2 Gawˇliˬtu 8:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawmaf-aq, jan-eu paw khawf, ngaeq-awr tmr-eu paw khawf, siqnya-eu paw khawf, laejae-eu paw hawr-eu nga’maf-anr gaq-eu paw khawf, mrbyan luf-eu lof-aer, guiqlanq yawdzanr-euq gar heudeuq dawqtawv luf-anr mrbyan-awq.

Akha

⁷ Naw maꞈ-aˬ, yawˬ paw na luꞈ maˬ gaˇ dui dui-eu meh. Jah-eu paw maˬ ehˇ, ngehˬ-eu tmˇ-eu paw maˬ ehˇ, zaˬ siˬ tsawˇ gahˇ paw naˬ ehˇ, caw ba nehˬ mawꞈ-eu nui ma ahˇ-eu paw maˬ ehˇ, nga maꞈ-ahˇ gʼoeˇ-eu gaˬ-eu paw maˬ ehˇ, maˬ gaˇ dzehˬ-eu meh. Kʼoeˇ miˇ neh, gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ laꞈ kʼoeˇ kʼawꞈ, nui ma keuˆ-awˇ bi damˬ mawꞈ-eu ma.

2 Gawˇliˬtu 8:7 ပူးပေါင်းရင်းမြစ်များ

Maꞈtehˬ 25:22

Pyur 2,000 byav za-euq khoerghaq khawf lar-awr aer-eu, ‘Sanqpaq-or! Nawr, ngaq-anr pyur 2,000 byav biftaq yaf-euq mae. Hawsher-eq, ngar 2,000 byav gafjeuq-euq ma.’

Lormav 15:14

Ngaq-euq aqyuif aqnyir deuq-or! Nawmaf yawmuiq jeq tiqbyanni anr-awr, siqnya-eu tsawrganr dawqtawvluf byan-eu uqtaf, tiqghaq tirghaq khawf ghaq bifnya-eu tsawrhaq mae laer ngar, nawmaf-anr yawduq baw-eu ma.

1 Gawˇliˬtu 1:5

Nawmaf, aqyawf-euq lafkhoer yawqjeq navluf javlar-awr sanrlar-euq mae. Dawq kharngaeq-eu bymlar-awr, siqnya-eu tsawrganr yawqjeq navluf khawf sanrlar-euq mae.

1 Gawˇliˬtu 12:13

Yurdav tsawrhaq hawr-eu Heqlaqsar tsawrhaq maqaer, zaqkhav hawr-eu buq-ir-euq tsawrhaq maqaer, aqdui dawqtawvluf mawrdo tiq do taef-aer pyeuflarni, muiq-eu Saflar tiq ghaq-euq lafkhoer taef-aer bartirsaq hageuf-awr, muiq-eu Saflar tiq ghaq-anr taef-aer dawrluf-eu ma.

1 Gawˇliˬtu 12:8

Muiq-eu Saflar-aq, tiq ghaq-anr zaqsiq tsawrganr-euq dawq bif-awr, muiq-eu Saflar heughaq, tiq ghaq-anr-aq, siqnya-eu tsawrganr-euq dawq bif-eu mae.

1 Gawˇliˬtu 13:2

Ngar, Miqyaer gharduq ngaeqdan-eu lafsawq za-awr, Miqyaer nae zaftaq-euq dawqtawvluf ghovshaw nya-eu uqtaf, yawqjeq navluf-anr siqnya-eu tsawrganr anr-awr, gawqjawq-anr bijiv-ir nya’ni jan-eu nuima tiqbyan anr-eu khawf, gaq-eu jeq maqanr nar-aq, ngar-aq, tiqjeq-iq gardanr maqtsoeq-a.

1 Gawˇliˬtu 13:8

Gaq-eu jeq-aq, byov-ir-eu maqbaw-a. Aerkhawf, tiq nan, Miqyaer gharduq ngaeqdan-eu jeq byov-ir-awr, dawqbav bav-eu, naq-ir-eu baw-eu uqtaf, siqnya-eu tsawrganr khawf maqjav-aer pyeuf-ir taef-a.

1 Gawˇliˬtu 14:12

Khoerlof-aer durni, nawmaf khawf saflar paw-euq lafsawq za’mawf-awr, nuima keuv-awr sharpovluf ngae, Kalizaq armur-anr bihuiq bi manrlar nya-eu lafsawq deuq-anr yawmuiq-aer zmqnya larni laejae-awq.

1 Gawˇliˬtu 4:7

Aqsur ghaq nae nawmaf-anr bi beugar lar-euq la? Nawr bifnaeq laf-eu gar za-euq maqngeur-eu aqjeq jav-eu le? Nawr aqdir bifnaeq laf-eu gar za-euq ngeur nar-aq, maqngeur-eu lof-aer aqjeq mirnae nuima huiqluf-eu le?

2 Gawˇliˬtu 7:7

Tirtuv larkeuv-euq mirnae taef-aer nuima sarlar-euq maqngeur-aer, aqyawf, nawmaf naeq-aer jawr ngae nuima sarlar-euq mirnae, nga’maf khawf nuima sarlar-euq mir-a. Nawmaf, ngaq-anr mawrmawf duidui-eu, nawmaf tsawrngoer ngoerluf-eu hawr-eu nawmaf, ngaq-anr nuima keuv duidui-eu garkawv heudeuq, aqyawf, ja’naeq laf-euq mirnae ngar laqkhaq caerdzaeq lar-euq mir-a.

2 Gawˇliˬtu 8:6

Tirtuv nae guiqlanq yawdzanr-euq gar heu mrdanq bae-euq lof-aer, nawmaf-euq ghanrcae khawf mrluiv-awq laer nga’maf, aqyawf-anr shar-euq ma.

2 Gawˇliˬtu 9:14

Miqyaer-euq guiqlanq yawdzanr nawmaf-euq lafkhoer jav-eu myaq duidui-eu mirnae, aqyawfmaf, nawmaf-anr mawrmawf duidui-awr, nawmaf-euq gharduq guiqlanqshar taef-a.

2 Gawˇliˬtu 9:8

Nawmaf aqmyanluf yawqjeq navluf javlof-awr, yawmuiq yawqjeq navluf tiqbyan tiqlof mrnya’ni, Miqyaer, nawmaf-anr guiqlanq yawdzanr dawqtawvluf tiqbyanni bifnaeq nya-eu mae.

Eˇpeˇsu 4:29

Nawmaf-euq khaqmae-anr nae dawqdoer taqbi dovle. Yagaq-eu tsawrhaq guiqlanq yawdzanr za’ni, huiqlar manrlar-eu gar gardanr tsoeq-eu dawqmuiq ngaeq-awq.

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Piˇliˇpiˆ 1:9

Ngar heulof-aer guiqlanq sharluf-eu ma: nawmaf siqnya-eu tsawrganr hawr-eu yawqjeq navluf tserpav birpav nya-eu lafkhoer, nawmaf-euq gaq-eu jeq tiqjawr sair tiqjawr myaqlar-awr,

2 Teˇsaˬloˇni 1:3

Aqyuif aqnyir deuq-or! Nga’maf, aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, nawmaf jan-eu jeq huiqlar myaqlar duidui luf-awr, nawmaf yawqghaq navluf tiqghaq tirghaq gaq-eu jeq myaqlar duidui luf-eu mirnae, nga’maf khoerlof-aer jaceuq-eu-aq tsaq mae.

2 Tiˆmoˇseˬ 2:1

Khoermirnae, ngaqli-or! Nawr, Yeqsur Kali-euq guiqlanq yawdzanr-euq lafkhoer ghaq khavlar-awq.

HeˬByehˇ 12:28

Aqdui maq gheunyae nya-eu uvlanr-eu jeq zataq-euq mirnae, Miqyaer-euq guiqlanq yawdzanr-anr hageuf-awr, yawzeu baw-awr guv-eu lafkhoer, Miqyaer nuima tsaq-eu lof-aer aqyawf-euq gar mr kar-eur.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

Panmaeq 3:17

Nawr aer-eu, ‘Ngar-aq, smrmuiq smrbaw ma. Pyurshuir myawqganq javganq-awr, tiqjeq-iq maqnym.’ Aerkhawf, nawr-aq, shaqdui zanq duidui-awr ghawqshaq gaqlar paq-aer ghae-eu, irshaq irkov pyeuf-awr, myavbaef baef-eu uqtaf, nermyawvni ghae-eu gar nawr maq siqnya-a.