsaq-awr dawr-eu jeq, yawtsaq yawdawr jeq hawr-eu yawmuiq jeq dawqtawv luf-euq lafkhoer anr-eu mae).

1 Teˇsaˬloˇni 4:10

Aqdir aernar-aq, nawmaf, Maqgeqdawrniv mirkhanq doeni jawr-eu aqyuif aqnyir yawqghaq navluf-anr gaqluf-eu mae. Aerkhawf, aqyuif aqnyir deuq-or! Khoernav maqtser gaqdzaeq lar-awq laer nga’maf, nawmaf-anr shar-eu ma.

2 Gawˇliˬtu 9:12

Aqjeq mirnae aernar-aq, guiqlanq-euq gar heu-aq, tsawrshawr deuq mawf-eu jeq-anr cawba-eu taef-aer maqngeur-eu, tsawrhaq ghawqmya’ni Miqyaer-euq guiqlanq-anr jaceuq duidui-eu jeq khawf dovlar-eu mae.

Gaˬlaˬtiˆ 3:5

Khoeruqtaf, Miqyaer, nawmaf-anr Yawshawr Saflar bifnaeq lef-awr, nawmaf-euq lafkhoer khavjeq-aer ghae-eu jeq janrdov laf-eu-aq, nawmaf zanrdawq-euq maeqnan cantae-euq mirnae-a lor? Maqngeur nar-aq, nawmaf guiqlanqdawq yagaq-awr jan-euq mirnae-a laq?