2 Gawˇliˬtu 8:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawfmaf, tsawrshawr deuq-anr cawq cawq-eu gharduq guiqlanq pyeufnaeq-eu lafsawq hageuf naeqlaf laer, nga’maf-anr shar duidui-eu mae.

Akha

⁴ Yuˇdaˆ miˇ kʼahˬ-ahˇ jawˇ-eu Miˬyehˇ-euˬ tsawˇ haˬ-ahˇ caw ba nehˬ-eu gʼaˇ duˬ bi damˬ nehˬ laꞈ lehˇ nga maꞈ-ahˇ shaˇ-eu meh.

2 Gawˇliˬtu 8:4 ပူးပေါင်းရင်းမြစ်များ

Maꞈtehˬ 10:42

Ngar, nawmaf-anr aqdirma-aer aernaeq nyar, aqsur ghaq maqkaq, aqcawq taf-aer nyirdzaeq-eu ngaq-euq zaqlanr tiq ghaq-anr ircuf yawtsaef tiq khmq bidawr-euq taef khawf, khoerghaq-aq, guiqlanq maqza-aer maqghae-ar.”

Maꞈtehˬ 12:50

Mq-euq khoertav jawr-eu ngaqDa nuima tsaqni kharmr-eu tsawrhaq-aq, ngaq-euq maernmr, ngaq-euq dmrma hawr-eu ngaq-euq aqma mae.”

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Maˬkuˆ 14:7

Aqjeq mirnae aernar-aq, shaqzaq zanqzaq deuq, nawmaf naeq-aer aqmyanluf jawr taef-a. Nawmaf janrmawf nar-aq, aqgeu ngae khawf aqyawf maf-anr yawmuiq jeq janrnaeqnya taef-a. Aerkhawf, ngar, nawmaf naeq-aer aqmyanluf jawr-eu maqngeur.

Gʼaˬkʼehˇ 11:29

Khoerngae, zaqlanr deuq yawqha khar ghaenya-eu lof-aer, Yurdav mirkhanq-anr jawr-eu aqyuif aqnyir deuq-anr cawba-eu pyur shaghae ma laer noeqtsaev taq-euq mae.

Gʼaˬkʼehˇ 16:15

Khoernar-aq, aqyawf hawr-eu aqyawf-euq nymrkhanq-euq zaq dawqtawvluf bartirsaq hageuf-euq mae. Khoerngae, aqyawf shar-eu, “Ngar, Sanqpaq Miqyaer-anr sarjax zif-eu nga laer nawmaf noeq-eu ngeur nar-aq, ngaq-euq nymr-anr davlar-awr yaflar-awq.” Khoermirnae, aqyawf, nga’maf-anr cawqza nya-euq mae.

Gʼaˬkʼehˇ 24:17

“Heumyav khof dzeur-ir-euq nar-aq, ngar, ngaq-euq tsawrjeuq tsawrca-euq shaqzaq-anr cawba-eu gharduq gamfnaeq-eu jeq hawr-eu lawrnaeq-eu jeq shaha ler-euq ma.

Lormav 15:31

Yurdav mirkhanq-euq lafkhoer jawr-eu, maqjan-eu tsawrhaq deuq-euq aqlaf-anr nae ngar yabuq-ir ni sharcaw naeqlaf-awq. Yeqlursaqlaeq-anr jawr-eu tsawrshawr deuq, ngaq nae gar mr-euq gar hageufni khawf sharcaw naeqlaf-awq.

1 Gawˇliˬtu 16:1

Tsawrshawr deuq-euq gharduq pyurdamq yuruiq-eu garkawv-anr tafler-awr nae ngar heulof-aer aer-eu ma. Ngaq nae Gaqlaqtiv-anr jawr-eu Kalizaq armur deuq-anr khaertaq-euq lof-aer, nawmaf khawf mr-awq.

1 Gawˇliˬtu 16:15

Aqyuif aqnyir deuq-or! Ngar, nawmaf-anr shar ma. Saqteqpaqna paeqzaq-aq, Aqgaqyar-euq lafkhoer siqbae baele-euq arsiq pyeuf-awr, tsawrshawr deuq-euq guiqlanq-euq gar mr-eu laer, aqyawf maf-euq mawrdo a’naeq taq-euq garkawv nawmaf siqnya mae.

2 Gawˇliˬtu 9:1

Tsawrshawr deuq-anr guiqlanq janrnaeq-eu garkawv, ngar, nawmaf-anr sanqbof maq bofanrlef khawf geufnya-eu mae.

Gaˬlaˬtiˆ 2:10

Aqyawfmaf, nga’maf-anr irshaqzaq-anr noeqkeuv de-eq laer shar-eu mae. Khoerlof-aer janr-eu-aq, ngar khawf nuima keuv-eu tiqjeq pyeuf-eu ma.

Gaˬlaˬtiˆ 6:10

Khoeruqtaf, aqdui khar yaeflar ngae, tsawrhaq dawqtawv luf-anr yawmuiq jeq mrnaeq kar-eur. Aqcawq-anr navmaqtser, jan-eu nymrkhanq-euq lafkhoer mrnaeq-eu tsaq mae.

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.