2 Gawˇliˬtu 8:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawfmaf khar ghaenya-eu lof-aer damq-euq uqtaf, maq ghaenya-eu gar keuvni laqkhaq caertavni damq-euq gar khawf, ngar sarkir kamqnya-eu ma.

Akha

³ Aˬ yawꞈ maꞈ kʼaˇ gʼeh nya gaˇ keuˆ ni damˬ nehˬ-eu uˬ taꞈ, maˬ gʼeh nya gaˇ keuˆ ni kʼawꞈ damˬ-eu meh lehˇ naw maꞈ-ahˇ ngaˇ ehˇ tsehˆ peuˬ ma. Aˬ yawꞈ maꞈ yawˬ haˇ yawˬ ha noeˬ siˬ noeˬ mawˇ-eu laꞈ kʼoeˇ,

2 Gawˇliˬtu 8:3 ပူးပေါင်းရင်းမြစ်များ

Jaceuq 110:3

Nawr, baoq anr-eu arnan-anr, Nawq-euq tsawrhaq nuima keuv-awr cawba taef-a. Yawshawr-euq lafkhoer hawmuiq-eu, Uqshawq paw-euq, zaq-euq jawrzar-euq ceuq lof-aer, Nawq-euq zaqguq deuq, nawr jawr-eu gar lar taef-a.

Maˬkuˆ 14:8

Aqyawf-aq, aqyawf khar ghaenya-eu lof-aer janr-euq mae. Ngaq-anr duqpanq-eu gharduq, maq duqpanq-euq minav-aer, aqyawf, ngaq-euq mawrdo-anr tsir yawsaw shaevdav naeqlaf-euq mae.

Gʼaˬkʼehˇ 11:29

Khoerngae, zaqlanr deuq yawqha khar ghaenya-eu lof-aer, Yurdav mirkhanq-anr jawr-eu aqyuif aqnyir deuq-anr cawba-eu pyur shaghae ma laer noeqtsaev taq-euq mae.

Lormav 10:2

Aqyawfmaf, Miqyaer-euq gharduq nuima keuv duidui-eu mae laer ngar sarkir kamqnya ma. Aerkhawf, siqnya-eu tsawrganr anr-awr nae, nuima keuv-eu maqngeur-a.

1 Gawˇliˬtu 16:2

Yawqjaw navluf-euq yawbae ngae nan, nawmaf yawqghaq navluf yawqha nae za-euq gar geuxni pyur yurdov-awr jeqhmq taq-awq. Khoerlof-aer janr nar-aq, ngar larkeuv ngae, pyur tafuiq-eu laer maqya ghae-ar.

1 Gawˇliˬtu 9:17

Ngar nuima keuv-awr guiqlanqdawq maeq nar-aq, mrpoeq lafsawq za taef-a. Ngar maq maeqmawf-eu law-awr khawf, ya’maeq-eu gar heu-anr yawmuiq-aer ya hawpir-eu mae.

Gaˬlaˬtiˆ 4:15

Arhu, nawmaf laqkhaq caer-eu khoer aqgeugar bibyov-ir jir-euq le? Khoerngae, nawmaf-euq myavnuiv kheufdov-awr, ngaq-anr dawvtsof naeqlafnya lawnmr-aq, dawvtsof naeqlaf mawf-eu mae laer nawmaf-euq garkawv ngar sarkir kamqnya-eu ma.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

Gawˇlawˇsehˇ 4:13

Aqyawf-aq, nawmaf-euq gharduq, Lawqdiqciv hawr-eu Heqlaqbawrlir-anr jawr-eu tsawrhaq deuq-euq gharduq, nuima zawr-aer keuv-eu mae laer ngar sarkirkamq ma.

1 Teˇsaˬloˇni 2:8

Nga’maf, nawmaf-anr gaqsaef-eu mirnae, nawmaf-anr Miqyaer-euq guiqlanqdawq taef-aer maqngeur-eu, nga’maf-euq daefzir khawf bifpeuq-eu ma. Aqjeq mirnae aernar-aq, nawmaf-aq, nga’maf gaq duidui-eu tsawrhaq ma.

Piˇleˇmoˬ 1:14

Aerkhawf, nawr nuima maq tsaqgar ngar khoerlof-aer maq janrmawf nya. Aqjeq mirnae aernar-aq, nawr yawmuiq jeq janrnaeqlaf ngae, nawr nuima keuv-awr janrnaeq laf-eu gar ngar geufmawf-awr, maq ghaenya-aer janrnaeq laf-eu jeq maqbi pyeufmawf nya.

1 Beˬtuˆluˆ 4:11

Tiqghaqnav dawqngaeq ngaeq-eu ngeur nar-aq, Miqyaer-euq dawq ngaeq-eu lof-aer bingaeq-awq. Tiqghaqnav, aqcawq-anr cawba-eu gar mr-eu ngeur nar-aq, Miqyaer nae bi mrnya-euq lof-aer mr-awq. Khoerlof-aer mr nar-aq, yawqjeq navluf-euq lafkhoer Yeqsur Kali-euq baqda’nae, Miqyaer-euq yawshaef khanqsaer dovlar taef-a. Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.

1 Beˬtuˆluˆ 5:2

Nawmaf-euq lafkhoer jawr-eu Miqyaer-euq yawrmaf-anr hawpir-eu tsawrhaq lof-aer bosav-awq. Bi katir-euq mirnae bosav-eu maqngeur-aer, nuima keuv-eu lafkhoer bosav-awq. Maqsui maqdawr-eu lafkhoer za’nya’ni maqngeur-eu, shaqdaef shaqnar anr-eu lafkhoer bosav-awq.