2 Gawˇliˬtu 8:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

Akha

⁹ Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

2 Gawˇliˬtu 8:9 ပူးပေါင်းရင်းမြစ်များ

Maꞈtehˬ 17:27

Aerkhawf, khoerlof-aer janr nar-aq, aqyawfmaf sanqtif tif-eu jeq nga. Khoermirnae, nawr, lan-anr ir-awr ngaqjuif juif-ir-awq. Juifmi baebae-euq ngaqshaq khoermawr-anr nyaef-awr, khaqmae ngawqnga ngae, pyur tiq byav anr-eu gar ya’mawr taef-a. Pyur khoerbyav yur-awr, arnyaf-euq gharduq, aqyawf maf-anr jeq dovler-awq.”

Maꞈtehˬ 20:28

Aqjeq mirnae aernar-aq, Tsawrhaq-euq Zaqyo-aq, aqcawq-anr yawqha-euq kuirlaf bigeuf-eu laer oe-euq maqngeur-eu. Aqcawq-euq kuirlaf geuf-awr, tsawrhaq ghawqmya ni-euq gharduq yawqha-euq daefzir bif-awr kakhof-eu laer oe-euq mae.”

Maꞈtehˬ 8:20

Khoer-anr Yeqsur aernaeq-eu, “Byaqhir-aq, khaeqbanq baw-awr, mqtav zaw-eu arjir khawf banq jav-eu mae. Aerkhawf, Tsawrhaq-euq Zaqyo-aq, uqduq bafdarduq khawf maqjav.”

Maˬkuˆ 6:3

Aqyawf, lafmyawq lafsawv nya-eu khoerghaq maqngeur-a laq? Aqyawf, Maqliv-euq zaqyo, Yaqkov, Yorsaev, Yurdav hawr-eu Sirmoq, aqha maernmr-euq ardov dovsaq ghaq maqngeur-a lor? Aqyawf-euq dmrma deuq khawf heugar aqdui naeq-aer jawrluf-eu maqngeur-a laq?” Aqyawfmaf, aqyawf-anr nuima maqsar-a.

Luˇkaꞈ 16:11

Nawmaf maqtsaq maqdawr-eu pyurshuir myawqganq zmq ngae, sarjax maqzif nar-aq, aqsur ghaq nawmaf-anr aqdir aqmar zif-awr gmq-eu jeq a’naeqpeuq nmr-mq?

Luˇkaꞈ 2:7

huqbaw zaqyo baw-awr, builoq loq-awr nae jeqdzar khawrlawq-euq lafkhoer ciqyuf taq-euq mae. Aqjeq mirnae aernar-aq, daqyan yafduq-anr yafkhar maqza-a.

Luˇkaꞈ 8:3

Heqlor-euq myawqganq-anr hawpir-eu Kursav-euq nymrdanq Yorhaqna, Sursaqnav hawr-eu zaqmiq aqbur nuideuq ghawqmya ghaq, aqyawf naeq-aer ir-euq mae. Zaqmiq aqbur heudeuq-aq, yawqha-euq pyurshuir myawqganq zmqzmq-aer, Yeqsur hawr-eu ghaqkhaer deuq-anr ngaeqghae danteq naeq-euq mae.

Luˇkaꞈ 9:58

Khoerngae, Yeqsur aer-eu, “Byaqhir-aq, khaeqbanq baw-awr, mqtav zaw-eu arjir khawf banq jav-eu mae. Aerkhawf, Tsawrhaq-euq Zaqyo-aq, uqduq bafdarkhar khawf maqza.”

Yoˇhaˬ 1:10

Aqyawf, mirtsaq-euq khoertav jawr-eu mae. Mirtsaq heusiq aqyawf-anr ghoe-awr baetaq-euq khawf mirtsaqzaq, aqyawf-anr maq siqnya-a.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Yoˇhaˬ 12:30

Yeqsur heulof-aer aerkhof naeq-euq mae; “Tersar khoer-aq, ngaq-euq gharduq maqngeur-a, nawmaf-euq gharduq mae.

Yoˇhaˬ 16:15

Aqda kharjav-eu dawqtawvluf ngaq-euq ma. Khoermirnae, aqyawf, ngaq-anr taf-eu deuq yur-awr nawmaf-anr dzawrnaeqlaf taef-a laer ngar, nawmaf-anr aernaeq-eu ma.”

Yoˇhaˬ 17:19

Aqyawfmaf yawtsaq yawdawr nae bi lavshawrni, aqyawf maf-euq gharduq, ngar, yawqhar yawqha lavshawr-euq ma.

Lormav 11:12

Irsaqleqlav tsawrhaq coq-ir-euq khoer, mirtsaqzaq-anr bi sanrlar-awr, aqyawfmaf nae laeq-ir-euq khoer, aqcawq tsawrjeuq tsawrca-anr bi sanrlar-eu ngeur nar-aq, aqyawfmaf dawqtawvluf kakhof-eu jeq za lawnmr-aq, ngeurdzaeq arnavni par sanrlar-eu paq nga!

Lormav 15:3

Aqjeq mirnae aernar-aq, Kali khawf yawqha nuikhanr shirni maqmr-aq. Yaerbof-euq lafkhoer boftaq-euq lof-aer, “Aqcawq, nawq-anr yaeqbawq-aer aer-euq, Dawq khoerdeuq dawqtawvluf, ngaq-anr gadavle taq-euq mae.” (Jc 69:9)

Lormav 5:8

Aerkhawf, Miqyaer, aqdui-anr gaq-eu byacaevni bi mawrlar-eu laer aqdui, iqbaxzaq pyeufluf ngae, Kali, aqdui-euq gharduq shirdan-euq mae.

Lormav 8:32

Miqyaer cirkhof maqkhof-aer aqyawf-euq Zaqyo khawfni, aqdui dawqtawv luf-euq gharduq bifnaeq lef-euq ngeur nar-aq, aqyawf-euq Zaqyo naeq-aer tiqkawv lof-aer aqyawf kharjav-eu yawqjeq navluf, aqdui-anr yawqngaef-aer bifnaeq lef-eu maqngeur-ar lor?

1 Gawˇliˬtu 1:4

Ngar, nawmaf-euq baqda’nae aqmyanluf ngaq-euq Miqyaer-anr jaceuq luf-eu ma. Aqjeq mirnae aernar-aq, Yeqsur Kali-euq baqda’nae nawmaf, Miqyaer-euq guiqlanq yawdzanr za-euq mae.

1 Gawˇliˬtu 15:47

Yawbae ghaq-aq, mirtsaq shaqjaev-anr nae pyeufdov lar-awr mirtsaq-anr taf-eu mae. Nyiq ghaq tiqghaq-aq, mq-anr nae oe-euq mae.

2 Gawˇliˬtu 13:14

Sanqpaq Yeqsur Kali-euq guiqlanq yawdzanr, Miqyaer-euq gaq-eu jeq hawr-eu Yawshawr Saflar-euq lafkhoer cawq cawqtaf-eu jeq, nawmaf yawqghaq navluf-euq khoertav jav luf-ur. Aqmeq.

2 Gawˇliˬtu 6:10

Noeqshaq-eu gar dur-eu khawf, aqmyanluf laqkhaqcaer luf-eu ma. Irshaq shaq-eu tsawrhaq-anr dur-eu khawf, tsawrhaq ghawqmya ni-anr smrmuiq bi muiqlar-eu ma. Tiqjeq-iq maqjav-eu gar dur-eu khawf, yawqjeq navluf jav-eu tsawrhaq ma.

Eˇpeˇsu 2:7

Yeqsur Kali-euq lafkhoer, aqyawf, aqdui-anr ghawqshaq gaqnaeq laf-awr, aqyawf-euq guiqlanq yawdzanr arnavni sanr-eu nga laer, aqkar keuvle-eu zir-anr bisiq bimawr-eu laer, Miqyaer khoerlof-aer janrnaeq laf-euq mae.

Eˇpeˇsu 3:19

Khoeruqtaf, tsawrhaqzaq-euq siqnya-eu tsawrganr taf-aer dzaeq-eu, Kali-euq gaq-eu jeq-anr nawmaf siqnya lar-awr, Miqyaer-euq lafkhoer byan-eu yawqjeq navluf, nawmaf-euq lafkhoer bi byanlar law.

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

1 Tiˆmoˇseˬ 6:18

Yawmuiq jeq mr-awr, muiq-eu gar ghawqmya jeq mr-eu uqtaf, nuima keuv-awr bif-eu taef-aer maqngeur-eu, tsawrtsir maqtsirni cawba naeq-awq.”

HeˬByehˇ 1:2

Arsaq saq-eu arnan aryamq heu-anr-aq, aqyawf-euq Zaqyo-anr ghoe-awr, aqdui-anr ngaeqcawq-euq mae. Dawqtawvluf, aqyawf-euq jeqbir bipyeuf-eu laer, Miqyaer, aqyawf-anr tsaqtsov-awr, Miqyaer, aqyawf-anr ghoe-awr, mq hawr-eu mir-anr baetaq-euq mae.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Panmaeq 2:9

“Ngar, nawq nae mr-euq jeq, khaeq-awr khav-eu gar yadaq-euq hawr-eu irshaq shaqluf-eu siqnya ma (aqdir aernar-aq, nawr-aq, smrmuiq smrbaw mae). Yurdav tsawrhaq maqngeur-eu gar, Yurdav tsawrhaq ma laer aer-eu tsawrhaq khoerdeuq, yaeqbawq saerlu-aer ngaeq-eu gar khawf ngar siqnya ma. Aqyawf maf-aq, naef Saqdaq-euq zanrdawq khawqnymr mae.

Panmaeq 21:7

Ghaqler-euq tsawrhaq-aq, jeqbir dawqtawvluf za taef-a. Ngar, aqyawf-euq Miqyaer pyeuf-awr, aqyawf, ngaq-euq zaq pyeuf taef-a.

Panmaeq 3:18

Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.