2 Gawˇliˬtu 9:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Tsawrshawr deuq-anr guiqlanq janrnaeq-eu garkawv, ngar, nawmaf-anr sanqbof maq bofanrlef khawf geufnya-eu mae.

Akha

¹ Yuˇdaˆ miˇ kʼahˬ-ahˇ jawˇ-eu Miˬyehˇ-euˬ tsawˇ haˬ deuˬ-ahˇ caw ba-eu pyuˇ daˬ gaˇ kawˆ naw maꞈ-ahˇ ngaˇ sahˬ boꞈ boꞈ nehˬ-eu maˬ paˇ loˬ meh.

2 Gawˇliˬtu 9:1 ပူးပေါင်းရင်းမြစ်များ

Jaceuq 45:1

Ngaq-euq nuima, garkawv yawmuiq byankhar luf-awr; Ngaq nae bof-euq Sanqpaq-anr taf-eu garkawv dzawrluf ngae; Ngaq-euq maeqlar-aq, sanqbof zawr bofnya-eu tiq ghaq-euq sanqdur ma.

Maꞈtehˬ 22:31

Shir-euq tsawrhaq ghofdaef lar-eu garkawv-anr tafler-awr nae, Miqyaer, nawmaf-anr aertaq-euq dawq-anr maq guihaw-aq lor?

Gʼaˬkʼehˇ 24:17

“Heumyav khof dzeur-ir-euq nar-aq, ngar, ngaq-euq tsawrjeuq tsawrca-euq shaqzaq-anr cawba-eu gharduq gamfnaeq-eu jeq hawr-eu lawrnaeq-eu jeq shaha ler-euq ma.

Lormav 11:28

Guiqlanqdawq pawdzer nae aerlef nar-aq, nawmaf guiqlanq za’ni, aqyawfmaf, muir-eu tsawrhaq pyeuf-eu mae. Aerkhawf, tserdov-euq pawdzer nae aerlef nar-aq, aqyawf maf-euq aqpoeq deuq-euq baqda’nae, Miqyaer zawr gaq-euq tsawrhaq pyeuf-eu mae.

Lormav 12:13

Tsawrshawr mawf-eu jeq-anr cawba naeq-awq. Aqcawq-anr hageuf mawf-eu nuima anr-awq.

Lormav 15:31

Yurdav mirkhanq-euq lafkhoer jawr-eu, maqjan-eu tsawrhaq deuq-euq aqlaf-anr nae ngar yabuq-ir ni sharcaw naeqlaf-awq. Yeqlursaqlaeq-anr jawr-eu tsawrshawr deuq, ngaq nae gar mr-euq gar hageufni khawf sharcaw naeqlaf-awq.

Gaˬlaˬtiˆ 2:10

Aqyawfmaf, nga’maf-anr irshaqzaq-anr noeqkeuv de-eq laer shar-eu mae. Khoerlof-aer janr-eu-aq, ngar khawf nuima keuv-eu tiqjeq pyeuf-eu ma.

Gaˬlaˬtiˆ 6:10

Khoeruqtaf, aqdui khar yaeflar ngae, tsawrhaq dawqtawv luf-anr yawmuiq jeq mrnaeq kar-eur. Aqcawq-anr navmaqtser, jan-eu nymrkhanq-euq lafkhoer mrnaeq-eu tsaq mae.

1 Teˇsaˬloˇni 5:1

Aqyuif aqnyir deuq-or! Aryamq arlaw hawr-eu arkhof arla-euq garkawv, nawmaf-anr sanqbof bofanr lef-eu laer maqya ghae-ar.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.